Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, მესხეთი, ჯავახეთი, ტაო-კლარჯეთი იყო და მუდამ იქნება საქართველო!!!

• „რაინდული ღირსების ორდენოსანნი“

 

ჭეშმარიტ ღირსებას არავითარი რკინის თუ ოქროს ორდენი არ სჭირდება

 

გაურკვეველი წარმომავლობისა და დანიშნულების, ოპოზიციურ ტელეარხად წოდებულ „კავკასიის“ ცისფერ თუ ფერად ეკრანზე ტელეარხის პატრონ „აქუსთან“ ერთად მისთვის უჩვეულო პოზასა და ჩაცმულობაში მოგვევლინა ქართული პოლიტიკის „ვარსკვლავი“, ფრანგული ორდენის – „რაინდული ღირსების ორდენი“-ს კავალერი გოგა ხაინდრავა.

პიჯაკზე ორდენ მიმაგრებულ ხაინდრავას სიფათიც მორგებული და მიმაგრებული ჰქონდა.

კმაკოფილი და ბედნიერია ხაინდრავა, რამეთუ მისი შრომა და ამაგი საერთაშორისო სარბიელზე დაფასდა.

აქუსთან მასლაათი ერთ საათზედ მეტი გაგრძელდა და საგაზეთო პუბლიკაციაში შეუძლებელია მთელი რეპორტაჟის გადმოტანა.

გადაცემიდან შევიტყვეთ, რომ ეს ორდენი საფრანგეთის პრეზიდენტ შარლ დე გოლს დაუარსებია და საფრანგეთის პრეზიდენტი გადასცემს ამ ჯილდოზედ წარდგენილ ნომინანტებს მას  ამა თუ იმ სფეროში გაწეული ღვაწლის შესახებო.

წამყვანი და მოპასუხე გაუთავებლად საუბრობს კეთილშობილურ თვისებებზე, რაინდობაზე, ღირსებაზე, სიმართლისთვის და სამართლიანობისთვის ბრძოლაზე და ასე შემდეგ და ასე შემდეგ. 
ხაინდრავა შემთხვევას არ უშვებს, რომ არ დაამუნათოს საქართველოს დღევანდელი მმართველი კასტა, ამუნათებს მტაცებლობის, თავისუფალი სიტყვის დევნისა და ჩახშობის გამო. ადანაშაულებს დღევანდელ მმართველ კასტას ხაზინის ქურდობაში და უცხოური ინვესტიციების მითვისებაში.

ჩვენი წერილის მიზანი კი ერთია, გავარკვიოთ თუ რა „ღვაწლი და ამაგი მიუძღვის“ ამ „პოლიტიკოსს“ ჩვენი გავერანებული სამშობლოს წინაშე.

სიტყვაკაზმულად საუბრობდა გადაცემის სტუმარი, სიტყვაკაზმულად გვაყრიდა თვალში ნაცარს, თავს სიმართლისათვის თავისუფლებისათვის მუხლჩაუხრელ მებრძოლად გვისაღებდა.
გადაცემის მსვლელობისას შიგა და შიგ მაყურებლის ზარები გაისმოდა, რომლებიც ხოტბა დიდებას ასხამდნენ და სიყვარულს ეფიცებოდნენ ორდენოსან რაინდს და ისიც „სტოიკურად“ იღებდა მილოცვებს, ჩვენ, რა თქმა უნდა შორსა ვართ იმ აზრისაგან, ვინმეს ვისმესი სიყვარული და პატივისცემა დავუშალოთ, არა, ყველა მატარებელს თავის მგზავრი ჰყავს დანიშნულების ადგილამდის მისაყვანი…

საბედნიეროდ, საქართველოში ჯერ კიდევ ცოცხალია ხალხი, ვისაც ახსოვს ხაინდრავას საქმენი საგმირონი. 
ჩვენ ქვემოთ მოვიყვანთ იმ მარგალიტებს, რომლითაც საფრანგეთის ორდენის კავალერს ამკობდნენ ყოფილი თუ ახლანდელი თანამებრძოლები. მარგალიტები შეუკრიბავს გაზეთს „დრონი“, რისთვისაც დიდ მადლობას მოვახსენებთ.
მაშ ასე, ხაინდრავას ამ ორდენის მინიჭებით თავი მართლაც რაინდად წარმოუდგენია და კუდი ყავარზე გააქვს. 
ახლა კი ვნახოთ რას წერენ ხაინდარავას შესახებ მისი ყოფილი თუ ახლანდელი თანამებრძოლები თუ მოწინაააღმდეგეები.
ერთ-ერთი უმთავრესი მიზეზი და საბაბი კონფლიქტების დარეგულირება და მათი მშვიდობიანი გადაჭრა ყოფილა. 

პაატა ზაქარეიშვილი: თუ ხაინდრავა თავისი დაჯგუფებით აფხაზეთში იბრძოდა, აფხაზების წინააღმდეგ, ვერ გავიგე, ამ კაცს რა უნდა კონფლიქტების მინისტრად, რა კონფლიქტი უნდა მოაგვაროს, როცა აფხაზები ცალსახად აფიქსირებენ –ვინც იარაღით გვებრძოდა, იმ ხალხს სახალხო დიპლომატიის დონეზეც კი არ დაველაპარაკებით, არ თუ სახელმწიფო დონეზეო“.
 

ზვიად ძიძიგური: „არ მომწონს ხაინდრავას დანიშვნა კონფლიქტების მინისტრად, როცა ეგ აფხაზეთში იყო სახელმწიფო მინისტრი, მის სახელს უკავშირდება ბევრი სიბინძურე, მათ შორის აფხაზებთან და რუსებთან ერთად კონტრაბანდული ბიზნესი, და რა დაუშლის იგივე აკეთოს ოსებთან და კოკოითთან ერთად?“

მიხეილ ქარელი: „გოგა ხაინდრავა ოსურ ლუდსა და ხაბიზგინებზე ქეიფობს ცხინვალში, საეჭვო ხალხთან. ის ნამდვილად ვიცი ამ ხალხს საქართველოს სიკეთე ნამდვილად არ უნდა და ბევრი მათგანი 90-იან წლებში იარაღით იბრძოდა ჩვენს წინააღმდეგ“.

ხაინდრავასთვისაც ხომ ის ხალხია მისაღები და სამეგობრო, ვინც 90–იან წლებში ლახვარი ჩასცა საქართველოს!

გუბაზ სანიკიძე: „გოგა ხაინდრავამ ჯერ იმ დიდ კითხვის ნიშნებს გასცეს პასუხი, როცა აფხაზეთში სახელმწიფო მინისტრად მუშაობდა. დღეს ყველა ამბობს, რომ გაგრა გაიყიდა, გაგრა ჩაბარდაო. თუ თანამონაწილე არ არის ხაინდრავა ამ ისტორიული ღალატისა, გამოვიდეს და თქვას ვინ ჩააბარა გაგრა. ის ცალკე იყოს, როცა იარაღით ხელში დარბოდა ზვიად გამსახურდიას დასამხობად, ამაზე ისტორია გასცემს პასუხს და აქ თუ არა, იქ, ღვთიურ სამსჯავროზე მოეკითხება“.

მიხეილ ქარელი: „გოგა ხაინდრავამ ბორის ჩოჩიევის გარემოცვასთან ერთად ააორთქლა ეუთოს საკმაოდ სოლიდური გრანტი, რომელიც ქართული და ოსური სოფლების ინფრასტრუქტურას უნდა მოხმარებოდა. ფული შეჭმულია, თითი არავის დაუკარებია, სამუშაოები არავის შეუსრულებია და ქაღალდზე თანხა ათვისებულია. იმ სოფლებში მგონი არც შესულან საერთოდ. კარგი იქნება თუ ეუთო და ქართველი სამართალდამცველები ერთად დაიწყებენ ამ თანხის ასავალ-დასავალის მოკვლევას“. 

ამ ვაჟბატონს კი ერთი სურვილი ამოძრავებს, გამოიკვლიოს დღეს მის გარეშე გაიმასქნებული კოლოსალური თანხები, აბა, გაბედეთ და რომელიმემ მოკითხეთ ეს ეუთოს გრანტი, მტრისას, ისეთი დღე დაგადგებათ…
ახლა სხვა მხარესაც მოვუსმინოთ:
მამუკა კაციტაძე: „მე მაქვს ძალიან დიდი და საფუძვლიანი ეჭვი, რომ ცხინვალის რეგიონში ოქრუაშვილი და ხაინდრავა ვერ იყოფენ კონტრაბანდისტულ ტვირთს და ამის გამო ერთმანეთს ებრძვიან“.

ჩვენ არ ვიცით ზუსტად როდის გამოთქვა ზემოთხსენებული მოსაზრებები ქართველმა პოლიტიკის ვარსკვლავებმა, დღეს კი ისინი ერთიან ოპოზიციურ არმადას წარმოადგენენ.

ჩვენ ყველას ისიც კარგად გვახსოვს, როდესაც გოგა ხაინდრავამ და მისმა კომპანიამ საქართველოს სახელმწიფოს და ქართველი ხალხსის დაუძინებელი მტერი ტორეზ კულუმბეგოვი პოლიტპატიმრად გააასაღა და დედამიწა შეაზანზარა – არიქა, გამსახურდია ოს ხალხს სდევნისო. მაინც რა რიგად შესტკივა გული ამ ჩვენს საფრანგეთის „ღირსეულ“ რაინდს „დევნილ და ტანჯულ“ ოსებზე, დღესაც ცხარე ცრემლებს აღვარღვარებს: ამ ხალხს დიდი ღვაწლი მიუძღვის ქართული სახელმწიფოს წინაშეო. უწიგნურს და უვიცს დღევანდელ კასტას უწოდებს და თვითონ თუ წაუკითხავს საქართველოს ისტორია, თუ წაუკითხავს ფარნავაზიდან მოყოლებული რა ხეირს აყრიდნენ საქართველოს მისი ქებული ძმები, ხაინდრავა ვახტანგ გორგასალსაც ჯვარს აცვამდა ოსი ხალხის უფლებების შელახვის გამო.

თავი გავანებოთ ადრეულ საუკუნეებს, სულ ახლახანს, საქართველოს პირველი დემოკრატიული რესპუბლიკის დღემოკლე არსებობის ჟამს რა თანადგომა და ერთგულება გაუწიეს საქართველოს ახალგაზრდა სახელმწიფოს, წაიკითხოს ქართველი მეცნიერების ნაშრომები და არა მარტო პატიოსანი და ობიექტური არაქართველი მეცნიერების ისტორიული ნარკვევები, სადაც პირუთვნელად და სამართლიანად არის აღწერილი ფრანგული რაინდული ღირსების ორდენოსანი ქველი რაინდის ხაინდრავას ძმების გმირობა.

მაგრამ ხაინდრავას ფეხზე ჰკიდია ქართველი ხალხი და მისი უფლებები მის მშობელ მიწაზე!

მოვუსმინოთ რას ამბობს საფრანგეთის ახლად გამომცხვარი რაინდის შესახებ იმ დროინდელი ამბების მომსწრე:

ლევან ხაჭაპურიძე, ზვიად გამსახურდიას ხელისუფლების დროს მისი წარმომადგენელი დიდი ლიახვის ხეობაში:
„რატომ არ გამიხმა ის ხელი, რომლითაც ხაინდრავას ავაცილე. ხაინდრავა კაცი კი არა – არაკაცია! რამდენიმე დღე მატყუა, ცოცხლები არიან ბიჭებიო, მერე ოთხ ოჯახს და ამხელა სანათესაო-ჭირისუფალს ერთიანად ატყუებდა.

რამდენიმე კარგად მოხვდა მინისტრ ხაინდრავას ყბაში ჩემგანაც და სხვა ბიჭებისგანაც, კურდღელივით გაიქცა (ფრანგული რაინდული ღირსების ორდენის კავალერი, რომელიც სიმხდალესა და კურდღლობაში სხვას დასცინის – ა.ს.). ეგ ხეობაში ვეღარ შემოადგამს ფეხს, მე იქით ვიყო, ხალხია ძალიან აჯაგრული – ხაინდრავა აქ ამოსული რომ ვნახოთ ცოცხალს არ გავუშვებთო.

ამ ხალხმა 15 წელი გაიტანა ერთმანეთი, ალყაში არიან, ტყვიების წვიმაში არიან, მაგრამ მშობლიური მიწა არ მიუტოვებიათ. ერთგულებისა და სიტყვის ფასი იციან და ვერ იტანენ გაიძვერა და სიტყვის გამტეხ ხალხს – ხაინდრავასნაირებს.

ქართველი ხალხის სამართლიანი უფლებების დამცველს, მის ჭირისუფალსა და სარანგს, დედ-მამითა და სისხლ-ხორცით, სულითა და გულით ქართველს რა განაჩენიც გამოუტანეს დასავლეთელმა დემონთკატიის მამებმა ამის მომსწრე და მნახველია ჩვენი თაობა. მათი ვერდიქტით საქართველოს მიწაზე ათასი ჯურის ავაზაკისა და გადამთიელის უფლებებს უნდა ენაცვალოს ამ მიწის ღვიძლი შვილების სასიცოცხლო ინტერესები და ვინც ამას ცხოვრებაში გაატარებს, მის მკერდს არ ასცდება ეშმაკის მოციქულთა ჩინ-მედლები და ორდენები, ხოლო ქართველთა ქომაგსა და მეოხეს – ეკლესიის ქონგურებიდან დაშენილი ჭურვები.  

ბოლო დროს გოგა ხაინდრავას მიმართ ხშირად გაისმის ბრალდება 1991-1992 წლების სახელმწიფო გადატრიალებაში მონაწილეობის შესახებ. საფრანგეთის რეინდული ღირსების რაინდი შეძლებისდაგვარად ცდილობს დაფაროს წარსული საქმენი-საგმირონი და აცხადებს: იარაღი მქონდა, მაგრამ ქართველისათვის არ მისვრიაო.

აგერ უკვე სამი წელიწადია ხაინდრავა აღშფოთებული და შეძრწუნებულია,  7 ნოემბერს რეზინის ტყვიები დაგვიშინა მიშას ხელისუფლებამო, ამ ავაზაკს ის კი ავიწყდება, როგორ ტყვიებს უშენდა თვით საქართველოს მტრებისა და მოღალატეების მიერ მოწყობილი ამბოხის შედეგად ქვეყნიდან განდევნილ მის პირველ და ჯერჯერობით უკანასკნელ პრეზიდენტს.

ამ და სხვა ავაზაკთა მამხილებელი სანდო და წყალგაუვალი საბუთები დაგვიტოვა მათმა სულიერმა წინამღღოლმა და უსტაბაშმა ჯაბამ.

ავაზაკთა უსტაბაშმა ჯაბამ, მიაბარა რა ეშმას სული, შთამომავლობას მართლაც რომ ჩინებული მამხილებელი საბუთები დაუტოვა, რომელიც არანაირ რევიზიასა და გადახედვას არ ექვემდებარება!
მოვუსმინოთ ჯაბას.

ჯაბა ისოსელიანი: „სრული პასუხისმგებლობით ვაცხადებ: 6 იანვარს გამთენიისას ბარათაშვილის ხიდთან გოგა ხაონდრავას „დევიატკამ“ და გია სვანიძის ბიჭებმა გაუხსნენ ცეცხლი ზვიად გამსახურდიას და მის მომხრეებს. პირველმა ვინც ისროლა – ხაინდრავას ხალხმა თუ ჩვენებმა – „მხედრიონელებმა“, ვერ გეტყვით. ეს იყო შეცდომა, რადგან, როცა კაცს ხელშეუხებლობის გარანტიას აძლევ და კაცურად ჰპირდები უსაფრთხოდ დასტოვებ ქვეყანასო, უნდა შეასრულო.

მერე გოგაც და გიაც მიმტკიცებდნენ, ბატონო ჯაბა ჯერ იმათ გვესროლეს ავტობუსებიდანო, მაგრამ ამხელა კაცი მაგას ვჭამ? რა ესროლეს? ერთი სული ჰქონდათ ბუნკერიდან თავდაღწეულებს საქართველო მშვიდობიანად დაეტოვებინათ. არა, მაგარი მიქარვა მოუვიდათ, თან იმ ავტობუსში ქალები და ბავშვები ისხდნენ, პრეზიდენტს რომ თავი დავანებოთ!

რაღა უნდა მექნა? დავტუქსე ორივე, ბოდიში, აღარ ვიზამთო და ეგ იყო. ცხონებული გია მართლა შეწუხებული იყო, კიდევ კარგი არ მოვკალით ვინმეო. მეორედ აღარ ვიზამთო, ეგ იყო მაგარი – მგონი შევარდნაძის ჩამოგდებასაც აპირებდნენ, ეგრე გამოუვიდათ რა”.

ხედავთ, გია სვანიძე შეწუხებულა ძლიერ, ეს ავაზაკი კი დღესაც გაიძახის, არ ვნანობ გამსახურდიას რომ დავუპირისპირდიო და ასეთ კაცს ასხამს მასებრ ავაზაკი გმირისა და რაინდის შარავანდედს.

არსებობს მრავალი საბუთი და მტკიცებულება იმის შესახებ, რომ იმ ავადმოსაგონარ, საქართველოს დამაქცევარ დღეს ქაშუეთის ეკლესიის ეზოდან გოგა ხაინდრავამ და მისმა ყაჩაღების „დევიატკამ“ გაისროლა პირველი ტყვია:

გურამ პეტრიაშვილი, ზვიად გამსახურდიას უზენაესი საბჭოს წევრი (შენიშვნა: დედანში სწორედ ასე სწერია, ჩვენ კი ერთს შევახსენებდით გაზეთ „დრონის“ პატივცემულ რედაქციას, რომ ის უზენაესი საბჭო ზვიად გამსახურდიასი კი არა საქართველოს უზენაესი საბჭო იყო, რომელიც საქართველოს მოსახლეობამ აირჩია და თავკაცობა ზვიად გამსახურდიას მიანდო. ასეთი შეიძლება ვთქვათ შევარდნაძის სახელმწიფო საბჭოდ წოდებულ გკჩპ-ზე, შევარდანძის იმედისა და მილიონი სამუშაო ადგილის პარლამენტებზე, რომლებიც მართლაც რომ არ აურჩევია საქართველოს მოსახლეობის დიდ უმრავლესობას ან კიდე მიშას სალაყბოებზე): სწორედ გოგა ხაინდრავამ ისროლა პირველი ტყვია ქაშუეთის ეზოდან, ამ უწმინდურმა ისროლა პირველად მთავრობის სახლის მიმართულებით. პირველი მსხვერპლი იყო გია ბახია, გოჩა ბახიას ძმა. მერე, როცა სიგუა-კიტოვანმა და იოსელიანმა მოგვცეს ხელშეუხებლობის გარანტია 1992 წლის 6 იანვარს გამთენიისას ბარათაშვილის ხიდთან სწორედ ხაინდრავამ და მისმა „დევიატკამ“ გაგვიხსნა ცეცხლი. იქ იმყოფებოდნენ ზვიადიც, მისი ოჯახიც, მცირე წლოვანი ბავშვები“.

 

საინტერესოა, საფრანგეთის პრეზიდენტს ყველაფერი ეს რომ წაეკითხა, მოაწერდა კი იმ გუჯარს ხელს, რომლითაც ეს ორდენი ჩამოკიდა ხაინდრავას?
კი, მოაწერდა!

საფრანგეთის პრეზიდენტმა ხომ ამ ორდნით ლანა ღოღობერიძე, დიდი ქართველი ბოლშევიკის ლევან ღოღობერიძის ასული დააჯილდოვა, ლანა ხომ მისი მამის საქმეების ღირსეული გამგრძელებელია. საფრანგეთის პრეზიდენტმა, აჯილდოებდა რა, პუტჩისტ ხელოვანს,  უთუოდ იცოდა მისი მამის მიერ წარმოთქმული სიტყვები: „Вы знаете, товарищи, что в Грузии дворянство составляет 6 процентов населения. Это необыкновенный процент, которого нет ни в одной другой стране. Даже в Польше, стране панов, число дворян достигает 4 процентов. Мы должны сократить в Грузии процент дворянства» – Леван Гогоберидзе.

ამ ორდენით დაჯილდოებულია მეორე არანაკლებ პუტჩისტი ხელოვანი ო. იოსელიანი (როგორც ამბობენ დედით ოსის, რომლის ფილმებს გულმოდგინედ ეწაფება დასავლეთის დემონთკრატიული ელიტა, მის კადრებზე აღბეჭდილია „საბრალო ოსების“ ხვედრი გამსახურდიასეულ საქართველოში.

არაკაცობისა და არაკაცური იდეოლოგიის შექმნასა და მის პროპაგანდაში სამარცხვინო წვლილი მიუძღვის კრიმინალურ ინტელიგენციას – აქ მოტანილია მაგალითები იმისა თუ როგორ იქმნებოდა და ვრცელდებოდა მთელს მსოფლიოში ბოროტი, არაკაცური სიცრუე – ადამიანის უფლებების ვითომ დიდი ქომაგის, აღიარებული რეჟისორის, მაგრამ არაკაცის ოთარ იოსელიანის ფილმის „Seule, Georgie- ეული საქართველოს (1994)“ მაგალითზე.

მოღალატე, კრიმინალური ინტელიგენციის შეთითხნილი სიცრუე შემდეგ მასობრივი ტირაჟებით ვრცელდებოდა მთელს მსოფლიოში და ფართოდ გამოიყენებოდა ქართველი ერის წინააღმდეგ. კერძოდ „Seule, Georgie – მხოლოდ საქართველო“ (განსხვავებით დოკუმენტური ფილმისაგან „შევარდნაძის მხილება“ – რომელიც მასზე ბევრად ადრე, 1992 წელს გამოვიდა და მხოლოდ ერთხელ იყო ნაჩვენები ამერიკაში და საერთოდ არც ერთხელ არ ყოფილა ნაჩვენები ევროპაში ან რუსეთში) მრავალგზის იყო ნაჩვენები ევროპაში, ამერიკაში და განსაკუთრებით რუსეთში!

საგანგებოდ უნდა აღინიშნოს, რომ ამ თითქმის საათნახევრიან, ფარისევლურ – ვითომ ობიექტურ და ვითომ დოკუმენტურ ფილმში, რომელიც მთლიანად საქართველოს 1988-1994 წლების მოვლენებს მიეძღვნა – გაკვრითაც კი არ არის ნახსენები საერთაშორისო ადამიანის უფლებების დამცველი ორგანიზაციების მიერ ფართოდ დოკუმენტირებული ის მხეცობები და ადამიანის უფლებების საშინელი დარღვევები, რომლებიც არაკაცთა ხუნტამ ჩაიდინა – მთელი ფილმი კანონიერი ხელისუფლების ნომენკლატურული კრიმინალიტეტის მიერ დამხობის გამართლებას ემსახურება.

საგანგებოდ უნდა აღინიშნოს, რომ ამ თითქმის საათნახევრიან ფილმში, რომელშიც მოიძებნა ადგილი ყველა ასე თუ ისე გამოჩენილი პუტჩისტის ყბედობისათვის – და რომელშიც ყბადაღებულად ქადაგებენ, რომ გამსახურდიას რეჟიმი თითქოს მოწინააღმდეგეთა სიტყვასა და აზრს ახშობდა – არ და ვერ მოიძებნა ადგილი კანონიერი ხელისუფლების თუნდაც ერთი წარმომადგენლის ან მომხრის აზრის გამოხატვისათვის – არაკაცური „პლურალიზმის“ თვალნათელი დადასტურება…
http://mamuli.net/Simartle/default.asp?bpgpid=111&pg=1

ამ ორდენის მესამე კავალერია საფრანგეთ-საქართველოს მოქალაქე ქალბატონი სალომე ზურაბიშვილი, დასავლეთიდან ქართული პუტჩის იდეოლოგი, რომელიც მეუღლეა ძველი საბჭოური „ნებადართული დისიდენტის ჯანრი კაშიასი, რომელიც მშვენივრად არის ცნობილი მისი „მამულიშვილური მოღვაწეობით. 
აი ისიც;
ჟურალ „ივერიას“ გამოსცემდა ძირგამომთხრელი ორგანიზაცია „ქართულ-ევროპული ინსტიტუტი“ – რომელიც პარიზში საბჭოთა გლობალისტური წრეების მიერ დაარსდა და რომელსაც არაკაცი ჯანრი კაშია ხელმძღვანელობდა. ეს სამ კაციანი „ინსტიტუტი“ მთლიანად ქართული ეროვნული მოძრაობის დისკრედიტაციით იყო დაკავებული.

ფოტოამონარიდი ჟურნალიდან „ივერია“ (ნომერი 1, 1992), გვ. 8
სტატიიდან „საქართველოს საკითხი“ – რომლის ავტორად ითვლება სალომე ზურაბიშვილი

 
ურიგო არ იქნება თუ მკითხველს შევახსენებთ „ქართულ-ევროპული ინსტიტუტის“ ჟურნალის „ივერიას სარდაქციო შემადგენლობისა და გამომცემლების ვინაობას:

გამომცემლები: ქართულ ევროპული ინსტიტუტი და გამომცემლობა GCI.

რედაქტორები: ჯანრი კაშია, შადიმან ხელაძე.

სარედაქციო საბჭო: სალომე ქართველი, მზია ბაქრაძე, ზაზა ალექსიძე, ზურაბ კიკნაძე, მიხეილ ნანეიშვილი, გურამ თევზაძე, ზურაბ წერეთელი.

გამოცემის რედაქტორი: დიმიტრი ესაკია.

 
http://bpg.sytes.net/simartle/default.asp?bpgpid=60&pg=1

 

ხედავთ ქართველებო, ის ჩვენი დასავლეთელი მეგობრები ვის და რის გამოც აჯილდოებენ?
ასე, რომ ეს ორდენი ვერაფერი საამაყო და საბაქიბუქოა!

შორს არ არის ის დღე, როდესაც ქართველი ხალხი ამ მოღალატე მანქურთებს საკადრის ორდენებს მიუძღვნის!


ხაინდრავა ახსენებს ნაპოლეონის მიერ დაარსებულ საპატიო ლეგიონის ორდენს, რომელიც თვით ნაპოლეონმა გადასცა კაცობრიობის ყველა დროის უდიდეს მოაზროვნესა და შემოქმედს გერმანელ იოჰან ვოლფგანგ ფონ გოეთეს, რომელმაც მისი ქვეყნის დამპყრობელს დითირამბები მიუძღვნა და გენიოსი უწოდა, გოეთე დიდი სიამაყით ატარებდა ნაპოლეონის მიერ ბოძებულ რკინის ჯვარს. მაშინდელი გადმოცემებიდან ცნობილია ისიც, რომ გოეთე დიდად არ თანაუგრძნობდა გერმანელი ხალხის განმათავისუფლებელ მოძრაობას, პირიქით…

ისევ საფრანგეთის ორდენების შესახებ, საფრანგეთის მთავრობები ორდენებს წითელი ჯვრისა და წყალწაღებულთა მაშველთა კორპუსის სამკერდე ნიშნებივით ურიგებდნენ ყოველი ჯურის ავაზაკსა და გარეწარს, მათ შორის ბორის ელცინსა და ვლადიმერ პუტინს.

საფრანგეთის საპატიო ორდენი აქვს აგრეთვე მიღებული რუმინეთის ყოფილ დიქტატორს ნიკოლაი ჩაუშესკუს, მას დასავლეთის დემოკრატიის მებაირახტე ქვეყნების მთავრობებიდანაც აქვს მიღებული ორდენები. აი, ისინიც: ორდენი „გერმანიის ფედერაციული რესპუბლიკის წინაშე დამსახურებისათვის“, დანიის სპილოს ორდენი, დიდი ბრიტანეთის ბანის საპატიო ორდენი, წმინდა ოლაფის ნორვეგიის სამეფო ორდენი.

ბრიტანელების ორდენებზე უამრავ ნომინანტს განუცხადებია უარი, მათ შორის კანადის პრემიერ მინისტრ ალექსანდერ მაკენზის, რომელმაც შეუთავსებლად ჩათვალა ჯილდოს მიღება შოტლანდიაში მომხდარი მოვლენების გამო, აი, ეს არის ჭეშმარიტი ღირსება, რომელსაც ამ გადაცემაში წამდაუწუმ ახსენებდა ხაინდრავა. საერთოდ ღირსებაზე, პატიოსნებაზე და ამგვარ კეთილშობილურ თვისებებზე გაუთავებლად გაჰკივის ის, ვისაც ამ თვისებების ნატამალი არ გააჩნია, თორემ ღირსებიანი და პატიოსანი კაცი ამას უსიტყვოდ აშუქებს გარშემო მყოფთ და აკეთილშობილებს მათ.

გერმანიის ამჟამინდელმა კანცლერმა ქალბატონმა ანგელა მერკელმა კარლოს დიდის საერთაშორისო პრემია გადასცა პოლონეთის ამჟამინდელ პრემიერ-მინისტრს დონალდ ტუსკის ევროპის გაერთიანების საქმეში გაწეული წვლილის გამო, რამე ხომ არ გენიშნათ ჩვენო მკითხველებო?
 

საფრანგეთის მთავრობა დემოკრატიის განვითარებისათვის, ადამიანის და ეროვნული უმცირესობების უფლებების „განუხრელი დაცვისათვის“ აჯილდოებს საქართველოში „ჩაგრულ ოსთა“ ინტერესების თავდადებულ დამცველს ვინმე გოგა ხაინდრავას, ეს იმ დროს, როდესაც დემოკრატიის აკვანში – საფრანგეთში ხელისუფლება „დემოკრატიული მეთოდებით“ ახშობს თავისუფლებისათვის მებრძოლ ბრეტონელების, კორსიკელების, კომორის კუნძულების მოსახლეობის ნებას. ჩვენთან კი შეიარაღებული ექსტრემისტებისა და მკვლელების უფლებების დამცველს ორდენით აჯილდოებს. ასეთი რამ მხოლოდ საქართველოს მიმართებაშია დასაშვები ის ხომ „მცირე იმპერიაა“!

ახლა კიდევ ერთი კურიოზის შესახებ; დანიის უმაღლესი სპილოს ორდენით დაუჯილდოებიათ ბენიტო მუსოლინიც(!). ხოლო საკუთარი სამშობლოს თავისუფლებისათვის, ადამიანის ჭეშმარიტი უფლებებისა და თავისუფლებისათვის მებრძოლი ზვიად გამსახურდია იგივე დასავლურმა სამყარომ ანათემას გადასცა და შეაჩვენა.

მიზეზი?
მიზეზი კი ესააა – ზვიად გამსახურდია თავისი ქრისტიანული მრწამსითა და მეობით წინ აღუდგა გადაგვარებულ და ეშმას გზაზე მიმავალ ამა ქვეყნის ძლიერთ, ამხილა ისინი სიცრუესა და ბოროტებაში, ფარისევლობასა და ფსევდო დემოკრატიაში!

ახლა რაც შეეხება, გოგა ხაინდარავას მიერ მიშას და მისი ვანოს მისამართით მრავალგზის განმეორებულ მუქარას, ხაინდრავა ენას იგლეჯდა 6 მაისს გამოგიყვანთ წირვასო, 6 მაისიც ვიხილეთ, მაგრამ… მიშა და მისი ვანო უვნებელი და მრთელია, ხოლო ამ ავაზაკების მიერ მრავალგზის გაცუცურაკებული ხალხი კი ისევ ცხვირ-პირ შეღებილი დარჩა.

გოგა ხაინდრავა გულზე მჯიღს იბრახუნებდა, მთელს ქალაქს გამოვიყვანო, მიშას და ვანოს წესს ავუგებო, მაგრამ სააკაძის მოედანზე შეკრებილი მისი ამფსონების რაოდენობა მხოლოდ რამოდენიმე ასეულს თუ აღწევდა, ამით გაბრაზებულმა ხაინდრავამ მისთვის ჩვეული მარგალიტებით შეამკო თბილისი და თბილისელები, სწორედ უთქვამს დიდ ადამიანს –კოკასა შიგან რაცა სდგას, იგივე წარმოდინდების“.  

აქ ერთ რამესაც უნდა მივაქციოთ ყურადღება, ზვიად გამსახურდიას პუტჩისტების ხროვა, დღევანდელ დღეს ორივე ბანაკში თავშეფარებული ავაზაკები, ბრალს სდებდა და სდებს – ყველას ლანძღავდაო. მხილებას ლანძღვად ასაღებდნენ. განა ბატონ ზვიადს ოდესმე ვინმეს პიროვნების ღირსების შეურაცხმყოფელი სიტყვაც თუ უკადრებია? ესენი კი ერთმანეთს რას არ აკადრებენ, არას დაგიდევენ დედის გინებასაც კი.

ზვიადი ჭეშმარიტ ქართულ ოჯახში იზრდებოდა, ჭეშმარიტი ქართველი დედა ზრდიდა, ხოლო ამათი გამზრდელ-აღმზრდელები ვინ არიან ღმერთმა უწყის…

ხაინდრავას ღირსებისა და კეთილშობილების დამადასტურებელი თვით მისი იმდღევანდელი გამოსვლაა, ეს ქუჩის ავაზაკი და ყალთაბანდი „ულამაზესი მარგალიტებით“ ამკობს თავის ყოფილ თუ ახლანდელ ამხანაგებს პო როზევოი რევოლუციი.

ისე რა შეხმატკბილებულად ღიღინებდა წამყვანი და მისი ორდენოსანი მოპასუხე?! სულ ძმობას ეფიცებოდნენ ერთმანეთს. სულ ღირსება, ღირსებაო – ქაქანებდა ორი უღირსებო არსება. მაგრამ ორიოდე კვირის შემდეგ ხომ გამოჩნდა რა ღირსების მატარებელი და მქადაგებელია, ეს ცრუ ეროვნული და დემოკრატიული ტელევიზია „კავკასია“?!

საინტერესოა, კიდევ გამოანათებს ხაინდრავა თავისი პიჯაკითა და საფრანგეთის ორდენით კავკასიის ფერადი ეკრანიდან?

ჭეშმარიტ ღირსებას არავითარი რკინის თუ ოქროს ორდენი არ სჭირდება დასტურად, ჭეშმარიტად ღირსეული კაცი თვით არის ჩვენი საზოგადოების ორდენიცა და ჯილდოც! ეს რკინის ხარახურები სწორედ რომ უღირსებოთათვისაა შექმნილი მათი უღირსობის დასამალად და მისაფუჩეჩებლად!

ჩვენ შევეცადეთ მოკლედ გადმოგვეცა „ევროპული ზოგადსაკაცობრიო დემოკრატიული ღირებულებების“ ნამდვილი არსი და განაჩენიც მკითხველისათვის მიგვინდვია

 

უჩინო, უმედლებო და უორდენო, უპრეტენზიო, უბრალო ქართველი ა. სანდუხაძე

 

გაზეთი “განმათავისუფლებელი”

 

 

 

5 Responses to “• „რაინდული ღირსების ორდენოსანნი“”

  1. guliko gigiberia said

    რა მოკლე მეხსიერება გვაქვს ქართველებს…..1991-92 წწ. ეს ამბები რომ ხდებოდა, მხედველობაში მაქვს აქ მოყვანილი ფაქტები….სისხლი გვიშრებოდა გაგონილიდან…

    რამდენი უნდა ვაპატიოთ ქვეყნის მტრებს!

    გოგა ხაინდრავას ირგვლივ განსახილველ თემაში კი, ზვიად გამსახურდიას ხსენებაც კი დაუშვებლად მიმაჩნია!!!

    Like

  2. a.sanduxaZe said

    “გოგა ხაინდრავას ირგვლივ განსახილველ თემაში კი, ზვიად გამსახურდიას ხსენებაც კი დაუშვებლად მიმაჩნია!!!” –
    ბრძანებს ქალბატონი გულიკო, მაგრამ ჩვენ ვერ გავიგეთ რატომ არის დაუშვებელი. ჩვენ ხომ ეს პიროვნებები ერთ სიბრტყეზე არ დაგვიდევს (ღმერთმა დაგვიფაროს!).

    ქალბატონო გულიკო, მოკლე მეხსიერბის რა მოგახსენოთ, მაგრამ მთელს საქართველოს ახსოვ ის, რომ ხაინდრავა დაუპირისპირდა და სამკვდრო სასიცოცხლოდ გადაეკიდა ზვიად გამსახურდიას და არა თუნდაც ნაპოლეონ ბონაპარტეს.

    ეს თვენი აზრია და ვერცერთ შემთხვევაში ვერ აგიკრძალავთ საკუთარი აზრის ქონასა და ხმამაღლა გამოთქმას, მაგრამ არიან ადამიანები, რომლებსაც ახასიათებთ მუდმივი “ოპოზიციონრობა”, ყოველი მოსაზრების, როგორი ჭეშმარტიც არ უნდა იყოს, კრიჭაში ჩადგომა, ვერც ასეთ რამესა და ვინმეს აღვუდგებით წინ…

    Like

  3. URUMBEGI said

    პირადად მე ყველა ქვეყნის მოღალატეს, იმათ ვინც საქართველო ამ დღეში ჩააგდო შევარდნაძის თამადობით და დღევანდელ მთავრობას სომხურ-იეღოვურ სოროსული წარმოშობის ხროვას, სიკვდილით დასჯა გამოვუტანე და ყველა ეგენი მალე დაისჯებიან, ყველა შევარდნაძისტი და მიშარასტები ჯოჯოხეთის გზას გაუდგებიან
    ზვიადის და მერაბის საქართველოს ვერ მოსპობენ.
    საქართველო მარადიულია!

    Like

  4. vladimir said

    mapatiet mtavari satqmeli kinaram damaviwyda, viwyebt mtel evropasi mcxovrebi saqartvelos moqalaqeebis xelmowereb rom xaindra aris qartveli xalxis da erovnuli xelisuflebis mteri da shevitant evro sasamartloshi sachivars. mivwert safrangetis prezidents werils a tan gavugzavnit xelwerebs. werilshi iqneba kategoriul motxovna rom chamoertvas xaindravas safrangetis ordeni da tu bat sarqozi ar sheasrulebs qartveli xalxis motxovnas amis shemdeg chven shevitant bat sarqozis winaarmdeg evronsasamartloshi sachivars rom is ajildovebs saqartveloshi samxedro sheiararebul gadatrialebashi ert ert organizators da arafrad agdebs qartveli xalxis motxovnas

    Like

  5. manana said

    goga xaindrava aris erT-erTi mTavari narkobarini da kriminali.

    Like

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s