Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, მესხეთი, ჯავახეთი, ტაო-კლარჯეთი იყო და მუდამ იქნება საქართველო!!!

Archive for the ‘საყდრისი’ Category

საყდრისის კომიტეტმა კულტურული მემკვიდრეობის ხელყოფისთვის სპეციალური “ჯილდო” დააწესა

Posted by iberiana on დეკემბერი 13, 2016

sazogadoebrivi

საყდრისის აფეთქებიდან ორი წლის თავზე, საყდრისის კომიტეტმა კულტურული მემკვიდრეობის ხელყოფისთვის სპეციალური “ჯილდო” დააწესა, რომელიც ყოველი წლის 13 დეკემბერს გაიცემა.

“ჯილდო” წელს კულტურის მინისტრს მიენიჭა. მიხეილ გიორგაძე საყდრისის კომიტეტმა “ოქროს უროთი” დააჯილდოვა.

საყდრისის კომიტეტის წარმომადგენელ ირაკლი მამალაძის განცხადებით, მიხეილ გიორგაძეს პრიზი საყდრისის აფეთქებაში განსაკუთრებული წვლილისთვის გადაეცემა. დაჯილდოება ტრადიციული გახდება და პრიზი ყოველ წელს სხვადასხვა კომპანიას, იურიდიულ პირებს და სასულიერო პირებს მიენიჭებათ.

საყდრისის კომიტეტი კულტურის მინისტრის პრიზს სამინისტროში მიუტანს.

http://1tv.ge/ge/news/view/144249.html

Advertisements

Posted in 2016, საქართველო-Georgia, საყდრისი, საყდრისის გადარჩენის საზოგადოებრივი კომიტეტი, საყდრისის მნგრეველი | Tagged: , | Leave a Comment »

საყდრისის აფეთქება: მითი ოქროს ქალაქზე

Posted by iberiana on იანვარი 19, 2016

tutberidzeქეთი თუთბერიძე – საყდრისის აფეთქება: მითი ოქროს ქალაქზე

სამწუხაროდ, უძველესი ოქროს მაღაროს შენარჩუნების მცდელობა თავიდანვე ქარის წისქვილებთან ბრძოლას ჰგავდა, მიუხედავად იმისა, რომ ჩემში აღტაცებას იწვევდა ამ ადამიანების თავგანწირვა არქეოლოგიური ობიექტის გადასარჩენად. ცოტა ხანში კი იმედი მომეცა, რომ RMG Gold ვანდალურ მიზანს ვერასოდეს მიაღწევდა. თუმცა მაინც დამაფიქრებელ გზავნილად მომეჩვენა სტუდენტებთან შეხვედრისას პრემიერ-მინისტრის პასუხი საყდრისის შესახებ დასმულ შეკითხვაზე: „ეს არ არის ოქროს მაღარო… არ დასტურდება.“

საინტერესოა, რის საფუძველზე ამტკიცებდა ირაკლი ღარიბაშვილი, რომ საყდრისში ოქროს არ მოიპოვებდნენ, ან რა არგუმენტებით ცდილობდა საზოგადოების დარწმუნებას, რომ „კოლხური ელდორადო თუ პაიტიტი“ მხოლოდ რამდენიმე მეცნიერის ილუზიაა…

დღეს რამდენიც არ უნდა ვიმსჯელოთ, იყო თუ არა საყდრისი ზოგადსაკაცობრიო მნიშვნელობის ძეგლი, სადაც ოქროს ეგვიპტელებზე ადრე მოიპოვებდნენ, მაინც ვეღარაფრს შევცვლით. მხოლოდ ის უნდა გვახსოვდეს, რომ თბილისიდან დაახლოებით 80 კილომეტრის დაშორებით იყო რაღაც ძალიან მნიშვნელოვანი და უძველესი, რომლის ბოლომდე შეცნობის საშუალება არავინ მოგვცა. შესაძლოა, საუკუნეების შემდეგ საყდრისი-ყაჩაღიანის მაღაროც ანდებში დაკარგული ინკების ოქროს ქალაქივით მხოლოდ მითად იქცეს. თუმცა მინდა მჯეროდეს, რომ მან, ვინც საყდრისის აფეთქების გადაწყვეტილება მიიღო, მართლაც არ იცოდა, რასთან ჰქონდა საქმე. კიდევ უფრო მეტად მინდა მჯეროდეს, რომ ყველა ის ადამიანი, ვინც ამ ვანდალიზმის შემოქმედია, კანონის წინაშე პასუხს აგებს…

სრულად: https://sakdrisiblog.wordpress.com/sakdrisi-ge/k_tutberidze/

Posted in 2014, არქეოლოგია, საყდრისი | Tagged: | Leave a Comment »

საყდრისი დღეს

Posted by iberiana on დეკემბერი 14, 2015

12311318_449084188631316_5994834217442066438_n[1]

“მწვანე მუშტის” ფოტო

13 დეეკემბერს ერთი წელი გავიდა საყდრისის აფეთქებიდან საყდრისი ვერ გადავარჩინეთ, მაგრამ ბრძოლა გრძელდება.

გასაკეთებელი ბევრია. საყდრისის უკვდავსაყოფად აუცილებელია მისი შესაფერისი მუზეუმის აშენება. დასასჯელია ყველა ჩინოვნიკი თუ ვაიმეცნიერი, ვინც საყდრისის საზიანოდ ცრუ დასკვნები დადო, რითიც შეცდომაში შეიყვანა  საზოგადოება, რის გამოც  შეუძლებელი გახდა ძეგლის გადარჩენა.

Posted in 2015, საქართველო-Georgia, საყდრისი | Tagged: | Leave a Comment »

საყდრისის გადარჩენის საზოგადოებრივი კომიტეტის მიმართვა ხელნაწერთა ეროვნული ცენტრისადმი

Posted by iberiana on მაისი 8, 2015

11188204_685437471560502_2828468156329324986_n[1]საყდრისის გადარჩენის საზოგადოებრივი კომიტეტის მიმართვა ხელნაწერთა ეროვნული ცენტრისადმი

დღეს ხელისუფლება და მისი ერთ-ერთი შემადგენელი კომპონენტი განათლების სამინისტრო აშკარად ებრძვის მეცნიერებას, ისტორიას, აქტიურად და პასიურად – მხარს არ უჭერს იმ დარგებს, რომლებიც ქართული სახელმწიფოსთვის, მისი იდენტიფიკაციისთვის უმნიშვნელოვანესი და უნიკალურია.

როგორც ცნობილია, საქართველოს ისტორია გაცილებით ძველია, ვიდრე ამას ასწავლიან სკოლებსა და თუ უმაღლეს სასწავლებლებში. ამის შესწავლისთვის კი არაფერი კეთდება, ეს მიმართულებები არ ფინანსდება, ხოლო ის, რაც ამას ადასტურებს ნადგურდება – საყდრისი, ბერი კლდეები, ბევრი სხვა და ეხლა ამას ხელნაწერთა ეროვნულ ცენტრთან ბრძოლაც დაემატა.

ჩვენ გვსურს ვიცხოვროთ ისეთ ქვეყანაში, სადაც ყოველი ადამიანის შრომა დაფასებული იქნება, განსაკუთრებით დაფასებული იქნება მეცნიერება, რომელიც ქვეყნის ამოუწურავ რესურსს და სიამაყეს წარმოადგენს. ჩვენ გვსურს ქვეყანა, სადაც ადამიანი და მისი უფლებები უპირატესი ამოსავალი წერტილი იქნება. სამწუხაროდ, ზუსტად ეს იყო დღევანდელი ხელისუფლების მოსვლის დაპირება, რომელიც ისევე, როგორც ბევრი დანარჩენი დაპირება მხოლოდ ხმის მისაცემი სატყუარა გახდა.

ხელნაწერთა ეროვნულ ცენტრში დღეს მიმდინარე მოვლენები, სამწუხაროდ, ერთადერთი და იშვიათი შემთხვევა არ არის – ეს არის დღევანდელი ხელისუფლების პოლიტიკის ნაწილი, რომელიც ჩვენ, საყდრისის გადარჩენის საზოგადოებრივმა კომიტეტმა ნათლად დავინახეთ საყდრისის – მსოფლიოში უძველესი ოქროს მაღაროს განადგურების მაგალითზე.

საყდრისის გადარჩენის საზოგადოებრივი კომიტეტი გიცხადებთ სრულ მხარდაჭერას ამ უთანასწორო ბრძოლაში, რომელშიც ჩვენ უკვე დიდი ხანია ვიმყოფებით! იმედია შევძლებთ საზოგადოების გამოფხიზლებას მისი ისტორიის, კულტურის და თვითმყოფადობის დასაცავად!

2015 წლის მაისი

Posted in 2015, არქეოლოგია, საქართველო-Georgia, საყდრისი, საყდრისის გადარჩენის საზოგადოებრივი კომიტეტი | Tagged: , | Leave a Comment »

პოლიტიკური პარტიების განცხადება საყდრისთან დაკავშირებით

Posted by iberiana on აპრილი 8, 2015

პოლიტიკური პარტიების ლიდერების საერთო განცხადება საყდრისთან დაკავშირებით

08.04.2015
დღეს საქართველო იმყოფება განვითარების ძალიან მნიშვნელოვან ეტაპზე. ერთის მხრივ იგი მიისწრაფვის ცივილური მსოფლიოსკენ, მისი ღირებულებებისკენ, ხოლო მეორე მხრივ, თავისი ქმედებებით ამ ღირებულებებს და ფასეულობებს ანადგურებს.

ძალიან ხშირად საქართველოში სახელმწიფო მნიშვნელობის საკითხების გადაწყვეტისას  ყურადღება არ ექცევა ქვეყნის ეროვნულ ინტერესებს და არ ხდება საკითხისადმი სახელმწიფოებრივი აზროვნებით მიდგომა, რაც იწვევს საფუძვლიან ეჭვს, რომ ხელისუფლებისთვის მთავარია არა ეროვნული, არამედ პირადი ინტერესები, იკვეთება კორუფციული სქემების ნიშნებიც, ხდება კერძო კომპანიების ლობირება, უხეშად ირღვევა კონსტიტუცია საზოგადოების სრული დუმილის ფონზე!

საკითხის ამგვარ გადაწყვეტას ეწირება ეროვნული ფასეულობები: თბილისის იერსახე და ლანდშაფტი, არქეოლოგიური და ბუნების  ძეგლები, საქართველოს ეკოლოგია, მოსახლეობის ჯანმრთელობა და კიდევ ბევრი რამ, რაც ჩვენი ქვეყნისთვის სასიცოცხლოდ  მნიშვნელოვანია. ასეთი პოლიტიკის შედეგი და ლოგიკური გაგრძელებაა საყდრისის განადგურებაც.

საყდრისის დანგრევა ესაა დანაშაული ერის წინაშე. მთავრობას არ აქვს უფლება მოუსპოს საკუთარ ერს ისტორიული და კულტურული მეხსიერება. ხელისუფლება უნდა უზრუნველყოფდეს კანონის უზენაესობის პრინციპსაც!

საქართველოს სამოქალაქო საზოგადოება, პოლიტიკური პარტიები და საზოგადოებრივი ორგანიზაციები მივმართავთ ხელისუფლებას და მოვითხოვთ:

  • დაცულ იქნას სასამართლოს უზენაესობა და საქართველოს კონსტიტუცია!
  • განხორციელდეს შესაბამისი ღონისძიებები, რათა დაუყოვნებლივ შეწყდეს მსოფლიო მნიშვნელობის ძეგლის განადგურება!
  • დაუშვან არქეოლოგები საყდრისზე!
  • გამოძიებულ იქნას საყდრისის ნგრევის კანონიერება! შეწყდეს გარემოს დაბინძურება და ჩატარდეს ეკო აუდიტი! შეიქმნას საპარლამენტო საგამოძიებო კომისია საყდრისის შესახებ!

განცხადებას ხელს აწერს: ნინო გოგუაძე-თავისუფალი დემოკრატები;  გრგოლ ჯოჯუა-ქრისტიან-დემოკრატიული პარტია; ზაზა მგალობლიშვილი-სახალხო პარტია; მანანა ნაჭყებია-ახალი მემარჯვენეები; ზურაბ ღონღაძე-ეროვნულ-დემოკრატიული პარტია; პაატა ჩოხელი-ლეიბორისტული პარტია;  კობა მახაური-ქრისტიან-დემოკრატები;  ალექსანდრე შალამბერიძე-თვისუფალი საქართველო; ზურაბ ხარატიშვილი-სამოქალაქო ალიანსი-თვისუფლება;   ჯონდი ბაღათურია-ქართული დასი;  სერგო რატიანი-ნაციონალური მოძრაობა;  ლეილა ცომაია-ზვიად განმათვისუფლებელის პარტია:  იგორ ჩხეიძე-ეროვნული ხელისუფლების; დიმიტრი ლორთქიფანიძე ბურჯანაძე დემოკრატები.

Posted in 2015, ოპოზიცია, პოლიტიკა, საყდრისი | Tagged: | Leave a Comment »

“დივერსანტის“ ჩანაწერი

Posted by iberiana on აპრილი 6, 2015

“დივერსანტის“ ჩანაწერი

06.04.2015

გასულ კვირას საქართველოს პრემიერ–მინისტრმა ქვემო ქართლში ბიზნესმენებთან შეხვედრისას ბოლნისში კომპანია „RMG-Gold”-ის მუშაობის მოწინააღმდეგეებს – “უპასუხისმგებლო“, “ანტისახელმწიფოებრივი” და “მოქალაქეების წინააღმდეგ მიმართული” უწოდა. ხოლო, სამართალდამცავ ორგანოებს „RMG-Gold”-ის მუშაობის მოწინააღმდეგეთა “დივერსიის” ფაქტით დაინტერესებისკენ მოუწოდა.

saladzeსულხან სალაძე

საიას იურისტი

რაც არ უნდა უცნაური იყოს პრემიერის განცხადებაში არის სიმართლის მარცვალი. ოღონდ საქმე ის არის, რომ სიმართლის მარცვლის ძიებას, თუ დავიწყებთ ადრესატის შეცვლა მოგვიწევს აუცილებლად. შესაბამისად, ისეთი შეფასებები, როგორიცაა – “უპასუხისმგებლო”, “ანტისახელმწიფოებრივი” და “მოქალაქეების წინააღმდეგ მიმართული”, საყდრისი-ყაჩაღიანის კონტექსტში თუკი ვინმესთან დაკავშირებით შეიძლება გამოვიყენოთ, ეს ალბათ უფრო ადმინისტრაციული ორგანოებია და არა ისინი, ვინც მთელი ამ ხნის განმავლობაში სამოქალაქო აქტივიზმის მაგალითზე, კულტურული მემკვიდრეობის დაცვას ცდილობდნენ.

მაღალი თანამდებობის პირის მხრიდან ადამიანების, თუ ორგანიზაციების “ანტისახელმწიფოებრივ” და სხვა მონათესავე ელემენტებად მონათვლის ეს არც პირველი შემთხვევაა და გული მიგრძნობს, რომ არც ბოლო არ უნდა იყოს. რაც ყველაზე მნიშვნელოვანია ეს უაღრესად საშიში ტენდენცია (შეიძლება აღარც არის ტენდეცია და ჩვეულებრივი მოცემულობაა უკვე) იმ სახელმწიფოსთვის, რომელსაც ევროპული ოჯახის სრულუფლებიანი წევრობა სურს.

და მაინც, ბატონო პრემიერო, მინდა რამდენმე წინადადება დავწერო იმის შესახებ, თუ საყდრისი-ყაჩაღიანის უძველესი ოქროს მაღაროს ირგვლივ განვითარებული მოვლენების კონტექსტში რა საერთო შეიძლება ჰქონდეთ კონკრეტულ ადმინისტრაციულ ორგანოებს და პრემიერ-მინისტრის შეფასებას. მერე ყველამ თავად გადაწყვიტოს, სად შეიძლება სჯობდეს ტერმინებისთვის: “უპასუხისმგებლო”, “ანტისახელმწიფოებრივი” და “მოქალაქეების წინააღმდეგ მიმართული” – ადრესატის ძებნა. ასე მაგალითად:

2014 წლის 12 დეკემბერს, “RMG-Gold”-ის მიერ კულტურისა და ძეგლთა დაცვის სამინისტროში განცხდების წარდგენიდან დროის მცირე მონაკვეთში, სამინისტრომ და კულტურული მემკვიდრეობის დაცვის ეროვნულმა სააგენტომ, საყდრისი-ყაჩაღიანის ძეგლის სტატუსის გარეშე დატოვების და არქეოლოგიური ობიექტის დაშლა-აღების მიზნით, მალულად, იმავე დღეს – 13 მოქმედების შესრულება და ოთხი გადაწყვეტილების მიღება, რომ შეძლეს, იცით ალბათ. და ეს პროცესი ეროვნული მუზეუმის და საყდრისი-ყაჩაღიანის ქართულ-გერმანული არქეოლოგიური ექსპედიციისთვის უთქმელად, რომ მოახერხეს ეს მისაღებია? რატომღაც სხვა დროს და სხვა საკითხებთან დაკავშირებით სამინისტროს და სააგენტოს მონდომება არ არის ასეთი მაღალი.

ქვეყნის კულტურის მინისტრს, სამუშაო საათების დასრულების შემდეგ სულ რაღაც 39 წუთი რომ დასჭირდა იმისთვის, რომ ერთი ხელის მოსმით ჩაეტარებინა ადმინისტრაციული წარმოება (უფრო სწორედ არ ჩაეტარებინა) და საყდრისისთვის საბოლოო განაჩენი გამოეტანა, ამას რა ვუწოდოთ? ნურც იმას დავივიწყებთ, საყდრისის აფეთქებამდე მცირე ხნით ადრე კულტურის მინისტრი პოზიციის დაფიქსირებისგან თავს რომ იკავებდა, აქაოდა საქმე სასამართლოშია და შეიძლება ჩემი კომენტარი ზეწოლა იყოს სასამართლოზეო.

2014 წლის 13 დეკემბერს, საყდრისი-ყაჩაღიანის აფეთქებიდან მიმდინარე წლის 9 იანვრამდე, “RMG-Gold”-ი ისე რომ ახორციელდებდა არქეოლოგიური ობიექტის თითქოსდა ე.წ. „დაშლა-აღებას“, რომ მას არც ერთი არქეოლოგი არ დასწრებია, იცით? სად იყვნენ ამ დროს კულტურისა და ძეგლთა დაცვის სამინისტრო და კულტურული მემკვიდრეობის დაცვის ეროვნულ სააგენტო?

2014 წლის 13 დეკემბრის დილიდან მოყოლებული, მაშინ როდესაც ნახევარ საქართველოს ეძინა, „RMG-Gold”-მა საყდრისი-ყაჩაღიანის აფეთქებით რეალურად ის მსხვილმაშტაბიანი სამუშაოები რომ განაახლა, რისი უფლებაც 2014 წლის ივნისიდან სასამართლოს ძალით აქვს შეჩერებული და ამაზე დღემდე არავის პასუხი, რომ არ უგია, უნდა გვიხაროდეს ვითომ?

ის, რომ სასამართლომ, 2013 წელს ე.წ. თერთმეტ კაციანი კომისიის მიერ მომზადებული დასკვნა უკანონდ მიიჩნია, ხოლო ხელისუფლებას იმ კომისიის ერთ-ერთი წევრი კულტურული მემკვიდრეობის დაცვის ეროვნულ სააგენტოში მაღალ თანამდებობზე ჰყავს, ამ ამბავს როგორ მოვეკიდოთ?

საქართველოს მთავარ პროკურატურას 2014 წლის დასაწყსისში საყდრისი-ყაჩაღიანის დაზიანების ფაქტზე დაწყებული გამოძიება რომელიღაც თაროზე რომ აქვს შემოდებული და გამოუძიებლობისგან საქმეს სულ უფრო მეტად ედება მტვერი, ეს რაზე უნდა მიანიშნებდეს ნეტა?

ან კიდევ, ეროვნული მუზეუმი სულ რაღაც ერთ წელს და არც ისე დიდ თანხას რომ საჭიროებდა საიმისოდ, რომ ბოლომდე შეესწავლა საყდრისი-ყაჩაღაიანი და ამის შემდეგ დაეწყო კომპანიას ოქროს მოპოვება, თუმცა სამინისტრომ და სააგენტომ ეროვნული მუზეუმი პრაქტიკულად მარტო რომ დატოვეს ოფშორული კომპანიის წინაშე, ესეც კარგია ვითომ?

სამწუხაროდ ამ ჩამონათვალის გაგრძელება უსასრულოდ შეიძლება კიდევ. ის რაც დავწერე ზღვაში წვეთია იმასთან შედარებით, რაც კიდევ გახდება ცნობილი.

და ბოლოს, სამართალდამცავი ორგანოებისათვის გაკეთებული მოწოდების შესახებაც მინდა ვთქვა ორიოდე სიტყვა. თუ ოდესმე საქართველოში, რომელიმე ხელისფლების დროს, რომელიმე სამართალდამცავი ორგანო, საყდრისში მომხდარი ამბით მართლა დაინტერესდება, ჩვენც გვკითხეთ რამე. შეიძლება ისეთი ამბების შესახებ გითხრათ, რასაც ჩინოვნიკები არაფრისდიდებით არ იტყვიან. არ იტყვიან იმიტომ, რომ საყდრისი-ყაჩაღიანთან დაკავშირებით თეთრზე თეთრის და შავზე შავის თქმა არც ისე იოლია.

http://www.netgazeti.ge/GE/105/opinion/43391/

Posted in 2015, საყდრისი, საყდრისის გადარჩენის საზოგადოებრივი კომიტეტი | Tagged: | Leave a Comment »

გამოხმაურებები ღარიბაშვილის განცხადებასთან დაკავშირებით

Posted by iberiana on აპრილი 5, 2015

გამოხმაურებები პრემიერ ღარიბაშვილის მიერ 3 აპრილს საყდრისის გადარჩენის საზოგადოებრივი კომიტეტის მიმართ გაკეთებულ განცხადებასთან დაკავშირებით

***
“ირაკლი ღარიბაშვილი ტერორისტია,” – ნინო გოგუაძე

03-04-2015

nino_goguadze“ირაკლი ღარიბაშვილი ტერორისტია,” – ეს განცხადება თავისუფალი დემოკრატების წევრმა დეპუტატმა ნინო გოგუაძემ საყდრისის საკითხზე საუბრისას გააკეთა.

გოგუაძეს მიაჩნია, რომ პრემიერ-მინისტრმა საქართველოს და მსოფლიოს კულტურული მემკვიდრეობის ძეგლის აფეთქებას შეუწყო ხელი და ჩაიდინა უდიდესი დანაშაული.

“სხვის დივერსიაზე ლარპარაკობს ადამიანი, რომელიც თავად არის ეჭვმიტანილი ტერორისტულ აქტში. ამ მთავრობამ და პრემიერ-მინისტრმა ჩაიდინეს ტერორისტული აქტი მსოფლიო კულტურის წინაშე. ის არ აძლევს საშუალებას უმრავლესობის წევრ დეპუტატებს, შექმნან საგამოძიებო კომისია,” – აცხადებს დეპუტატი ნინო გოგუაძე.

http://rustavi2.com/ka/news/13253

***

სოსო ცისკარიშვილი: ვისაც კულტურულ მემკვიდრეობას დოლარი ურჩევნია, ქართულ საზოგადოებაში მყარი საყრდენი ვერ ექნება

2015-04-03

1510ciskarishvili2[1]„ვისაც კულტურულ მემკვიდრეობას დოლარი ურჩევნია, მას დიდხანს ვერ ექნება მყარი საყრდენი ქართულ საზოგადოებაში“, – ასე ეხმაურება ექსპერტი სოსო ცისკარიშვილი კომპანია „RMG Gold” –თან დაკავშრებით პრემიერ–მინისტრის ირაკლი ღარიბაშვილის განცხადებას.

როგორც ცისკარიშვილი „ექსპრესნიუსთან“ საუბარში ამბობს, პრემიერი თუ საყდრისთან დაკავშირებით სამართლიანობის დარღვევაზე საუბრობს, გამართულ დისკუსიაში მონაწილეობა უნდა მიეღო.

თუმცა, მისივე შეფასებით, ღარიბაშვილს ამ თემის ირგვლივ დისკუსიაში „წარმატების მიღწევა“ გაუჭირდებოდა.

„ამ საკითხში ვერ დავეთანხმები პრემიერ–მინისტრს. მართალ ადამიანს ძალიან მარტივად შეუძლია საკუთარი სიმართლის დადგენა. მაგრამ თუ სამართლიანობის დარღვევაზე აგებს თავის ფრაზეოლოგიას, მაშინ კეთილი უნდა ინებოს და მიიღოს მონაწილეობა იმ დისკუსიაში, რომელიც დიდი ხნის მანძილზე მიმდინარეობს ქვეყანაში. ნათქვამია, ასჯერ გაზომე, ერთხელ გასჭერიო. მაგრამ როდესაც ერთი დღის განმავლობაში ქვეყანაში ტრიალდება ოფიციალური გადაწყვეტილებების კორიანტელი და სასამართლოსგან დაუკითხვაად… აბუჩად იგდებს მის გადაწყვეტილებას, ცხადია ქვეყანას, მის სახელმწიფოებრიობას, შეკოწიწებულ დემოკრატიას ბევრად მეტი ზიანი ექნება. გამომდინარე იქიდან, რომ იმ ტერიტორიის ძალიან მცირე მონაკვეთზეა საუბარი, სადაც შესაძლოა, ამ კომპანიამ იმოქმედოს, რატომღაც მაინცდამაინც იმ მცირე ტერიტორიაზე აქვთ მიტანილი იერიში, რომელიც მსოფლიოს წამყვანი უნივერსიტეტებისა და მათი სპეციალისტების რწმუნებით, რეალურ ისტორიულ, კულტურულ სიმდიდრეს წარმოადგენს და არა მხოლოდ ჩვენი ქვეყნისთვის. ვისაც დოლარი ურჩევნია კულტურულ მემკვიდრეობას, მას დიდხანს ვერ ექნება მყარი საყრდენი ქართულ საზოგადოებაში“, – აღნიშნა ცისკარიშვილმა.

მან აქვე დასძინა, რომ პრემიერ–მინისტრი არა მხოლოდ აღმასრულებელი ხელისუფლებას, არამედ საკანონმდებლო ორგანოსაც ხელმძღვანელობს.

რადგან, ცისკარიშვილის თქმით, პარლამენტში საყდრისთან დაკავშრებით დროებითი საგამოძიებო კომისია ჯერ კიდევ არ არის შექმნილი.

„ეს მინიშნება კიდევ ერთხელ გვარწმუნებს, რომ პრემიერ–მინისტრი არა მხოლოდ აღმასრულებელი ხელისუფლების, არამედ საკანონმდებლო ხელისუფლების, უმრავლესობის აზრთა გამრიგეც გახლავთ და ადვილად გამოსაცნობია ის განწყობები და პირში ჩავარდნილი ენა, როცა ამ საკითხის გარშემო დადუმებულია საპარლამენტო უმრავლესობა, ერთხელ მიღებულ გადაწყვეტილებაზე უარს ამბობს და კომისიის შექმნას არ აპირებს“, – განაცხადა სოსო ცისკარიშვილმა.

ცნობისთვის, დღეს, ირაკლი ღარიბაშვილმა განაცხადა, რომ მთელი ბონლისის რაიონი „RMG Gold“–ის მუშაობაზეა დამოკიდებული, რადგან ამ კომპანიას 3000 ოჯახი ჰყავს დასაქმებული. ხოლო, ის რაც ბოლნისის საწარმოსთან მიმართებაში მოხდა, ამით სამართალდამცავი ორგანოები უნდა დაინტერესდნენ.
http://epn.ge/?id=4191

***

,,გარეწარი ხარ!!!… ღმერთმა არ ქნას, ამხანაგო ბორია… თორემ…!“

2015-04-04

1428159958274641[1]გარეწრები ხართ ყველა, ვინც ამ მარაზმზე დუმხართ! – საყდრისის მცველთა მისამართით პრემიერ-მინისტრის განცხადებას სოციალურ ქსელში ეხმაურება ქართველი ემიგრანტი და საქართველო საფრანგეთის თანამშრომლობის გენერალური ასამბლეის აღმასრულებელი დირექტორი ნუგზარ სულაშვილი.
,,გარეწარი ხარ, როდესაც ანგრევ საყდრისს და ამ ნანგრევებში მოყლილ ასიათასობით ადამიანის სულს, მათ ტკივილს და განცდას დივერსანტობას უწოდებ!!!

გარეწარი ხარ, როდესაც საკუთარ სამშობლოს ართმევ კულტურულ მემკვიდრეობას პირადი კეთილდღეობისთვის!!!

და გარეწარი ხარ იმიტომ, რომ საკუთარ ცხოვრებას ნულების მიმატებით ზრდი და ამრავლებ!!!

გარეწრები ხართ ყველა, ვინც დღეს ამ მარაზმზე დუმხართ მხოლოდ იმიტომ, რომ ეს ნაგავი ხელისუფლება თქვენი გონებრივი პოტენციალის ნაყოფია და ჯიუტად ქედს არ იხრით საკუთარ სიბრიყვესათან!!!

საყდრისს უამრავი ჩემი მეგობერი იცავდა, როგორც ოპოზიციის ასევე ამ ხელისუფლების მხარდამჭერი და ღმერთმა არ ქნას ამხანოგო ბორია, რომელიმე მათაგანზე სისხლისსამართლებრივი დევნა დაიწყოთ, თორე პირობას გაძლევ საკუთარ სიხსლს შემოგაფურთხებ თვალებში!!!“ – წერს სულაშვილი.

წყარო

***

ახალი დიქტატურა მოვიდა?!

5.04.2015

maia-sakhokiaფანტასტიურად თავხედური და პირადად ჩემთვის გამაოგნებელი, მოულოდნელი დემაგოგიით, ღარიბაშვილი კაზრეთის მოწამლულ-ჩაგრული მოსახლეობის რაღაც არარსებული 3000 ოჯახით, ვინც თურმე მონსტრ არემჯის ”გაუბედნიერებია”, ხოტბას ასხამს საყდრისის განადგურებას, აფეთქებას, ნგრევას! ამ ერთადერთი დემაგოგიური, გაცვეთილი ”არგუმენტით” პრემიერი, სამწუხაროდ და სამგლოვიაროდ, დივერსანტებად ნათლავს არა მარტო საყდრისის დამცველებს, არამედ ჩვენს იმედს, უახლეს სასამართლოს, და იმ მოსამართლეებს, ვინც კანონიერად საყდრისის სასარგებლო დასკვნებს აკეთებენ! უფრო მეტიც: პრემიერი ემუქრება მათ აშკარად და დაუფარავად! იხილეთ მისი ტერმინოლოგია, თმები ყალყზე დგება!

ბატონი ღარიბაშვილი და ოცნებაც მთლიანად, ალბათ, დიქტატურისკენ მიექანება! ვაიპრემიერის ბოლო განცხადებებით მან ხაზი გადაუსვა ყოველივე კარგს, რაცკი მართლა გაუკეთებია ამ მთავრობას. საყდრისი ისედაც ფარავს ყველაფერს, და განცხადებებით საბოლოოდ გამოტანილია ღარიბაშვილის და მთელი ოცნებების განაჩენი! პირადად ჩემთვის, როგორც ერთი მოქალაქისთვის ეს ასეა: ჩემს თვალში მან/მათ განაჩენი გამოუტანეს თავისთავს!

პრემიერი დაემუქარა ახლადარჩეულ ჩვენს საიმედო ნინო გვენეტაძეს! ვნახოთ, რას იზამს ეს ქალბატონი, რა გზას დაადგება და რა პასუხს გასცემენ ის და თავისუფალი მოსამართლეები ასეთი დაუფარავი მუქარისთვის და ზეწოლისთვის! მაგრამ ყველა შემთხვევაში, განაჩენი გამოტანილია და ჯვარია დასმული. არემჯის ფერებას და ახლადამოსუნთქულ სასამართლოს გადაყვებიან ივანიშვილ-ღარიბაშვილის ვაიმმართველები, რაც ცხადია სამწუხაროა და არა გასახარელი.

მთელმა მსოფლიომ გაიგო უკვე, რომ ოქროზე მეტად საყდრისში მათ აინტერესებთ სტრონციუმი! აგრეთვე კადმიუმი და თეზიუმი! ამაზე კრინტს არ ძრავს პრემიერი და ნაცქოცარხები! ამ დროს კი ბოხუმში საყდრისის ვირტუალური მუზეუმი ეწყობა, სადაც მერე ვივლით ვირტუალური ჩვენი ძეგლის სანახავად! აი ამას ჰქვია უბედურებაც და სირცხვილიც. ნეტა გადაყვნენ მაგ სტრონციუმს ყველანი.

ჯერჯერობით კი მოვუწოდებ ნინო გვენეტაძეს და მოსამართლეებს, დაიცვან ქართული სასამართლოს და თავისი ღირსება და ჯეროვანი პასუხი გასცენ ვაიპრემიერის უტიფარ მუქარა-შეურაცხყოფებს, ცილისწამებებს, იარლიყების მიკერებას და განცხადებებს! ახლა გამოჩნდება რამდენად გაიზარდა ჩვენი სასამართლო.

მაია სახოკია 

აღმოსავლეთმცოდნე

https://iberiana2.wordpress.com/georgia/sakdrisi/

Posted in 2015, საყდრისი, საყდრისის გადარჩენის საზოგადოებრივი კომიტეტი | Leave a Comment »

საყდრისის გადარჩენის კომიტეტის განცხადება

Posted by iberiana on აპრილი 4, 2015

11130005_10202903746469268_3227541_n[1]

03.04.2015

უპასუხისმგებლო, ანტისახელმწიფოებრივი დივერსია,” – ასე შეაფასა პრემიერ-მინისტრმა ბოლნისში საყდრისის საბადოს ირგვლივ განვითარებული მოვლენები.

პრემიერი ამ საკითხით სამართალდამცველების დაინტერესებას ითხოვს.

„მე ვიცი, რომ დიდი პრობლემა შეექმნა ბოლნისში RMG კომპანიას, სადაც მუშაობს 3 ათასი ოჯახი. მთელი ბოლნისის რაიონი დამოკიდებულია ამ კომპანიის მუშაობაზე. ეს არის ყოვლად უპასუხისმგებლო დამოკიდებულება და მე ვიტყოდი, ანტისახელმწიფოებრივი, ჩვენი მოქალაქეების წინააღმდეგ მიმართული ქმედება. რაც მოხდა ბოლნისის საწარმოსთან მიმართებით, ეს არის პირდაპირი დივერსია და ამით უნდა დაინტერესდნენ სამართალდამცველი ორგანოები,” – განაცხადა ირაკლი ღარიბაშვილმა.

http://rustavi2.com/ka/news/13247

***

საყდრისის გადარჩენის საზოგადოებრივი კომიტეტის განცხადება

პრემიერ ღარიბაშვილის განცხადებასთან დაკავშირებით

გუშინ საქართველოს პრემიერ-მინისტრმა ირაკლი ღარიბაშვილმა სამართალდამცავებს საყდრისის მცველების დივერსიული საქმიანობით დაინტერესებისკენ მოუწოდა.

ჩვენ თავად უკვე ერთი წელია ვითხოვთ, საყდრისთან დაკავშირებული უამრავი დანაშაულებრივი ფაქტის გამოძიებას.

ჩვენი აზრით დივერსია, რომელიც განხორციელდა საყდრისის აფეთქებით წამოადგენს ქართული სახელმწიოფოებრიობის წინააღმდეგ მიმართულ ვანდალურ აქტს.

დივერსია არის:

  1. უფასოდ გაცემული ლიცენზია სპილენძისა და ოქროს მოპოვებაზე, ღირებულებით 50-60 მლნ ლარი
  2. უკონტროლოდ გატანილი ოქრო, სპილენძი და კიდევ 9 იშვიათი ლითონი, რომელთა რაოდენობა აღრიცხულია სახელმწიფოს მარაგებში, ღირებულებით რამდენიმე ასეული მლნ. ლარი;
  3. მთელი საქართველოს მაშტაბით ეკოლოგიური კატასტროფის კერის შექმნა და მოსახლეობის გენოციდი, რაც ეკონომიკური ციფრებით გამოიხატება ასეული მილიონი ლარით, რომელიც ონკოდაავადებების სამკურნალოდ იხარჯება;
  4. აღარაფერს ვამბობთ იმ ზიანზე, რაც მიადგა ჩვენს საერთაშორისო პრესტიჟს, საყდრისის აფეთქებამ საქართველო დააყენა მსოფლიოში ცნობილი ვანდალების: თალიბანების და სხვა ბოროტმოქმედების გვერდით და ა.შ.

ჩვენ აქამდეც არაერთი წერილი მიგვიწერია პრემიერის, პარლამენტის თავმჯდომარის, და სხვა მაღალი თანამდებობის პირებისთვის ამ საკითხების მეცნიერებთან ერთად განსახილველად, ამიტომ ვღებულობთ ამ გამოწვევას და იმედი გვაქვს საყდრისთან დაკავშირებით გამოძიებულ იქნება ყველა ეს საკითხი.

მოვუწოდებთ მასობრივი ინფორმაციის საშუალებებს, რათა საჯაროდ იქნას განხილული ამ დივერსიების ყველა ასპექტი, ხოლო პრემიერ-მინისტრს მოვუწოდებთ საყდრისის მცველებისადმი წამოყენებული ბრალდებების დაუსაბუთებლობის შემთხვევაში მოიხადოს ბოდიში.

04.04.2015

***

maia-sakhokiaმაია სახოკია

ფანტასტიურად თავხედური და პირადად ჩემთვის გამაოგნებელი, მოულოდნელი დემაგოგიით, ღარიბაშვილი კაზრეთის მოწამლულ-ჩაგრული მოსახლეობის რაღაც არარსებული 3000 ოჯახით, ვინც თურმე მონსტრ არემჯის ”გაუბედნიერებია”, ხოტბას ასხამს საყდრისის განადგურებას, აფეთქებას, ნგრევას! ამ ერთადერთი დემაგოგიური, გაცვეთილი გაღლეტილი ”არგუმენტით” პრემიერი სამწუხაროდ და სამგლოვიაროდ, დივერსანტებად ნათლავს საყდრისის დამცველებს კი არა მარტო, (ჯერ რა ტერმინოლოგიაა!) არამედ ჩვენს იმედს, უახლეს სასამართლოს, და იმ მოსამართლეებს, ვინც კანონიერად საყდრისის სასარგებლო დასკვნებს აკეთებენ! უფრო მეტიც: პრემიერი ემუქრება მათ აშკარად და დაუფარავად! იხილეთ მისი ტერმინოლოგია, თმები ყალყზე დგება!

ბატონი ღარიბაშვილი და ოცნებაც მთლიანად, ალბათ, დიქტატურისკენ მიექანება! ვაიპრემიერის ბოლო განცხადებებით მან ხაზი გადაუსვა ყოველივე კარგს, რაცკი მართლა გაუკეთებია ამ მთავრობას. საყდრისი ისედაც ფარავს ყველაფერს, და განცხადებებით საბოლოოდ გამოტანილია ღარიბაშვილის და მთელი ოცნებების განაჩენი! პირადად ჩემთვის, როგორც ერთი მოქალაქისთვის ეს ასეა: ჩემს თვალში მან/მათ განაჩენი გამოუტანეს თავისთავს!

პრემიერი დაემუქარა ახლადარჩეულ ჩვენს საიმედო ნინო გვენეტაძეს! ვნახოთ, რას იზამს ეს ქალბატონი, რა გზას დაადგება და რა პასუხს გასცემენ ის და თავისუფალი მოსამართლეები ასეთი დაუფარავი მუქარისთვის და ზეწოლისთვის! მაგრამ ყველა შემთხვევაში, განაჩენი გამოტანილია და ჯვარია დასმული. არემჯის ფერებას და ახლადამოსუნთქულ სასამართლოს გადაყვებიან ივანიშვილ-ღარიბაშვილის ვაიმმართველები, რაც ცხადია სამწუხაროა და არა გასახარელი.

მთელმა მსოფლიომ გაიგო უკვე, რომ ოქროზე მეტად საყდრისში მათ აინტერესებთ სტრონციუმი! აგრეთვე კადმიუმი და თეზიუმი! ამაზე კრინტს არ ძრავს პრემიერი და ნაცქოცარხები! ამ დროს კი ბოხუმში საყდრისის ვირტუალური მუზეუმი ეწყობა, სადაც მერე ვივლით ვირტუალური ჩვენი ძეგლის სანახავად! აი ამას ჰქვია უბედურებაც და სირცხვილიც. ნეტა გადაყვნენ მაგ სტრონციუმს ყველანი.

ჯერჯერობით კი მოვუწოდებ ნინო გვენეტაძეს და მოსამართლეებს, დაიცვან ქართული სასამართლოს და თავისი ღირსება და ჯეროვანი პასუხი გასცენ ვაიპრემიერის უტიფარ მუქარა-შეურაცხყოფებს, ცილისწამებებს, იარლიყების მიკერებას და განცხადებებს! ახლა გამოჩნდება რამდენად გაიზარდა ჩვენი სასამართლო.

5.04.2015

Posted in საქართველო-Georgia, საყდრისი, საყდრისის გადარჩენის საზოგადოებრივი კომიტეტი | Tagged: , | 2 Comments »

საქართველოს პარლამენტს: შეაჩერეთ საყდრისის ნგრევა

Posted by iberiana on მარტი 21, 2015

sakdrisi!საქართველოს პარლამენტს: შეაჩერეთ საყდრისის ნგრევა და შექმენით საგამოძიებო კომისია

ეს მიმართვა განაპირობა იმ გარეომოებამ, რომ საყდრისის მსოფლიოში უძველესი ოქროს მაღაროს გარშემო სიტუაცია, ჩვენთვის აუხსნელი მიზეზების გამო, დღითიდღე იძაბება, რადგან მთავრობა იცავს კერძო კომპანიის RMG Gold-ის ინტერესებს, უარყოფს 10 წლიანი კვლევების შედეგად ფაქტობრივად დადასტურებული უნიკალური არქეოლოგიური ძეგლის არსებობას და ანადგურებს მას!

მთავრობა არ უსმენს მსოფლიოში აღიარებულ მეცნიერებს, საზოგადოებას, არასამთავრობო ორგანიზაციებს, ახალგაზრდებს, რომლებმაც პრემიერს მიმართეს პეტიციით, მრავალჯერ მისწერეს წერილი, რათა შეეჩერებინა ნგრევა და გადაერჩინა საყდრისი.

მთავრობა არ უსმენს სახალხო დამცველს, პრეზიდებტს,  საპატრიარქოს და არც საქართველოს კათოლიკოს პატრიარქს ილია II-ს, რომელმაც 2014 წლის 14 დეკემბერს დაგმო საყდრისის აფეთქება და მოითხოვა დამნაშავეების დასჯა!

ამიტომ თქვენ, საქართველოს პარლამენტის  დეპუტატებს, რომლებიც აგირჩიათ საქართველოს მოსახლეობამ, გეძლევათ გმირობის ტოლფასი შანსი – გადაურჩინოთ საყდრისი მომავალ თაობებს.

მოგმართავთ თხოვნით:
1. სასწრაფოდ მიიღოთ გადაწყვეტილება საყდრისი-ყაჩაღიანის საბადოს ნგრევის შეჩერებაზე
2. დროულად გადაწყვიტოთ საყდრისი-ყაჩაღიანის საბადოსთან დაკავშირებით პარლამენტის საგამოძიებო კომისიის შექმნის საკითხი

21.03.2015

სრულად:  https://iberiana2.wordpress.com/georgia/sakdrisi/parlaments/

Posted in 2015, საყდრისი | Tagged: , | Leave a Comment »

სახალხო დამცველის რეკომენდაცია

Posted by iberiana on მარტი 21, 2015

რეკომენდაცია საყდრისი-ყაჩაღიანისათვის კულტურის ძეგლის სტატუსის მოხსნის კანონიერების თაობაზე რეკომენდაცია საყდრისი-ყაჩაღიანისათვის კულტურის ძეგლის სტატუსის მოხსნის კანონიერების თაობაზე

საქართველოს სახალხო დამცველმა საყდრისი-ყაჩაღიანისათვის კულტურის ძეგლის სტატუსის მოხსნის კანონიერების შესახებ რეკომენდაციით მიმართა საქართველოს კულტურისა და ძეგლთა დაცვის მინისტრს და საქართველოს კულტურული მემკვიდრეობის დაცვის ეროვნული სააგენტოს დირექტორს.

საქართველოს სახალხო დამცველის მიერ საყდრისი-ყაჩაღიანის უძველესი ოქროს მაღაროსთვის კულტურული მემკვიდრეობის ძეგლის სტატუსის მოხსნის კანონიერების საკითხის შესწავლის შედეგად დადგინდა, რომ სტატუსის მოხსნის თაობაზე საქართველოს კულტურისა და ძეგლთა დაცვის მინისტრისა და საქართველოს კულტურული მემკვიდრეობის დაცვის ეროვნული სააგენტოს დირექტორის გადაწყვეტილებები მიღებული იქნა მოქმედი კანონმდებლობის დარღვევით…

სახალხო დამცველს მიაჩნია, რომ დაირღვა როგორც საქართველოს, ასევე საერთაშორისო კანონმდებლობის მოთხოვნები. კერძოდ, დაცული არ იქნა საქართველოს კონსტიტუციის, ადამიანის უფლებათა საყოველთაო დეკლარაციის, ეკონომიკური, სოციალური და კულტურული უფლებების საერთაშორისო პაქტის, არქეოლოგიური მემკვიდრეობის დაცვის შესახებ ევროპული კონვენციის, ორჰუსის კონვენციის, „კულტურული მემკვიდრეობის შესახებ“ საქართველოს კანონის და ზოგადი ადმინისტარციული კოდექსით დადგენილი მოთხოვნები…

სრულად: https://iberiana2.wordpress.com/georgia/sakdrisi/ombudsman/

Posted in 2015, საყდრისი | Tagged: , | Leave a Comment »

ირინე ღამბაშიძე

Posted by iberiana on მარტი 10, 2015

irine-gambaSidze2ირინე ოთარის ასული ღამბაშიძე

არქეოლოგი, დოქტორი, პროფესორი, საქართველოს ეროვნული მუზეუმის სამეცნიერო ლაბორატორიის ხელმძღვანელი

დაიბადა თბილისში, არქეოლოგის ოჯახში. 1976 წელს დაამთავრა თბილისის პირველი საშუალო სკოლა. 1983 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტი, სპეციალობით არქეოლოგია.

1999 წელს დაიცვა დისერტაცია თემაზე: „სამცხე/ჯავახეთი ძვ.წ. II ათასწლეულის შუა ხანებში“.

2006 წლიდან არის გერმანიის არქეოლოგიის ინსტიტუტის წევრ/კორესპონდენტი.

2007/დღემდე საქართველოს ეროვნული მუზეუმის ოთ. ლორთქიფანიძის არქეოლოგიის ცენტრის უფროსი მეცნიერი თანამშრომელი.

2012/დღემდე საქართველოს ეროვნული მუზეუმის სამეცნიერო ლაბორატორიის ხელმძღვანელი.

2004-2014 წწ. საყდრისის არქეოლოგიური ექსპედიციის ხელმძღვანელი.

სრულად: https://geowomen.wordpress.com/women-scientists/humanities/historians/irine-gambashidze/

Posted in 2015, არქეოლოგია, მეცნიერება, საყდრისი | Tagged: , | Leave a Comment »

საყდრისის მნგრეველი- გიორგაძე

Posted by iberiana on მარტი 4, 2015

გიორგაძე2საყდრისის დიდი მნგრეველი!

მიხეილ გიორგაძე

კულტურისა და ძეგლთა დაცვის მინისტრი 2014 წლის 26 ივლისიდან

2015 წლია 2 მარტს სააპელაციო სასამართლომ არ დააკმაყოფილა მთავრობისა და კულტურის სამინისტროს საჩივარი და ძალაში დატოვა საქალაქო სასამართლოს გადაწყვეტილება, რომლითაც კულტურის სამინისტროს საყდრისი-ყაჩაღიანისთვის ისტორიული ძეგლის სტატუსის მოხსნის გადაწყვეტილების გადახედვა დაევალა.
საქალაქო სასამართლოს გადაწყვეტილების საფუძველზე გაუქმდა ის დადგენილება, რომლის მიხედვითაც საყდრისი-ყაჩაღიანს ძეგლის სტატუსი შეუწყდა.

მიხეილ გიორგაძე განმარტავს, რომ სააპელაციო სასამართლოს გადაწყვეტილება საყდრისი-ყაჩაღიანის საბადოს სტატუსს არ ეხება.
“სწორად გავიგოთ, რაზეა საუბარი. ამ გადაწყვეტილებაში სტატუსთან დაკავშირებით საუბარი არ არის. საუბარია წინამდებარე ადმინისტრაციული აქტების გაუქმებაზე, რაც ჩემი ბრძანებით ისედაც გაუქმებულია. ამიტომ წმინდა ტექნიკური დეტალებია, რომელიც საქმის შინაარსობრივ მხარეზე გავლენას არ მოახდენს. ის, რასაც სასამართლო თავისი გადაწყვეტილებით გვავალებს, ჩვენ თვითონვე გვაქვს განხორციელებული”,

ასე არ ფიქრობენ საყდრისის მცველები!

https://iberiana2.wordpress.com/georgia/sakdrisi/mngrevelebi/

Posted in 2015, საყდრისი, საყდრისის მნგრეველი | Tagged: , | Leave a Comment »

საყდრისის მნგრეველი – ჩიხრაძე

Posted by iberiana on მარტი 4, 2015

e183a9e18398e183aee183a0e18390e183abe18394[1]თემურ ჩიხრაძე (იურისტი)

დაბადების თარიღი: 1983 წლის 28 სექტემბერი
2000-2005 წლებში სწავლობდა ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე;

2005-2006 წლებში ასრულებდა საქართველოს კულტურისა და ძეგლთა დაცვის სამინისტროს იურიდიული სამსახურის მთავარი სპეციალისტის მოვალეობას; 2006 წელს იყო საქართველოს კულტურისა და ძეგლთა დაცვის სამინისტროს იურიდიული სამსახურის სპეციალისტი;

2010-2014 წლებში ეკავა საქართველოს კულტურისა და ძეგლთა დაცვის სამინისტროს იურიდიული დეპარტამენტის დირექტორის თანამდებობა;
2014 წლიდან არის სსიპ საჯარო სამსახურის ბიუროს ადმინისტრაციული დეპარტამენტის უფროსი.

 

თბილისელები

2013.09.02

კულტურის სამინისტროს იურიდიული დეპარტამენტის უფროსი თემურ ჩიხრაძე ჩვენთან საუბრისას ადასტურებს, რომ დაბა საყდრისის სამთამადნო მრეწველობის ძეგლად გამოცხადება მოხდა სამართლებრივი ასპექტების უხეში დარღვევით.

– ბატონო თემურ, ახლა ხელში მიჭირავს საქართველოს კულტურისა და ძეგლთა დაცვის მინისტრის, ბატონი გურამ ოდიშარიას 2013 წლის 28 მაისის ¹03/82 ბრძანების საფუძველზე შექმნილი, ბოლნისის მუნიციპალიტეტის დაბა საყდრისის სამთამადნო მრეწველობის ძეგლთან დაკავშირებული საკითხების შემსწავლელი კომისიის დასკვნა, რომელსაც, სხვათა შორის, თქვენც აწერთ ხელს. დასკვნაში წერია, რომ, ძეგლის სტატუსის მინიჭების გადაწყვეტილების მიღებისას, დარღვეულ იქნა კანონის მე-5 და მე-9 მუხლები, კანონის მე-11 და კანონის 21-ე მუხლების მთელი რიგი სამართლებრივი ნორმები. თქვენ, ბუნებრივია, ეთანხმებით ამ დასკვნას.

– კი ბატონო, დასკვნაში დეტალურად წერია, რა დარღვევებია დაფიქსირებული ძეგლის სტატუსის მინიჭებისას. ვეთანხმები კი არა, ჩ ე მ ი დაწერილია“.

https://iberiana2.wordpress.com/georgia/sakdrisi/mngrevelebi/

Posted in 2015, საყდრისი, საყდრისის მნგრეველი | Tagged: , | Leave a Comment »

საყდრისის მნგრეველი პროფესორები

Posted by iberiana on მარტი 4, 2015

11025120_10205218076588008_7476061844826455430_n[1]

იხილეთ საყდრისის სხვა მნგრეველებიც:

https://iberiana2.wordpress.com/georgia/sakdrisi/mngrevelebi/

Posted in 2015, საყდრისი | Tagged: , , , | Leave a Comment »

საყდრისის გამქრალი დოკუმენტების კვალდაკვალ

Posted by iberiana on მარტი 3, 2015

11046483_10205239702688647_580736477228401742_n[1] საყდრისის გამქრალი დოკუმენტების კვალდაკვალ

საყდრისის ამბით დაინტერესებულ საზოგადოებას კარგად მოეხსენება, რომ 2013 წლის 5 ივლისს კულტურის მინისტრმა  ოდიშარიამ საყდრისს გაუუქმა 2006 წელს მინიჭებული ძეგლის სტატუსი. ამის  ერთერთი მიზეზი იყო კულტურის სამინისტროში და მეცნიერებათა აკადემიაში  ძეგლის მინიჭებისათვის საჭირო დოკუმენტაციის არარსებობა. მათი მტკიცებით საყდრისზე 2007 წელს დაიწყო გერმანულ-ქართული ექსპედიცია, და შესაბამისად 2006-წელს ირინე ღამბაშიძე ვერ ჩააბარებდა კულტურის სამინისტროში საჭირო ანგარიშებს.

საყდრისის გადარჩენის კომიტეტის წევრმა ბესო ბოგველმა, კულტურის სამინისტროდან “აორთქლებულ” დოკუმენტებს ვერა, მაგრამ მიაგნო ოფიციალურ გამოცემებს, საიდანაც დგინდება არქეოლოგ ირინე ღამბაშიძის  მტკიცება, რომ არსებობდა   2004-2005 წლების ანგარიშები:.

I. ქრონიკა. არქეოლოგიური კვლევის ცენტრი. 2005 წელი. გვ. 225, სადაც ვკითხულობთ:
“26 აპრილი-3 მაისი. ტრადიციული საანგარიშო სესია 2004 წელს ჩატარებული საველე-არქეოლოგიური კვლევა-ძიების შესახებ. მოხსენებები:… ირ. ღამბაშიძე, ა. ჰაუპტმანი (ბოხუმი) – ახლადგამოვლენილი ოქროს მოპოვების უძველესი კერა ქვემო ქართლში (ბოლნისი, სოფ. საყდრისი) და რადიოკარბონული თარიღების უახლესი მონაცემები.”

II. 2005 წ. საქართველოს მეცნიერებათა აკადემიის ოთ. ლორთქიფანიძის არქეოლოგიის ცენტრის სამეცნიერო ჟურნალი “ძიებანი საქართველოს არქეოლოგიაში“, N17-18. გვ. 235.

“საყდრისში (ბოლნისის რაიონი) 2005 წაგვისტო-სექტემბერში განხორციელდა სამთო-არქეოლოიური საველე საძიებო სამუშაოები აკად. ოთ. ლორთქიფანიძის სახელობის არქეოლოგიური კვლევის ცენტრისა და გერმანიის ქ. ბოხუმის სამთო მუზეუმის ერთობლივი სამეცნიერო-სასწავლო პროექტით – “არქეომეტალურგია და სამთო არქეოლოგია საქართველოში” ფოლკსვაგენის ფონდის დაფინანსებით. საველე სამუშაოებს ხელმძღვანელობდა ი.მ.კ. ირ. ღამბაშიძე, ექსპედიციაში მონაწილეობას იღებდნენ გერმანული მხარიდან – პროფ. ანდრეას ჰაუპტმანი (პროექტის ხელმძღვანელი). სამთოარქეოლოგი პროფ. ტომას შტოლნერი, ქიმიკოსი დოქტორი მიხაელ პრანგე, ტოპოგრაფი  გერო შტეფენსი, მარბურგისა და ბოხუმის რურის უნივერსიტეტის სტუდენტები პეტერ ტომასი, ფრანკა შველნუსი, ტორსტენ რაბსილბერი, იუტა კოსსმაიერი, მარგრეტ და ფრენკ იენსები. სამთო არქეოლოგიური სამუშაოების შედეგად გამოვლენილია უძველესი ოქროს მადნის გამონამუშევარი. მაღაროებში მიპოვებული განათხარი მასალებისა და ნახშირის ნიმუშების რადიონახშირბადის დათარიღების საფუძველზე ძეგლი ძვ.წ. IV-III  ათასწლეულების მიჯნას ანუ მტკვარ-არაქსულ პერიოდს განეკუთვნება. ანალიზები შესრულდა ჰაიდელბერგის მეცნიერებათა აკადემიის მსოფლიო ფიზიკის ინსტიტუტის ლაბორატორიაში.”

ამრიგად, ანგარიშები და ყველა საჭირო დოკუმენტი არსებობდა, რის საფუძველზეც საყდრისს 2006 წლის 30 მარტს, მაშინდელი კულტურის, ძეგლთა დაცვისა და სპორტის მინისტრის ბრძანებით №3/133 ობიექტს მიენიჭა უძრავი ძეგლის სტატუსი.

2006 წლის 17 ივლისის, კულტურისა და ეკონომიკის მინისტრების ერთობლივი ბრძანების №3/225-N1-1/616 საფუძველზე ობიექტს დაუდგინდა არქეოლოგიური დაცვის ზონა.

2006 წლის 7 ნოემბერს, საქართველოს პრეზიდენტის ბრძანებულებით №665 ობიექტს მიენიჭა ეროვნული კატეგორია.

Posted in 2015, საყდრისი | Tagged: , | Leave a Comment »

მიმართვა დეპუტატებს

Posted by iberiana on მარტი 3, 2015

sakdrisi-parlamentiსაყდრისის გადარჩენის საზოგადოებრივი კომიტეტის მიმართვა

საქართველოს პარლამენტის დეპუტატებს

 

დეპუტატებო,

„საყდრისის გადარჩენის საზოგადოებრივმა კომიტეტმა“ 2015 წ. 26 იანვარს მოგაწოდათ ამომწურავი ინფორმაცია საყდრისის – მსოფლიოში აღიარებული ოქროს უძველესი მაღაროს შესახებ (მასალა გადმოგეგზავნათ პარლამენტის საიტზე მითითებულ თქვენს ელექტრონულ მისამართებზე). ხოლო, „ ქართული ოცნებისა“ და „მრეწველების“ ფრაქციების წევრებს 2015 წ. 16 თებერვალს დამატებით დაურიგდათ მიმართვა, სადაც კიდევ ერთხელ შევახსენებთ, რომ პატივი სცენ პარლამენტის გადაწყვეტილებას საყდრისის თაობაზე საგამოძიებო კომისიის შექმნის მიზანშეწონილობას და დასამტკიცებლად წარმოადგინონ კანდიდატები.

საყდრისის უძველესი ოქროსმომპოვებელი მაღაროს აფეთქებითა და მიზანმიმართული ნგრევით, რომელიც დღესაც მიმდინარეობს, საქართველოს მთავრობამ უხეშად დაარღვია არა მარტო საქართველოს მორალური და ისტორიული, არამედ ზოგადსაკაცობრიო ღირებულებები. შეილახა საქართველოს, როგორც კულტურული და ცივილიზებული ქვეყნის პრესტიჟი მსოფლიოში და, რაც კიდევ უფრო მძიმე დანაშაულია, დაირღვა საქართველოს ძირითადი კანონი, საქართველოს კონსტიტუციის ყველა დებულება, რომელიც იცავს საქართველოს კულტურულ მემკვიდრეობას, კერძოდ, საქართველოს კონსტიტუციის 34 მუხლის 1 და მე-2 პუნქტი, 37 მუხლის მე- 3 და მე- 4 პუნქტები. საყდრისის განადგურებით წაიშლება ჩვენს მიწაზე არსებული უძველესი ცივილიზაციის კვალი, ადგილობრივი მოსახლეობა კი დაკარგავს სიცოცხლისუნარიანი ეკონომიკური განვითარების უდიდეს რესურსს, საქართველოში მოისპობა კულტურული და სამეცნიერო ტურიზმის განვითარების უმნიშვნელოვანესი შესაძლებლობა, დიდი საფრთხის წინაშეა საქართველოს პრესტიჟი, ის გადაიქცევა ქვეყნად, რომელიც თალიბების, ისლამური სახელმწიფოსა და სხვა ექსტრემისტულ–ტერორისტული ბანდების მსგავსად საკუთარ ტერიტორიაზე ანადგურებს მსოფლიო მნიშვნელობის კულტურულ მემკვიდრეობას, ამ ქმედებით საქართველო არღვევს ყველა უმნიშვნელოვანეს საერთაშორისო შეთანხმებას კულტურის დარგში, ირღვევა ორჰუსის კონვენციის მე-6 მუხლი, ადამიანის უფლებათა საყოველთაო დეკლარაცია (1948), ეკონომიკურ, სოციალურ და კულტურულ უფლებათა საერთაშორისო პაქტი (1966) და სამოქალაქო და პოლიტიკურ უფლებათა საერთაშორისო პაქტი (1966), 1972 წლის კონვენცია მსოფლიო ბუნებრივი და კულტუურლი მემკვიდრეობის დაცვის შესახებ.

პასუხისმგებლობა საყდრისის განადგურების გამო, ადრე თუ გვიან, უპირველეს ყოვლისა დაეკისრება არა მხოლოდ იმ ჩინოვნიკებს და მეცნიერებს, რომელთა ხელშეწყობით მოიხსნა ძეგლის სტატუსი და მოხდა მისი ნგრევა, არამედ თქვენც, დეპუტატებს, რომლებიც ქმედებით ან უმოქმედობით ეწინააღმდეგებით საყდრისზე ნგრევა-აფეთქებითი სამუშაოების შეჩერებას და საგამოძიებო კომისიის შექმნას. ყოველივე ზემოაღნიშნულიდან გამომდინარე, მოვითხოვთ, უზრუნველყოთ დემოკრატიის ძირითადი პრინციპის – კონსტიტუციით გარანტირებული ძირითადი უფლებებისა და სახელმწიფო კანონების უზენაესობის პრინციპის დაცვა. იმედი გვაქვს, რომ თქვენ, საქართველოს პარლამენტის წევრები, ღირსეულად შეასრულებთ თქვენს მოვალეობას და აქტიურად დაუჭერთ მხარს საყდრისის დასაცავად მიმართულ ღონისძიებებს.

2015 წლის 2 მარტს სასამართლოს მიერ დადგენილ იქნა საყდრისისთვის ძეგლის სტატუსის მოხსნის უკანონობა, ამავე დროს გრძელდება საყდრისის ნგრევა, კულტურის სამინისტრო კი მხარს უჭერს ამ უკანონო ქმედებას.

მსოფლიო მნიშვნელობის უნიკალური კულტურული ძეგლის – საყდრისის შენარჩუნებისათვის ასეთ გადამწყვეტ მომენტში განსაკუთრებულ მნიშვნელობას იძენს საპარლამენტო საგამოძიებო კომისიის შექმნა, რისთვისაც ყოველი თქვენთაგანის ხმა ძალზედ ღირებულია. გადაწყვეტილების მისაღებად საჭიროა 76 ხმა. ჩვენს მიერ პარლამენტარებთან ჩატარებული წინასწარი კონსულტაციებიდან გამომდინარე გაირკვა, რომ ეს რაოდენობა თავისუფლად გროვდება, მაგრამ ამისთვის საჭიროა, ყოველი მომხრე პარლამენტარის დასწრება და მხარდაჭერა.

იმედი გვაქვს, რომ ყოველი თქვენგანი იმოქმედებთ ამ გადაწყვეტილების მნიშვნელობიდან გამომდინარე და ხმას მისცემთ პარლამენტის საგამოძიებო კომისიის წევრების წარდგენა-დამტკიცებას.

პატივისცემით,
საყდრისის გადარჩენის საზოგადოებრივი კომიტეტი

2.03.2015 წ.

Posted in 2015, საყდრისი | Tagged: | 1 Comment »

ანა მიქაუტაძე – რა ხდება საყდრისში?

Posted by iberiana on თებერვალი 5, 2015

10927868_10202625449512018_801572767_n[1] ანა მიქაუტაძე – როგორ ავხსნათ ის ფაქტი, რომ მსოფლიოში აღიარებულ უძველეს ოქროს მაღაროს საქართველოს ხელისუფლება დასანგრევად იმეტებს – რა ხდება საყდრისში?

სახელმწიფო, რომელსაც ბიუჯეტში შემოსავლები უნდა ადარდებდეს, ყიდის ლიცენზიას, რომელიც შეიცავს ოქროსა და სპილენძის ფასებს, არადა მათთან ერთად მადანში ამოდის კიდევ 9 მეტალი. ისინი გაედინება აღურიცხავად და ბიუჯეტს ყოველწლიურად აკლდება რამდენიმე ათეული მილიონი ლარის შემოსავალი. რატომ არ სურს ხელისუფლებას ბუნებრივი რესურსების მარაგებზე კონტროლი თავად აწარმოოს?

ეკოლოგიური პრობლემა კი არანაკლებ მნიშვნელოვანია ოქროს მოპოვების დროს.   კომპანია RMG Gold-ი ოქროს მოპოვებას ახორციელებს ღია კარიერის გამოტუტვის მეთოდით, რაც დიდ საფრთხეს უქმნის გარემოს. მძიმე მეტალებით დაბინძურება იმდენად მაღალია მაშავერა-კაზრეთულა-ფოლადაურის მიდამოებში, რომ ამ მდინარეებით მორწყულ სასოფლო-სამეურნეო მიწებზე მოწეული ბოსტნეულის მიღება სახიფათოა ადამიანების ჯანმრთელობისათვის

იხ. სრულად: https://iberiana2.wordpress.com/georgia/sakdrisi/a-mikautadze/

Posted in 2015, საყდრისი | Leave a Comment »

ოქროს მოპოვების ზემოქმედება ადამიანზე და გარემოზე

Posted by iberiana on იანვარი 24, 2015

 s1 ოქროს მოპოვების ზემოქმედება ადამიანზე და გარემოზე

თანამედროვე მსოფლიოში ბუნებრივი რესურსები, მათ შორის, მინერალური რესურსები, ჩვეულებრივ, ეკონომიკურ კეთილდღეობასთან ასოცირდება. თუმცა, ხშირად, განსაკუთრებით განვითარებად ქვეყნებში, მოპოვებითი მრეწველობის განვითარება ნაკლებად აისახება სიღარიბის დონის მაჩვენებელზე. კვლევები აჩვენებს, რომ რესურსზე დამოკიდებული ქვეყნები უფრო ნელა ვითარდებიან ეკონომიკურად, ვიდრე რესურსით ღარიბი ქვეყნები. ისიც ცნობილია, რომ მინერალურ რესურსებზე დამოკიდებულ განვითარებად ქვეყნებში მეტია კორუფციის რისკი და იკვეთება სუსტი მმართველობის ტენდენცია.

წიაღისეულის მოპოვებას უდიდესი გავლენა აქვს გარემოზე. ფართომასშტაბიან მოპოვებით საქმიანობას, ჩვეულებრივ, უკავშირდება დიდ ტერიტორიებზე ტყეების გაჩეხვა და მცენარეული საფარის განადგურება. ეს საგრძნობლად ცვლის ლანდშაფტს და გავლენას ახდენს ბიომრავალფეროვნებაზე. ხდება მიწისქვეშა, ზედაპირული წყლების და ნიადაგის დაბინძურება. იცვლება სოციალური გარემო.

შეცვლილი სოციალური და ბუნებრივი გარემო პირობები ზემოქმედებას ახდენს ადგილობრივ მოსახლეობაზე.

სამწუხაროდ, ხშირ შემთხვევაში, განსაკუთრებით განვითარებად ქვეყნებში, მომპოვებელი კომპანიების პასუხისმგებლობის საკითხი არ არის სათანადოდ გამყარებული ეროვნული კანონმდებლობების მოთხოვნებით ან არ არსებობს საკმარისი კონტროლი კანონის მოთხოვნების შესრულებაზე…

https://iberiana2.wordpress.com/georgia/sakdrisi/ecology/

Posted in 2014, ეკოლოგია, საყდრისი | Tagged: , | Leave a Comment »

საყდრისის დანგრევის ქრონიკა

Posted by iberiana on იანვარი 15, 2015

საყდრისის დანგრევის სრული ქრონიკა 12 წუთში (ვიდეო)

Posted in 2014, საყდრისი | Tagged: , | 1 Comment »

მიმართვა პრემიერ-მინისტრს

Posted by iberiana on დეკემბერი 18, 2014

მიმართვა საქართველოს პრემიერ-მინისტრს საყდრისი-ყაჩაღიანის მაღაროსთან დაკავშირებით განვითარებული პროცესის შესახებ

sakdrisi-garibaSviliარასამთავრობო ორგანიზაციები, მოქალაქეები, მივმართავთ საქართველოსპრემიერ-მინისტრს, ბ-ნ ირაკლი ღარიბაშვილს, არ დაუშვას საქართველოს კონსტიტუციით გარანტირებული და საერთაშორისო კონვენციებით აღიარებული უმნიშვნელოვანესი პრინციპების დარღვევა, გამოიყენოს მის ხელთ არსებული კონსტიტუციური მექანიზმი, რათა დაუყოვნებლივ შეჩერდეს საყდრისი-ყაჩაღიანის არქეოლოგიური ობიექტის ნგრევის პროცესი; გააუქმოს ყველა ის აქტი, რომლებიც არქეოლოგიური ძეგლის ნგრევის საფუძველი გახდა და აღუდგინოს საყდის-ყაჩაღიანს ძეგლის სტატუსი. 

2014 წლის 12 დეკემბრის საქართველოს კულტურისა და ძეგლთა დაცვის მინისტრის №03/266 ბრძანებისა და საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის №2/271 ბრძანების საფუძველზე კომპანია “არემჯი გოლდმა” განაახლა სამთო-მოპოვებითი სამუშაოები საყდრის-ყაჩაღიანის არქეოლოგიურ ობიექტზე. 

საყდრისი-ყაჩაღიანის არქეოლოგიურ ობიექტის შესახებ მიმდინარეობდა არასამთავრობო ორგანიზაციებისა (საია, მწვანე ალტერნატივა) და კერძო პირების სამართლებლივი დავა საქართველოს კულტურისა და ძეგლთა დაცვის სამინისტროსა და კომპანია არემჯი გოლდის წინააღმდეგ. თბილისის საქალაქო სასამართლომ 2014 წლის 3 ივნისს არემჯი გოლდს შეუჩერა მსხვილმასშტაბიანი სამუშაოების წარმოების უფლება საყდრისი-ყაჩაღიანის სალიცენზიო უბანზე; 2014 წლის 13 ივნისს კულტურის სამინისტროს ადმინისტრაციულ–სამართლებრივი აქტი, რომლის თანახმადაც საყდრისის მაღაროს კულტურული მემკვიდრეობის ძეგლის სტატუსი მოეხსნა, ბათილად ცნო და განსახილველად სამინისტროს დაუბრუნა. კულტურისა და ძეგლთა დაცვის სამინისტრომ ეს გადაწყვეტილება სააპელაციო სასართლოში გაასაჩივრა. თუმცა აღარ დაელოდა სააპელაციო სასამართლოს გადაწყვეტილებას და დაეთანხმა საქალაქო სასამართლოს გადაწყვეტილებას საყდრისი-ყაჩაღიანის ოქროს საბადოს კულტურული მემკვიდრეობის ძეგლის სტატუსის მოხსნის ბათილად ცნობის შესახებ. ამით საყდრისი-ყაჩაღიანის ოქროს მაღაროს კვლავ დაუბრუნა უძრავი ძეგლის სტატუსი, რომელიც 2014 წლის 12 დეკემბერს პარასკევს საყდრისი-ყაჩაღიანის ოქროს მაღაროს კიდევ ერთხელ მოეხსნა საქართველოს კულტურული მემკვიდრეობის დაცვის ეროვნულ სააგენტოში გამართული სხდომის შემდეგ მიღებული ადმინისტარციულ-სამართლებლივი აქტით. მეორე დღესვე, 2014 წლის 13 დეკემბერს, შაბათს, კომპანია არემჯი გოლდმა განაახლა ფართომასშტაბიანი აფეთქებითი სამთამადნო სამუშაო საყდრისი-ყაჩაღიანის სალიცენზიო უბანზე. ზემოთხსენებული სახელმწიფო უწყებების მიერ საყდრისი-ყაჩაღიანის ოქროს საბადოსთან დაკავშირებული გადაწყვეტილებები მიღებული იყო გაუმჭვირვალედ, არსებული მაღალი საზოგადოებრივი ინტერესის სრული უგულებელყოფით.

ამ ეტაპზე, საყდრისი-ყაჩაღიანის უძველესი ოქროს მაღაროს ბორცვი თითქმის მონგრეულია. მასზე მიმდინარეობს 24-საათიანი მსხვილმასშტაბიანი სამთო-მოპოვებითი სამუშაო. მეცნიერთა არაერთგზის თხოვნის მიუხედავად, იქ არ უშვებენ მონიტორინგის ჯგუფს. საზოგადოებრივი პროტესტსა და მოთხოვნას სამინისტროს, სააგენტოსა და კომპანიის მაღალჩინოსნები არ პასუხობენ.

საქართველოს კანონი კულტურული მემკვიდრეობის შესახებ: კულტურული მემკვიდრეობა ქვეყნის სულიერი და მატერიალური განვითარების მატიანეა, ერის თვითშეგნების ჩამოყალიბებისა და თვითმყოფადი ეროვნული კულტურის უწყვეტობის წინაპირობაა და კაცობრიობის საერთო საგანძურის განუყოფელი ნაწილია. 
საყდრისი-ყაჩაღიანი წარმოადგენს კულტურული მემკვიდრეობის ობიექტს, რადგან მასზე არსებული გამონამუშევრების კვალი თარიღდება არაუადრეს ძვ.წ.აღ-ის III ათასწლეულისა. საყდრისი-ყაჩაღიანის არქეოლოგიური ობიექტის ნგრევა ეწინააღმდეგება საქართველოს კანონს კულტურული მემკვიდრეობის დაცვის შესახებ, რომელიც ეფუძნება საქართველოს კონსტიტუციას, კულტურის სფეროში საერთაშორისო ორგანიზაციების რეკომენდაციებს, საერთაშორისო შეთანხმებებსა და ხელშეკრულებებს, მოქმედ კანონებსა და სხვა ნორმატიულ აქტებს.

არასამთავრობო ორგანიზაციებს არაკანონიერად და არაკონსტიტუციურად მიაჩნიათ საქართველოს კულტურისა და ძეგლთა დაცვის მინისტრის №03/266 ბრძანება და საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის №2/271 ბრძანება, რომელიც, დროის მცირე მონაკვეთში საეჭვო გარემოებეში გამოიცა და რომლის საფუძველზეც არქეოლოგიური ობიექტის დაშლა (აღების) სახელით საყდრისი-ყაჩაღიანში უკანონოდ მიმდინარეობს მსხვილმასშტაბიანი სამუშაოები. შედეგად, კერძო კომპანიის სასარგებლოდ მიღებული ცალმხრივი გადაწყვეტილებით კულტურული მემკვიდროების მიზანმიმართულ განადგურებას აქვს ადგილი. 

18.12.2014

„მწვანე ალტერნატივა“, საია, „მემკვიდრეობა“, „CENN“, საყრდისის გადარჩენის საზოგადოებრივი კომიტეტი, „მწვანე მუშტი“, „ძეგლის მეგობარი“, ICOMOS, „აღმოსავლეთ პარტნიორობის კულტურისა და ხელოვნების საბჭო“ (EPACC), კავშირი „იბერიანა“, ფონდი ტასო; თბილისის ჰამქარი, პარტიზანული მებაღეობა, „ხელოვნების ინტერდისციპლინარული კვლევის ლაბორატორია“, რეგიონალურ მაუწყებელთა ასოციაცია; ადამიანის უფლებათა პრიორიტეტი; სამოქალაქო საზოგადოების და დემოკრატიის განვითარების ცენტრი; ინფორმაციისა და თავისუფლების ინსტიტუტი; ლიბერალური აკადემია; მსოფლიო გამოცდილება საქართველოსთვის;
ახალგაზრდა ენერგეტიკოსთა ასოციაცია; საერთაშორისო ფონდი “ლეა”; ქალთა ინიციატივების მხარდამჭერი ჯგუფი; საერთაშორისო ბიზნესის განვითარების და ინვესტიციათა ხელშეწყობის ცენტრი”; კულტურულ ურთიერთობათა ცენტრი – კავკასიური სახლი; ადამიანის უფლებათა ცენტრი; ასოციაცია “ტოლერანტი”; მედიის განვითარების ფონდი; კულტურულ-ჰუმანიტარული ფონდი „სოხუმი“ ა/ო ძალადობისგან დაცვის ეროვნული ქსელი; ასოციაცია „გადავრჩინოთ მომავალი თაობა“

Posted in 2014, საყდრისი | Tagged: , | Leave a Comment »

შეჩერდეს საყდრისის ნგრევა!

Posted by iberiana on დეკემბერი 17, 2014

დღეს, 17 დეკემბერს, ქვემომდებარე მიმართვა- საყდრისის მიმდინარე ნგრევის შეჩერების თხოვნა, გაეგზავნა ევროპარლამენტის პრეზიდენტსა და საქართველოს სახელმწიფოებრივი ინტერესების აქტიურ დამცველს, გერმანელ პოლიტიკოს ბატონ მარტინ შულცს

Düsseldorf-Tbilissi, 2014-12-17

Martin SchulzBetreff: In Georgien laufende Vernichtung der Weltkulturerbe

Verehrter Präsident des Europäischen Parlaments Herr Schulz,

wie uns bekannt ist, ratifiziert morgen, am 18.12.2014 das Europäische Parlament die Assoziierungsabkommen mit Georgien und Ukraine. Wir wenden uns an Sie mit der Bitte, Kraft Ihrer diplomatischen Möglichkeit, morgen nach Straßburg eingereiste georgische Delegation auf der laufende Vernichtung der Weltkulturerbe – der ältesten Goldmine der Welt Sakdrissi anzusprechen und uns mit Ihrer kraftvolle Stimme bei der Rettung der übrig gebliebenen für Menschheit wichtigen Kulturdenkmals zu helfen.

Am 23.07.2014 richteten wir unsere Hilfe-Rufe an UNESCO-Generaldirektorin Frau Irina Bokova und an die Parlamentarische Delegation in den Ausschüssen für parlamentarische Kooperation EU-Armenien, EU-Aserbaidschan und EU-Georgien. Daraufhin wies die UNESCO die Regierung Georgiens ein, die Konvention vom 1972 einzuhalten und die Sakdrissi – Kultur-und Naturerbe der Menschheit auf nationale Ebene zu schützen.

Von der Parlamentarische Delegation in den Ausschüssen für parlamentarische Kooperation EU-Armenien, EU-Aserbaidschan und EU-Georgien erhielten wir bis jetzt keinerlei Antwort.

Leider wird Sakdrissi-Goldmine seit 13.12.2014 dennoch und trotz der Bemühungen der Georgischen Gesellschaft, sowie der internationalen Beistand seitens der führenden Wissenschaftlern der Welt mit dem Einsatz schwerer Technik vor den Augen vernichtet.

Am 12.12.2014 unterschrieb der Generaldirektor der National Agency for Cultural Heritage Preservation of Georgia N. Antidze den Beschuss (Befehl) №2/271 und erkannte damit der Sakdrissi prähistorischen Goldmine den Status des unbeweglichen Kulturdenkmals ab.

Darauf und auf dem Beschluss (Befehl) №03/266 des Minister für Kultur und Denkmalpflege Georgiens M. Giorgadze berufend, setzte die „Bergbaugesellschaft RMG Gold Ltd“ am 13.12.2014 in Sakdrissi die Erzabbauarbeit bzw. die Vernichtung des Sakdrissi-Kulturdenkmals fort. Obwohl das Amtsgericht Tbilisi per Urteil vom 30.05.2014 den Antrag von der Assotiation der Jungen Juristen Georgiens ( http://gyla.ge/eng/news ) genehmigte und den Beschluss vom 13.03.2014 des Ministers für Kultur und Denkmalpflege Georgiens gestoppt hatte, wonach „Bergbaugesellschaft RMG Gold Ltd“ bis zum Endbeschluss des Amtsgerichts Tbilissi in Sakdrissi-Kachagiani überhaupt keine Erzabbauarbeiten betreiben darf. Sehen Sie bitte hierzu: http://gyla.ge/eng/news?info=2376 , http://gyla.ge/eng/news?info=2375 an.

Wie die Bewohner von Sakdrissi Goldmine umgrenzender Ort Kazreti berichteten und dokumentierten, geschahen am 13.12.2014 um den oder unmittelbar in dem Sakdrissi-Hugel 2 starke Explosionen, die 1. gegen 08:00 morgens und die 2. gegen 14:00 Uhr tagsüber: http://youtu.be/jpRi7QBAAeA . Anschließend begann die „Bergbaugesellschaft RMG Gold Ltd“ den Sakdrissi-Hügel mit schwerer Technik abzutragen http://youtu.be/xz4OOsxF5Z0 , http://youtu.be/GBAY1ah_0XI , http://youtu.be/K1r4Jxs7JKE .

Seitdem arbeitet und vernichtet „RMG Gold Ltd“ das prähistorische Kulturdenkmal in 24-stündigen Regime mir dem Einsatz von schwerer Technik. Seit 13.12.2014 gibt’s Protestaktionen am Ort und in der Hauptstadt Tbilisi mit Hauptforderung die „Bergbaugesellschaft RMG Gold Ltd“ zu stoppen um das Sakdrissi- Kulturdenkmal vor endgültigen Vernichtung zu retten. Bitte unterstützen Sie uns in diesem ungleichen Kampf zur Rettung der Sakdrissi-Weltkulturerbe. Bitte verhelfen Sie uns RMG Gold Ltd umgehend zu stoppen und das, was von Sakdrissi-Goldmine übrig ist, vor endgültiger Vernichtung zu retten und für weiteren archäologischen Forschungen zu konservieren. Bitte sprechen Sie morgen die georgische Delegation darauf an und bitten Sie sie, dass Sie sich zivilisiert verhalten und die Vernichtung der Weltkulturerbe stoppen.

Bei der Gelegenheit danken wir Ihnen recht herzlich für die intensive Verteidigung der staatlichen Interessen Georgiens auf europäischer Ebene.

Auf Ihrer Beistand hoffend,

Geselschaftliches Komitee zur Rettung Sakdrissi: Khatia Gudushauri, Anna Mikautadze, Ekaterine Sokhadze, Marine Tsintsabadze, Davit Tsintsadze, Davit Dulbani, Darejan Bregvadze, Nino Saginadze, Nino Burchuladze, Davit Epremidze, Besik Bogveli, Tiko Tushishvili, Eliso Gurgenidze, Tamta Chanturia, Irakli Mamaladze, Rati Bogveli, Tea Abutidze, Gogita Bukhaidze, Vlas Vatsasdze, Sophia Kilassonia, Salome Chanturidze, Mariam Gurgenidze, Ekaterine Alpaidze, Lali Pertenava, Igor Getman,..

P.S. Als Anlage senden wir Ihnen unsere Schreiben an UNESCO und an der Parlamentarischen Delegation in den Ausschüssen für parlamentarische Kooperation EU-Armenien, EU-Aserbaidschan und EU-Georgien vom 23.07.2014, sowie UNESCO-Antwort vom 28.08.2014 und 3 Fotodokumentation der Vernichtung von Sakdrissi vom 13.12.2014 zu.

Posted in 2014, საყდრისი | Tagged: , | Leave a Comment »

საყდრისის ნგრევა დაიწყეს

Posted by iberiana on დეკემბერი 14, 2014

10390465_676373242506966_6799264721667123990_n[1]

საყდრისი. 2014 წლის 13 დეკემბერი

SOS! 2014 წლის 13 დეკემბერს, შაბათ დღეს, “RMG Gold”-მა დილით დაიწყო საყდრისის მსოფლიოში უძველესი ოქროს მაღაროს ნგრევა! ნგრევას წინ უძღოდა 2 აფეთქება.

ამ ვანდალური ქმედების განხორციელებაში რუსულ კომპანია “RMG Gold”-ს მიეხმარა “ძეგლთა დაცვის” სააგენტო (დირექტორი ნიკოლოზ ანთიძე) და “კულტურის” სამინისტრო (მინისტრი მიხეილ გიორგაძე).

 

Posted in 2014, საყდრისი | Tagged: | Leave a Comment »

სოფო კილასონია – საყდრისი

Posted by iberiana on დეკემბერი 10, 2014

sofo-kilasoniaსოფო კილასონია – საყდრისი, საზოგადოებრივი მოძრაობა, დანაშაული…

საყდრისი-ყაჩაღიანის უძველეს ოქროს მაღაროს ეროვნული კულტურული მემკვიდრეობის სტატუსი 2006 წელს მიენიჭა. საბადოზე მომუშავე კერძო კომპანია სხვადასხვა დროს სხვადასხვა მექანიზმებით ცდილობდა, რომ სახელმწიფოს ძეგლის სტატუსი მოეხსნა. დასაყრდენიც ყველა ხელისუფლების დროს ჰყავდა. გვარებს რა ჩამოთვლის, ან რისთვის… თუმცა მცდელობები მცდელობებად რჩებოდა, რადგანაც საქართველოს კულტურის სამინისტროში არსებული მეცნიერთა არქეოლოგიური საბჭო, რომელსაც საქართველოს კულტურული მემკვიდორების შესახებ კანონის ძალით ენიჭებოდა იმ რეკომენდაციების გაცემა, რომლის საფუძველზეც საქართველოს კულტურისა და ძეგლთა დაცვის მინისტრს შეეძლო ნებისმიერი ძეგლებითვის სტატუსის მოხსნა და მინიჭება, კერძო კომპანიის მოთხოვნას არ თანხმდებოდა.

“არემჯი გოლდი” მზად იყო 2 მილიონი გადაეხადა იმ კვლევისთვის, რომელიც დაასაბუთებდა ძეგლის “უმნიშვნელობას” და გამოიწვევდა სტატუსის მოხსნას. ამ ტიპის შეთავაზება მან საქართველოს ეროვნული მუზეუმის არქეოლოგიურ ცენტრს კიდეც შესთავაზა, რაზეც უარი მიიღო. მეცნიერების სურვილი თუნდაც რომ ყოფილიყო, ეროვნული მუზეუმი უფლებამოსილი არ იყო სტატუსი შეეცვალა. საბედნიეროდ საქართველოში კულტურულ მემკვიდორებას იცავს კანონი კულტურული მემკვიდრეობის შესახებ (რომელში შესატანი ცვლილებებიც ამ მთავრობამ უკვე მოამზადა და ჯერჯერობით ვერ ბედავს განხორციელებას), სადაც ნათლად წერია, რომ კულტურის მინისტრს ძეგლისთვის სტატუსის მინიჭება ან მოხსნა შეუძლია მხოლოდ და მხოლოდ სამინისტროში არსებული არქეოლოგიური საბჭოს რეკომენდაციის საფუძველზე. კანონშჲ ისიც არის აღნიშნული თუ რომელი სპეციალიზაციის მეცნიერ-მკვლევარები უნდა შედიოდნენ საბჭოში. როცა “არემჯი გოლდის” ხელმძღვანელობა გაერკვა ამ საკითხებში, “მუშაობა” და “თანამშრომლობა” საქართველოს კულტურისა და ძეგლთა დაცვის სამინისტროსთან განაახლეს და უკვე მინისტრ გ. ოდიშარიას მიერ სამინისტროში არსებული არქეოლოგიური საბჭოს გადაწყვეტილებები იგნორირებული გახდა, მეტიც, საბჭო დაშალა და მინისტრმა 2013 წელს ძეგლს სტატუსი მოუხსნა….

სრულად: https://iberiana.wordpress.com/iberiana/sakdrisi/#40

Posted in 2014, კულტურა, პოლიტიკა, საყდრისი | Tagged: , , , , | Leave a Comment »

აღიარებული საყდრისის არაღიარებული ისტორია

Posted by iberiana on დეკემბერი 10, 2014

კონფერენცია-დისკუსია – “აღიარებული საყდრისის არაღიარებული ისტორია”

 თბილისი. 9 დეკემბერი 2014

მომხსენებლები:
1. გიორგი მინდიაშვილი – არქეოლოგი. საყდრისის ექსპედიციის წევრი.
2. ნოდარ ქაჯაია – გეოლოგი. ტექნიკური უნივერსიტეტის პროფესორი.
3. კახა ბახტაძე – ეკოლოგი. საერთაშორისო ორგანიზაცია CENN-ის წარმომადგენელი

მოდერატორი – სოფო კილასონია. ხელოვნებათმცოდნე. ჟურნალისტი.

https://iberiana.wordpress.com/iberiana/sakdrisi/#41

Posted in 2014, არქეოლოგია, მეცნიერება, საყდრისი | Tagged: , , , , | Leave a Comment »

ირინე ღამბაშიძის ლექცია

Posted by iberiana on დეკემბერი 10, 2014

ირინე ღამბაშიძის ლექცია: საყდრისი – ოქროს უძველესი წარმოების კერა

ლექციას წარმოგიდგენთ ,,არტარეა” გადაცემა ,,ქუჩის აკადემიას”.  28 06. 2014
საყდრისის დაცვის საზოგადოებრივი კომიტეტის არქივი. 2014

https://iberiana.wordpress.com/iberiana/sakdrisi/

Posted in 2014, არქეოლოგია, საყდრისი | Tagged: , | Leave a Comment »

“ოქროს საწმისის ქვეყნის ძიებაში”

Posted by iberiana on ნოემბერი 20, 2014

პეტერ პრესტელის ფილმი “ოქროს საწმისის ქვეყნის ძიებაში”

(ქართულად – სინქრონული თარმანი)

Posted in 2014, ისტორია-History, მეცნიერება, საყდრისი | Tagged: , | Leave a Comment »

ოქროს საწმისის ქვეყნის ძიებაში

Posted by iberiana on ნოემბერი 12, 2014

დოკუმენტური ფილმი “ოქროს საწმისის ქვეყნის ძიებაში – Kolchis und das Goldene Vlies”

საფრანგეთის სტუდა “არტეს” და გერმანიის “ცდფ”-ის ერთობლივი ფილმი, რომელიც რამოდენიმე წელია ტრიალებს ევროპის ქვეყნებში… სამაგიეროდ ამ ფილმს ვერ ნახავთ ოქროს საწმისის ქვეყნის ტელეარხებზე! 

ფილმს ქვემოთ გასდევს სუბტიტრები ქართულ ენაზე

https://iberiana.wordpress.com/iberiana/sakdrisi/#29

Posted in საქართველო-Georgia, საყდრისი | Tagged: , | Leave a Comment »

საყდრისობა – 2014

Posted by iberiana on ნოემბერი 4, 2014

 10645144_825889920764532_9086618052437650231_n[1]საყდრისობა – 2014

  წელიწადზე მეტია, რაც საყდრისის უძველესი ოქროს მაღაროს ირგვლივ შექმნილი „გაუგებრობების“ გამო, განსხვავებული პროფესიისა და ასაკის ადამიანები გავერთიანდით საყდრისის გადარჩენის საზოგადოებრივ კომიტეტში. სექტემბრის თვეში, კომიტეტის რამოდენიმე წევრმა, გადავწყვიტეთ კაზრეთის რაიონისა და მიმდებარე სოფლის მცხოვრებთათვის მოგვეწყო აქცია-ღონისძიება :საყდრისობა-2014”. ჩვენს ამ განზრახვას კომიტეტის წევრებიდან ზოგი აღფრთოვანებით შეხვდა, ზოგი სკეპტიკურად და ზოგიც უარყოფითად. მიუხედავად ამისა, დავიწყეთ მზადება ღონისძიებისათვის.

19 სექტემბერს გავემართეთ ბოლნისის რაიონისაკენ. მართალია, დარწმუნებული ვიყავით, რომ ბოლნისის გამგეობა დიდი სიხარულით არ შეხვდებოდა ჩვენს იდეას, მაგრამ ჩავთვალეთ საჭიროდ, რომ საქმის კურსში ჩაგვეყენებინა ადგილობრივი ხელისუფლება. ….გამგებლის, გოგა მეშველიანის კაბინეტში მისი მოადგილე და საკრებულოს თავმჯდომარე ჟორჟოლიანი გველოდნენ. ხელი ჩამოვართვით ერთმანეთს და მრგვალ მაგიდას შემოვუსხედით. ჩვენი კომიტეტის წევრმა, დავით ეფრემიძემ, მოკლედ გააცნო ჩვენი სურვილი- ამ კუთხის პოპულარიზაციის მიზნით “საყდრისობის” ჩატარება საყდრისის მიმდებარე ტერიტორიაზე! რაო?- მოპრუწეს თვალები ჩინოვნიკებმა, რატომ ასეთი აჟიტირებული სახელი ამ ღონისძიებას? ჩაატარეთ ბოლნისის სიონის მიმდებარედ, რატომ საყდრისთან? ჯერ საქართველოს კულტურის სამინისტროს არ დაუფიქსირებია თავისი პოზიცია საყდრისთან მიმართებაში, და დაიწყო…. “არემჯი”-ს გარეშე რაიონი ვერ იარსებებს…

დიდი ზეწოლის მიუხედავად, როგორც შიგნიდან, ისე გარედან, მაინც მოხერხდა ღონისძიების ჩატარება, საყდრისობა შედგა!

იხ. სრულად: https://iberiana.wordpress.com/iberiana/sakdrisi/#27

Posted in 2014, მეცნიერება, პოლიტიკა, საყდრისი | Tagged: , | Leave a Comment »

საყდრისობა – 2014

Posted by iberiana on ოქტომბერი 10, 2014

საყდრისობა – 2014

კვირას, 12 ოქტომბერს, 14 საათზე “საყდრისის გადარჩენის საზოგადოებრივი კომიტეტის” თაოსნობით ტარდება კულტურულ-ინფორმაციულ-საგანმანათლებლო ხასიათის ღონისძიება “საყდრისობა-2014”. ღონისძიებაში მონაწილეობას მიიღებენ საზოგადო მოღვაწეები, ადგილობრივი მოსახლეობა და საყდრისის ყველა გულშემატკივარი.
თბილისიდან ჩასვლის მსურველებს მოემსახურებათ ავტობუსი და სამარშრუტო ტაქსი (უფასოდ). გასვლა ავლაბრის მეტროდან 12 საათზე. გთხოვთ, მობრძანდეთ.
P.S. ღონისძიებას ატარებს საზოგადოება და არავითარი კავშირი არ აქვს “ნაციონალებთან” და “ოცნებასთან”!!!

***

http://scontent-a-fra.xx.fbcdn.net/hphotos-xap1/v/t1.0-9/10646709_814882351865289_2251706416439253393_n.jpg?oh=6f30320eaf30a277dd7b91bc6eae0609&oe=54C89C10

Posted in 2014, საქართველო-Georgia, საყდრისი | Tagged: | Leave a Comment »

„საყდრისთან ერთად იქვე მდებარე ტაძრებსა და თამარის დროინდელ წყაროსაც დავიცავთ“

Posted by iberiana on აგვისტო 16, 2014

ნინო მიქიაშვილი: „საყდრისთან ერთად იქვე მდებარე ტაძრებსა და თამარის დროინდელ წყაროსაც დავიცავთ“

 დღეს უკვე მეოთხე თვე სრულდება, რაც საყდრისის უძველესი ოქროს მაღაროს დასაცავად დაწყებული პროტესტი გრძელდება. ჟურნალისტი ნინო მიქიაშვილი და ისტორიკოსი ირაკლი ლომიძე ერთგულად დაჯარობენ იმ ადგილებს, რომელთა ბედიც ჯერ კიდევ გაურკვეველია.

საყდრისის დამცველთა მთავარი მისია არა მარტო პრეისტორიული მაღაროს გადარჩენაა, არამედ იმ უძველესი ტაძრებისა და ძეგლების მოძიებაც, რომლებსაც „არ ემ ჯი გოლდმა“, ასევე, საფრთხე შეუქმნა…

“ყველაფერს გავაკეთებთ, რომ ისტორიული წყარო გადარჩეს. თორემ, ხომ ხედავთ, სტატუსი ჰქონდა მინიჭებული საყდრისს და მაინც როგორ გააუბედურეს და რა დღეში ჩაგდეს?! ყველაფერს დაცვა და ბრძოლა სჭირდება. ჩვენ უკან არ დავიხევთ და, როგორც საყდრისს ვიცავთ, ასევე, ვიზრუნებთ თამარის წყაროსთვის და იმ ტაძრისთვის, რომელიც კვირაცხოვლის ქედის ძირშია და უკვე შუაზეა გადაპობილი. ასე თუ გაგრძელდა, ის ჩამოინგრევა და უბედურება დაემართება ყველა ისტორიულ ძეგლს, რაც აბულმუგის ტერიტორიაზეა. საერთაშორისო ძეგლთა დაცვის ორგანიზაციებს აუცილებლად ჩავრთავთ ამ საქმეში, რადგან ჩვენ ვიდეოებიც გადაღებული გვაქვს და ვიდეოში ეს ყველაფერი მკაფიოდ ჩანს. ეს მხარე ისეთია, რომ, როცა ამ ქვეყანას პატრონი ეყოლება, მთელი მხარე მუზეუმად უნდა გადაიქცეს.”

სრულად: https://iberiana.wordpress.com/iberiana/sakdrisi/#25

Posted in ისტორია-History, საყდრისი | Tagged: , | Leave a Comment »

კონფერენცია – არქეოლოგია მომავლისათვის

Posted by iberiana on მაისი 27, 2014

კონფერენცია: საყდრისის პრეისტორიული ოქროს მაღარო – არქეოლოგია მომავლისათვის

24 მაისს, თბილისის სახელმწიფო უნივერსიტეტში, სტუდენტური მოძრაობა “მწვანე მუშტისა” და ორგანიზაცია “ძეგლის მეგობრის” ორგანიზებით გაიმართა კონფერენცია :საყდრისის პრეისტორიული ოქროს მაღარო – არქეოლოგია მომავლისათვის

კონფერენცია მიეძღვნება საყდრისი-ყაჩაღიანის, სამთო არქეოლოგიური მაღაროს, რომელიც წარმოადგენს მსოფლიოში უძველეს ოქროს მოპოვების კერას, და თარიღდება ძველი წელთაღრიცხვის IV ათასწლეულის მიწურულით.

მომხსენებლები:  ი. ღამბაშიძე (არქეოლოგი, საქართველოს ეროვნული მუზეუმი, ისტორიის მეცნიერებათა დოქტორი, საყდრის-ძეძვების არქეოლოგიური ექსპედიციის ხელმძღვანელი) – საყდრისის სამთო-არქეოლოგიური ძეგლი და მისი შესწავლის პერსპექტივები; ტ. შტოლნერი (არქეო-მეტალურგი, ბოხუმის რურის უნივერსიტეტის, არქეოლოგიური კვლევის ინსტიტუტის ისტორიის დეპარტამენდის პროფესორი) – საყდრისის მაღაროს მეტალურგიული მხასიათებლები (ჩართვა გერმანიიდან);  გ.მინდიაშვილი და გ. გოგოჭური (არქეოლოგები, ეროვნული მუზეუმი, ისტორიის მეცნიერებათა დოქტორები) – ბალიჭ-ძეძვების არქეოლოგიური კომპლექსი – ოქროს მომპოვებელთა დასახლება…

კონფერენციის მასალებს შემოგთავაზებთ მოგვიანებით.

სრულად

Posted in 2014, არქეოლოგია, მეცნიერება, საყდრისი | Tagged: , | Leave a Comment »

საყდრისი. წერილი ოდიშარიას

Posted by iberiana on მაისი 21, 2014

odisharia

საყდრისის გადარჩენის საზოგადოებრივი კომიტეტის წერილი საქართველოს კულტურისა და ძეგლთა დაცვის მინისტრ გურამ ოდიშარიას

2013 წლის 5 ივლისს საქართველოს კულტურისა და ძეგლთა დაცვის სამინისტრომ ბათილად სცნო საყდრისის პრეისტორიული სამთამადნო ძეგლის სტატუსი, ხოლო მოგვიანებით გაუქმდა ძეგლის არქეოლოგიური დაცვის ზონაც. როგორც მოგეხსენებათ, 2004 წლიდან საყდრისზე კვლევას აწარმოებდა ქართულ-გერმანული ექსპედიცია, რომელიც მიიჩნევს, რომ მაღარო დღემდე გამოვლენილ პრეისტორიულ მაღაროთაგან უძველესია და ძვ.წ. IV-III ათასწლეულებით თარიღდება. 2014 წლის 27 იანვარს კულტურისა და ძეგლთა დაცვის სამინისტროს სტრატეგიულმა საბჭომ განიხილა არქეოლოგების მიერ წარმოდგენილი მასალა და ერთხმად შეიმუშავა რეკომენდაცია ძეგლის სტატუსის მინიჭებაზე, თუმცა თქვენ მას ძეგლის სტატუსი არ მიანიჭეთ და მომზადებული დოკუმენტაცია, რამდენადაც ცნობილია, ხელმოუწერელი დატოვეთ. უფრო მეტიც, 2014 წლის 13 მარტს თქვენდამი ქვემდებარე უწყებამ დადებითი დასკვნა გასცა საყდრისი-ყაჩაღიანის არქეოლოგიურ ობიექტზე მსხვილმასშტაბიანი სამთო სამუშაოების საწარმოებლად.

ბატონო გურამ, ჩვენ კარგად გვახსოვს თქვენთან შეხვედრა საყდრისში, იმედიანად განვეწყვეთ, გვახსოვს დაპირებები და კომპრომისის მცდელობა ქვეყნის საკეთილდღეოდ. ბევრი ვისაუბრეთ ეროვნულ ინტერესებზე. საყდრისში კარვების აქცია უკვე 37 დღეა მიმდინარეობს. მთელმა ქვეყანამ გაიგო საყდრისის პრობლემის თაობაზე. დიდია ქართული საზოგადოებისა და მსოფლიო სამეცნიერო წრეების ინტერესი საყდრისი-ყაჩაღიანის უძველესი ოქროს მაღაროების მიმართ. აქედან გამომდინარე, საყდრისის გადარჩენის საზოგადოებრივი კომიტეტი მოითხოვდა იმ საერთაშორისო ექსპერტთა მოწვევას, რომლებსაც საქართველოს მთავრობას სთავაზობდა გერმანიისა და აშშ-ს საელჩოები. სამწუხაროდ, თქვენდამი ქვემდებარე უწყებამ პროცესები წარმართა გაუმჭვირვალედ, საქართველოს კულტურული მემკვიდრეობის დაცვის ეროვნული სააგენტოს მიერ მოწვეულ იქნა ორი ექსპერტი: ვენელინ ჟელევ ჟელევი (გეოლოგი, პროფესორი, ბულგარეთი) და ალბრეხტ იოკენჰოველი (არქეოლოგი, პროფესორი, დოქტორი, გერმანია). მიუხედავად იმისა, რომ სააგენტომ ექსპერტები თავისი შეხედულებისამებრ შეარჩია, მოწვეულმა მეცნიერებმა საკუთარ დასკვნაში, რომელიც სააგენტომ გაავრცელა ქართულ და ინგლისურ ენაზე, სწორედ მათზე დაყრდნობით, საყდრისი აღიარეს არქეოლოგიურ ობიექტად და ცალსახად დაადასტურეს პრეისტორიული მაღაროს არსებობა. იმ ქართული მხარისთვისაც, რომელიც ვერ იყო გარკვეული საყდრისის კულტურალურ მნიშვნელობასა და ღირებულებაში, ფაქტიურად ცხადი გახდა, რომ უკვე საუბარი გვაქვს მსოფლიო მნიშვნელობის ძეგლზე, რომელსაც მთელი მსოფლიო, ასევე ქართველ მეცნიერთა დიდი ნაწილი და მთელი საზოგადოება აღიარებს. ახლა უკვე ყველანაირი მსჯელობა, მტკიცება და საუბრები, თითქოს საყდრისში კულტურული ფენა აღარ არის და თითქოს საყდრისი არ წამოადგენს კულტურულ ძეგლს – აბსურდულია. რადგან ეს აღიარება სააგენტოს მხრიდან მოწვეულმა ექსპერტებმაც გააკეთეს, უკვე აუცილებელია სხვადასხვა მხარეების მონაწილეობითა და ჩართულობით საკითხზე უფრო წარმომადგენლობითმა და სანდო ჯგუფმა იმუშაოს.

მიუხედავად ამ აღიარებებისა, დღემდე ბუნდოვანია სახელმწიფოს პოზიცია საყდრისი-ყაჩაღიანთან, როგორც არქეოლოგიურ ობიექტთან მიმართებაში. კულტურის სამინისტროში საყდრისი-ყაჩაღიანის არქეოლოგიური ობიექტისთვის ძეგლის სტატუსის მისანიჭებელი განაცხადის საფუძველზე კულტურისა და ძეგლთა დაცვის სამინისტრო ვალდებულია საყდრისი-ყაჩაღიანი შეიტანოს კულტურული მემკვიდრეობის ობიექტთა ნუსხაში, რაც უზრუნველყოფს მის დაცულობას მანამ, სანამ კულტურის მინისტრი არ მიიღებს გადაწყვეტილებას სტატუსთან დაკავშირებით. არქეოლოგიური ობიექტების მართვის დღევანდელი მეთოდოლოგია ითვალისწინებს მისი ნაწილის შემონახვას მომავალი თაობებისათვის, რათა უფრო განვითარებული ტექნოლოგიისა და მეცნიერების მეშვეობით უფრო დიდი ინფორმაციის მიღება გახდეს შესაძლებელი ამ ობიექტიდან. არქეოლოგიური თვალსაზრისით არქეოლოგიური ობიექტის დიდი ნაწილი ჯერ კიდევ შესასწავლია, რაც შეუძლებელია განხორციელდეს ოქროს მომპოვებელი კომპანიის მუშაობის პარალელურად.

ზემოთ აღნიშნულიდან გამომდინარე მოვითხოვთ:

1. საყდრისი-ყაჩაღიანის ბორცვს უმოკლეს ვადებში მიენიჭოს კულტურული მემკვიდრეობის ძეგლის სტატუსი

2. კულტურისა და ძეგლთა დაცვის სამინისტრომ უზრუნველყოს გერმანიისა და აშშ-ს საელჩოების მიერ შემოთავაზებული საერთაშორისო ექსპერტების მოწვევა არქეოლოგიური ძეგლის მართვის გეგმის შემუშავების მიზნით

3. კულტურისა და ძეგლთა დაცვის სამინისტრომ თავისი კომპეტენციის ფარგლებში დასვას იმ პირთა პასუხისმგებლობის საკითხი, ვისი მიზეზითაც დაზიანდა კულტურული მემკვიდრეობის ობიექტი. აღნიშნულ მოთხოვნას პრევენციული ხასიათი აქვს და მიზანს წარმოადგენს მხოლოდ და მხოლოდ ის, რომ მომავალში აღარ განმეორდეს მსგავსი ვანდალური ფაქტები. აუცილებლად უნდა იქნას ზომები მიღებული, რომ ქვეყნის ინტერესების საწინააღმდეგოდ, წინაპრებისა და მომავალი თაობების წინაშე აღარ ჰქონდეს ადგილი მსგავს მოღალატეობრივ გადაწყვეტილებებსა და ქმედებებს.

ბატონო გურამ, ჩვენი მოთხოვნების დაუკმაყოფილებლობის შემთხვევაში, სხვა გზა არ დაგვრჩება და საყდრისის გადარჩენის საზოგადოებრივი კომიტეტი მიმართავს ყველა იმ საერთაშორისო ორგანიზაციას (მათ შორის ევროკავშირის შესაბამის სტრუქტურებსაც), რომლებთანაც საქართველოს აქვს ვალდებულებები კულტურული მემკვიდრეობის დაცვის თაობაზე. როგორც მოგეხსენებათ, საქართველოში აკრედიტებული დიპლომატიური კორპუსი უკვე საქმის კურსშია საყდრისის პრობლემასთან დაკავშირებით. ჩვენ არ გვსურს, რომ შექმნილმა ვითარებამ ხელი შეუშალოს საქართველოს ევრო-ინტეგრაციულ მისწრაფებას. ევროკავშირთან ასოცირების ხელშეკრულება, რომელსაც ხელი ივლისში უნდა მოეწეროს, მკაფიოდ განსაზღვრავს, რომ მხარეები ითანამშრომლებენ ევროკავშირის ქვეყნებთან სხვადასხვა პროგრამების ფარგლებში, რამაც უნდა უზრუნველყოს შესაბამისი მიდგომების და პოლიტიკის დანერგვა ჩვენს ქვეყანაში, სხვადასხვა ინსტიტუციებში და, კონკრეტულად, კულტურული მემკვიდრეობის დაცვის საკითხებში.

ბატონო გურამ, თქვენ არ გაგიჭირდებათ გაცნობიერება, რომ საკითხი ეროვნულ ინტერესებს ეხება. ამ პროცესებს აკვირდება და გულშემატკივრობს ყველა ქართველი. ჩვენც ვაცნობიერებთ, თქვენ არჩევანის წინაშე დგახართ – თანამდებობა თუ ეროვნული, პატრიოტული სულისკვეთება, რომელშიც წინაპრების და მომავალი თაობის ინტერესები იკვეთება.

საყდრისი აღიარა მთელმა მსოფლიომ, ელოდება ოფიციალურ აღიარებას საქართველოდან.

20.05.2014

Posted in 2014, არქეოლოგია, საყდრისი | Tagged: | Leave a Comment »

თომას შტოლნერი

Posted by iberiana on მაისი 8, 2014

გერმანელი პროფესორის ღია წერილი ქართველებს – გადაარჩინეთ თქვენი ისტორია!

7 მაისი, 2014

thomas-Stollner«გადავარჩინოთ საყდრისი»-ს ორგანიზაციის კომიტეტს

საყდრისის ოქროს მაღარო

პატივცემულო გადარჩენის კომიტეტის წევრებო,

დემოკრატია ეფუძნება ნდობას, სიტყვის თავისუფლებას, სამართლებრივი უსაფრთხოების პრინციპს და იმ ადამიანთა მონაწილეობას, რომელთაც შესაძლებლობა არ გააჩნიათ, საკუთარ მოთხოვნილებებს ფულით მიაღწიონ. სამართლიანი საზოგადოების მიღწევის გზა, ყოველთვის იოლი არაა. ის, რომ საყდრისის პრეისტორიული ოქროს მაღარო საზოგადოებრივ პროტესტს და მისი ხელყოფა წინააღმდეგობას იწვევს, ქართული არქეოლოგიის და თქვენს ქვეყანაში სამოქალაქო საზოგადოების დიდი წინ გადადგმული ნაბიჯია! თქვენი ადგილზე საქმიანობის უდიდესი პატივისცემა მაქვს! ეს გაბედული ბრძოლაა!

ნება მიბოძეთ ჩემი პოზიციის ფორმულირება გავაკეთო: მე და ჩემს ჯგუფს გვსურს წვლილი შევიტანოთ იმაში, რომ ქართული კულტურული მემკვიდრეობა გადარჩეს და მისი კულტურული თვითმყოფადობა არ დაზიანდეს. საყდრისი თქვენი ქვეყნის ძეგლია და მას უფრო შორს მიმავალი მნიშვნელობა აქვს. მჯერა, რომ მოცემულ მომენტში არამარტო ის უნდა იქნას მიღწეული, რომ თავად ძეგლი გადარჩეს, არამედ მასთან დაკავშირებული ისტორიაც. ეს თქვენი ისტორიაა, რომლის წართმევაც არ უნდა დაუშვათ. ამიტომ საჭიროა, რომ აღიარებულ იქნას ის სამეცნიერო დასკვნები, რომლებსაც ჩვენ ათწლიანი მუშაობის შედეგად მივაღწიეთ, და ეს მათ მიერაც კი, ვინც ეკონომიკურ ინტერესებს წინ სწევს.

საზოგადოებამ ცალკეულ შემთხვევაში, ასევე საყდრისის შემთხვევაში, უნდა ასწონოს, გადამწყვეტი მნიშვნელობა ეკონომიკურ ინტერესებს ენიჭება თუ საზოგადოებრივს. მხოლოდ მაშინ იქნება სამართლიანი გადაწყვეტილება შესაძლებელი, ძეგლი გაიწირება თუ არა.

მე წინანდებურად მზად ვარ წვლილი შევიტანო საყდრისის საკითხის გარშემო სამეცნიერო გარკვევაში, მაგრამ ასევე მზად ვარ, ვიზრუნო ინტერესების დასაბალანსებლად. ის, რომ კომისიაში სამუშაოდ მოწვეული არ ვიყავი, ჩემი აზრით, ლოგიკურია, კომისია ხომ დამოუკიდებელი უნდა იყოს. მაგრამ ის ასევე დამოუკიდებელი უნდა იყოს და მისი შედეგები სრული სახით დამოუკიდებელ პრესას უნდა წარედგინოს. ფირმა RGM Gold-ს მათი მოწვევის საპასუხოდ მივწერე, რომ მზად ვარ ნებისმიერი მონიტორინგის ორგანიზებისათვის, რომელიც ამ ადგილის არამატერიალური და მატერიალური მემკვიდრეობის უსაფრთხოებას ხელს შეუწყობს. ამას აქ საჯაროდ ვიმეორებ!

მაგრამ ფირმა RGM Gold-ს ასევე ვთხოვ, ჩვენი სამეცნიერო შედეგების აღიარებისათვის ღია და სამართლიანი დისკუსია უზრუნველყოს. წინააღმდეგ შემთხვევაში, თანამშრომლობისათვის ხელები მაქვს შეკრული და ამას სამართლიანი და თავისუფალი მეცნიერების კონტექსტით ვერ გავამართლებ.

როგორც ვთქვი, ნდობა არა მარტო უკეთესი საზოგადოების საფუძველია, არამედ ის ასევე ყოველი საზოგადოების ბედნიერი თანაცხოვრების საყრდენია.

გთხოვთ, ეს შეგნებულად გერმანულად დაწერილი სტრიქონები ქართულად თარგმნოთ და ორივე ვერსია გაასაჯაროოთ, რომ მისი ნამდვილობის შემოწმება ყველამ შესძლოს.

ურთიერთგაგების ხიდების აშენება იქნებ ძალიან გვიანი არაა!

ჩემი საუკეთესო სურვილებით,
პატივისცემით

თომას შტოლნერი
ინსტიტუტის ხელმძღვანელი, კვლევების განყოფილების ხელმძღვანელი, ბოხუმის გერმანული სამთო მუზეუმი

Herzlichen Dank und Didi Madloba!
Sakdrisis Gaumajos!

http://www.ttimes.ge/archives/19737

Posted in 2014, საგანძური, საყდრისი | Tagged: , | Leave a Comment »

მიმართვა საყდრისის დასაცავად

Posted by iberiana on აპრილი 11, 2014

gvariსაქართველოს საგვარეულო კავშირ “გვარი და გვარიშვილობის” მიმართვა საყდრისის დასაცავად

11 აპრილი, 2014 წ,

საქართველოს პრეზიდენტს ბატონ გიორგი მარგველაშვილს
საქართველოს პრემიერ–მინისტრს ბატონ ირაკლი ღარიბაშვილს
საქართველოს რესპუბლიკის პარლამენტის თავმჯდომარეს ბატონ დავით უსუფაშვილს


მოგმართავთ საყდრისი–ყაჩაღიანის არქეოლოგიურ ობიექტთან დაკავშირებით.
დღესდღეისობით, რადგანაც ქართველი და უცხოელი მეცნიერების დასაბუთებით საყდრისის ოქროს მაღარო მსოფლიოში უძველესია, ამასთან არ არსებობს ამის საპირწონე ყოვლისმომცველი მეცნიერულად დასაბუთებული კონტრარგუმენტაცია და მიგვაჩნია, რომ კულტურა და მეცნიერება ქვეყნის პრიორიტეტებს უნდა წარმოადგენდეს თანამედროვე ცივილიზირებულ მსოფლიოში. გერმანელი მეცნიერების მიერ ძეგლის საბოლოო შესწავლამდე დაუშვებლად და დანაშაულად მიგვაჩნია მისი ხელყოფა.
გთხოვთ, გამოიყენოთ თქვენს ხელთ არსებული უფლებამოსილება და ხელი შეუწყოთ ამ ობიექტზე შემდგომ არქეოლოგიურ კვლევებს.
მიგვაჩნია, რომ საკითხის გადაწყვეტის დროს უნდა გათვალისწინებული იქნეს სახელმწიფოს, კერძოდ საქართველოს ინტერესები ერთი მხრივ და მეორე მხრივ ჩვენი ისტორიული წარსულის საამაყო ძეგლის შენარჩუნების საკითხი.


სრულიად საქართველოს გვარების წინამძღოლთა დარბაზი,
საქართველოს საგვარეულოთა კავშირი “გვარი და გვარიშვილობა“
გამგეობის თავმჯდომარე ლევან ფრუიძე

https://iberiana.wordpress.com/iberiana/sakdrisi/#19

Posted in 2014, საყდრისი | Tagged: , | Leave a Comment »

საყდრისი – ჟურნალისტური გამოძიება

Posted by iberiana on აპრილი 7, 2014

ჟურნალისტური გამოძიება: ძეგლის განადგურების მცდელობა!

ჟურნალისტური გამოძიება: ,,საყდრისი – პრემიერის “ოქროს შუალედი” / სტუდია ,,მონიტორი” /2014.
ჟურნალისტურ გამოძიებაში მოთხრობილია “საყდრისი ყაჩაღიანის” არქეოლოგიური ობიექტის შესახებ, რომელიც მეცნიერთა ნაწილის აზრით მსოფლიოში უძველესი ოქროს მაღაროა, თუმცა კულტურის სამინისტრომ ოქროს მომპოვებელ კომპანია “არემჯი გოლდს” ობიექტზე სამუშაოების დაწყების ნებართვა მისცა. არქეოლოგების თქმით მსოფლიო მნიშვნელობის კულტურული მემკვიდრეობის ობიექტს განადგურების საფრთხე ემუქრება.

Posted in 2014, საყდრისი | Tagged: , | Leave a Comment »

დაპირისპირება კაზრეთში

Posted by iberiana on მარტი 24, 2014

დაპირისპირება კაზრეთში მომიტინგეებსა და “RMG Gold”-ის დაცვის თანამშრომლებს შორის. 22 მაისი, 2014

სრულად: https://iberiana.wordpress.com/iberiana/sakdrisi/#14

Posted in 2014, საგანძური, საყდრისი | Tagged: , | Leave a Comment »

საყდრისს უკვე მისი მოწინაღმდგეებიც იცავენ!

Posted by iberiana on მარტი 8, 2014

1948113_1555877324637469_943862132_n[1]ნინო მიქიაშვილი – საყდრისს უკვე მისი მოწინაღმდგეებიც იცავენ!

ქართველმა და გერმანელმა მეცნიერებმა ერთობლივი რეზოლუცია მიიღეს

საყდრისის უძველესი ოქროს მაღაროს გადასარჩენად ქართველმა და გერმანელმა მეცნიერებმა ერთობლივი რეზოლუცია მიიღეს. საგულისხმოა ის ფაქტი, რომ ქართულ-გერმანული ექსპედიციის წევრების გარდა რეზოლუციას ხელს აწერენ სხვადასხვა დარგის სპეციალისტები. რეზოლუციაზე ხელმომწერებს შორისაა ცნობილი ქართველი არქეოლოგი ვახტანგ ლიჩელი, რომელიც აქამდე საყდრისის გადარჩენის საწინააღმდეგო პოზიციას ტელედებატებში აფიქსირებდა. ერთობლივი რეზოლუცია საქართველოს კულტურის მინისტრს გურამ ოდიშარიას უკვე სამუშაო მაგიდაზე უდევს. დღეს, ან ხვალ ამავე დოკუმენტს წარუდგენენ საქართველოს პრემიერ-მინისტრ ირაკლი ღარიბაშვილს.

რეზოლუციაზე ხელმომწერი მეცნიერები საყდრისის უძველეს ოქროს მაღაროს მსოფლიო მნიშვნელობის კულტურულ მემკვიდრეობად აფასებენ და მისი დანგრევა დაუშვებლად მიაჩნიათ…

სრულად: https://iberiana.wordpress.com/iberiana/sakdrisi/#11

Posted in 2014, არქეოლოგია, მეცნიერება, საყდრისი | Leave a Comment »

Сакдриси

Posted by iberiana on თებერვალი 13, 2014

Мзия Паресишвили – Укрощение строптивой

Замминистра культуры Грузии  отправлена в отставку за дисциплинарные проступки. Такова официальная версия причины ее увольнения, приказ о котором подписал накануне премьер-министр Ираклий Гарибашвили.968880_611993052154221_1125371506_n[1]

 Главной причиной увольнения Марина Мизандари называет свою позицию в скандале вокруг золотых приисков в Сакдриси. В борьбе, которая развязалась между золотодобывающей компанией и защитниками культурного наследия, Мизандари заняла принципиальную позицию, настаивая на приостановке работ по добыче золота рядом с древнейшим в мире золотым рудником:

«Наше ведомство должным образом не защищает культурное наследие. Происходит искусственное формирование общественного мнения, что сохранение культурного наследия обязательно противоречит экономическим интересам. Министр не смог донести до общества и до правительства, что это не так, что сохранение культурного наследия не означает потерю прибыли»…

https://iberiana.wordpress.com/iberiana/sakdrisi/#7

Posted in 2014, საყდრისი | Tagged: , | Leave a Comment »

მეტალურგიის სათავეებთან

Posted by iberiana on იანვარი 16, 2014

მიშა მეფარიშვილი – დისკუსია საყდრისის მნიშვნელობისა და მომავლის შესახებ

15 იანვარს კლუბში “ფრონტლაინ საქართველო” გაიმართა დისკუსია სახელწოდებით “მეტალურგიის სათავეებთან, საყდრისის უძველესი ოქროს მაღაროს წარსული და მომავალი’.

 დისკუსიაზე, რომელსაც არქეოლოგი გიორგი მინდიაშვილი, არასამთავრობო ორგანიზაცია “მწავენ ალტერნატივას” აღმასრულებელი დირექტორი ნინო გუჯარაიძე ესწრებოდნენ, ისაუბრეს საყდრისის არქეოლოგიური ობიექტის გარშემო განვითარებული მოვლენების შესახებ…

სრულად: https://iberiana.wordpress.com/iberiana/sakdrisi/

 

Posted in 2013, არქეოლოგია, საგანძური, საყდრისი, სიახლე | Leave a Comment »

კვლავ საყდრისი

Posted by iberiana on დეკემბერი 2, 2013

 ნინო მიქიაშვილი – გერმანიის საგარეო საქმეთა სამინისტროში 9 დეკემბერს საყდრისის ოქროს მაღაროზე იმსჯელებენ

wokerსაყდრისის უძველესი ოქროს მაღაროს ირგვლივ 9 დეკემბერს გერმანიის საგარეო საქმეთა სამინისტროში ქართულ მხარესთან ერთად იმსჯელებენ. პარალელურად, გერმანული მხარე მზადყოფნას აცხადებს საყდრისის უძველესი ოქროს მაღაროსთვის საერთაშორისო ექსპერტიზის ჩატარება უზრუნველყოს, რაზეც საქართველოს კულტურის სამინისტროსგან წერილობითი თანხმობა მიიღო. ამ ორი საკითხის ირგლივ გერმანიიდან მოსული დოკუმენტი გერმანიის საელჩომ უკვე გადასცა საგარეო საქმეთა სამინისტროს. ამასთან, საელჩომ გერმანულ მხარეს საქართველოს კულტურის სამინისტროს თანხმობაც მიაწოდა. ესაა ჩემს მიერ  მოპოვებული, არაოფოციალურად დადასტურებული ინფორმაცია.
ამ მასალის მეორე ნაწილში შეგიძლიათ გაეცნოთ ფოლკსვაგენის ფონდიდან საქართველოს პრემიერ-მინისტრისთვის გამოგზავნილი წერილის შინაარსს…

Posted in 2013, ისტორია-History, საყდრისი | Leave a Comment »

 
%d bloggers like this: