Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, სამცხე, ჯავახეთი, ტაო-კლარჯეთი იყო და მუდამ იქნება საქართველო!!!

Posts Tagged ‘პუტჩი’

მამულიშვილების ხსოვნას!

Posted by iberiana on იანვარი 30, 2020

1992

ყველას! ყველას! ყველას!

1992 წლის 2 თებერვალი – ყველაზე ტრაგიკული დღეა საქართველოს ისტორიაში!

ამ დღეს ანტიეროვნულმა ძალებმა ქართველების ხელითვე მოახდინეს უიარაღო ქართველების მასიური ხოცვა-ჟლეტა.

სამარადისო დიდება ამ დღეს მარადისობაში აღვლენილ მამულიშვილებს!

მოგიწოდებთ, ა. წ. 2 თებერვალს, 2 საათზე, ტრადიციულად, შევიკრიბოთ ამ აქციაზე პირველი მსხვერპლის დახვრეტის ადგილზე (ქ. თბილისში, ცირკის მოპირდაპირე მხარეს, თამარ მეფის ხიდის მიმართულებით არსებულ ავტობუსების გაჩერებასთან ახლოს).

ყვავილებით შევამკოთ და სანთელი ავუნთოთ

1991 წლის 22 დეკემბრის შემდგომ საქართველოს მთელ ტერიტორიაზე ძალადობას შეწირულ მამულიშვილთა ხსოვნას!!!
ვისაც გარკვეული მიზეზით არ შეუძლია ამ ღონისძიებაზე მოსვლა, გთხოვთ, სადაც იმყოფებით იქ აუნთოთ თითო სანთელი და ილოცოთ მარადისობაში აღვლენილი მამულიშვილების სულებისთვის!!!

საქართველოს რესპუბლიკის ეროვნული გვარდიის
ვეტერანთა კავშირის პრესცენტრი

Posted in 1992, 2020, ეროვნული გვარდია, საქართველო-Georgia | Tagged: , , , | Leave a Comment »

სახელმწიფო გადატრიალება თუ სამოქალაქო ომი?

Posted by iberiana on იანვარი 24, 2020

B. Dadeshkeliani

სახელმწიფო გადატრიალება თუ სამოქალაქო ომი?

რომელი სამოქალაქო ომი? ჩაიხედეთ პოლიტიკურ ლექსიკონში და გაარკვიეთ სამოქალაქო ომის ცნების შინაარსი.

1921 წლის 25 თებერვალი  = 1992 წლის 22 დეკემბერს,

ორჯონიკიძე = შევარდნაძეს

1992 წელს არავითარი სამოქალაქო ომი არ ყოფილა!

ამიერკავკასიის სამხედრო ოლქის ჯარების სარდლის მოვალეობის შემსრულებელი სუფიან ბეპაევი წერს: “1991წ .24 და 28 დეკემბერს, როცა შეიარაღებული ოპოზიცია კრიტიკულ მდგომარეობაში აღმოჩნდა, სამხედრო ოლქი ცოცხალი ძალითა და ტექნიკით დაეხმარა სამხედრო გადატრიალების ორგანიზატორებს” (“მოსკოვსკიე ნოვოსტი”, 15.12.1992) რუსული გაზეთმა “იზვესტიამ” დაბეჭდა, რომ თბილისში გადატრიალებაში მონაწილეობდნენ პეჩორისა და როსტოვის სპეცდანიშნულების ქვეგანაყოფები…

1993 წ. ოქტომბერში დასავლეთ საქართველოში შავი ზღვის სამხედრო ფლოტის თითქმის სრული შემადგენლობა ადმირალ ედუარდ ბალტინის მეთაურობით შემოდის. მასში შედის 10 კრეისერი, საჰაერო სადესანტო პოლკი, ძერჟინსკის დივიზია (1989წ. 9 აპრილს მიტინგის დამრბევი, აფხაზეთის ოკუპაციაში მთავარი ძალები).

რუსეთის მთავრობის ვიცე-პრმიერმა ბურბულისმა განაცხადა, რომ საქართველოში სამხედრო გადატრიალების კოორდინატორი თვითონ იყო.

დუმის დეპუტატმა კოვალიოვმა აღიარა, რომ 65 მილიონი დოლარი დაუჯდათ რუსებს ეს გადატრიალება(?!)

ასე, რომ საქართველოში განხორციელდა უცხო ქვეყნის – რუსეთის მიერ სამხედრო გადატრიალება ადგილობრივი კრიმინალების დახმარებით!

შევარდნაძის მოთხოვნით განჯიდან გუდაუთაში გადაიყვანეს 345-ე სადესანტო პოლკი, რომელმაც აიღო სოხუმი, ასევე ბალტინის საზღვაო ძალებმაც დიდი როლი ითამაშეს აფხაზეთის ომში, რომელიც შემდეგ მან სამეგრელოს ოკუპაციაში გამოიყენა..

გამოდის, რომ შევარდნაძემ რუსეთის ჯარებთან ერთად მოახდინა სამეგრელოსა და ა.აფხაზეთის ოკუპაცი.. იგივე გააკეთა მანამდე სამაჩაბლოში, როცა “მშვიდობისმყოფელთა” მანტიით შეფუთა რუსი, ჩრდილო და სამხრეთ ოსური ოკუპანტები და ქართლის გული გადაულოცა რუსებს!!!

ბიმურზა დადეშქელიანი

22 დეკემბერი 2915

Posted in 1992, პუტინი, საქართველო-Georgia, სახელმწიფო გადატრიალება | Tagged: , , , , , | Leave a Comment »

„ვისაც სიგუას ჭირისუფლობისკენ უწევს გული, ჯერ ამ ფილმს უყუროს“

Posted by iberiana on იანვარი 22, 2020

 

1992

გიორგი კალანდია – „ვისაც სიგუას ჭირისუფლობისკენ უწევს გული, ჯერ ამ ფილმს უყუროს“

საქართველოს ხელოვნების მუზეუმის დირექტორი გიორგი კალანდია თენგიზ სიგუას გარდაცვალებას facebook-ით ეხმაურება და აქვეყნებს დოკუმენტურ ფილმს „დახვრეტილი საქართველო“.

 

Posted in 2020, ეროვნული მთავრობა, ზვიად გამსახურდია, საქართველო-Georgia, სახელმწიფო გადატრიალება | Tagged: , , , , , | Leave a Comment »

ანა მიქაუტაძე – 1992 წლის საპროტესტო აქციები

Posted by iberiana on იანვარი 22, 2020

annaანა მიქაუტაძე – 1992 წლის საპროტესტო აქციები

28 წელი გავიდა კრიმინალური გადატრიალებიდან. წლების განმავლობაში ტაბუ ედო ამ თემას და ძალაუნებურად დავიწყებასაც მიეცა თითქოს ის ტკივილი და განცდები. მაგრამ რამდენიმე თარიღი იმდენად ტრაგიკულია, რომ ღრმა კვალი დატოვა ჩვენს მეხსიერებაში.

წლებია, ამაოდ ვითხოვთ პროკურატურისგან, რომ გამოიძიონ 1991 -1992 წლების კრიმინალური გადატრიალება და მის შემდგომ საქართველოში გამეფებული ყაჩაღობისა და მკვლელობების ფაქტები. მაგრამ, როგორც ჩანს, ჯერ ამისთვის პოლიტიკური ნება არაა.

პუტჩის ორგანიზატორები ვარაუდობდნენ, რომ მოსახლეობა მალევე შეეგუებოდა ხელისუფლების სათავეში მოსულ ახალ ძალას, მაგრამ ასე არ მოხდა. 22 დეკემბრის შოკიდან გამოსულმა ადამიანებმა სპონტანურად დაიწყეს ქუჩაში გამოსვლები და მშვიდობიანი საპროტესტო აქციებით კანონიერი ხელისუფლების მხარდაჭერის გამოხატვა.

რამდენიმე პატარა მიტინგს მოჰყვა პირველი ხალხმრავალი აქცია დიდუბის მეტროსთან 1992 წლის 3 იანვარს, რომელიც ავაზაკებმა ცეცხლსასროლი იარაღის გამოყენებით სასტიკად დაარბიეს. ამ დღეს დაიღუპნენ გივიკო რეხვიაშვილი, ლევან თაქთაქიშვილი, გიზო ხატიაშვილი, კახა არსენაძე, გელა ხუციშვილი, ტრისტან ფერაძე და გურამ დოლიძე.

მიუხედავად მსხვერპლისა, საპროტესტო აქციები არ წყდებოდა.

1992 წლის იანვარში მოსახლეობა ყოველდღე 12 საათიდან ვაგზლის მოედანზე იკრიბებოდა, საინფორმაციო მიტინგის შემდეგ მსვლელობა იმართებოდა ხოლმე. ხშირად მიტინგს თავს ესხმებოდნენ შეიარაღებული ავაზაკები და სროლით ხალხს ფანტავდნენ, მაგრამ მეორე დღეს საპროტესტო აქციაზე უფრო მეტი ადამიანი მოდიოდა. პერიოდულად დროშებითა და პლაკატებით ხელში მანიფესტაციაც იმართებოდა,. საზოგადოებრივი ტელევიზია კი უკვე სრულად იყო მოქცეული პუტჩისტური ხელისუფლების გავლენის ქვეშ და თბილისში არსებულ ვითარებას დამახინჯებულად ავრცელებდა.

სისხლიანი ქრისტეშობა დაუდგა იმ წელს საქართველოს. 7 იანვარს მსვლელობა მოეწყო ვაგზლის მოედნიდან და რადგან რუსთაველისკენ გზა შეიარღებულებს ჰქონდათ გადაკეტილი, მანიფესტანტებმა გეზი ვაჟა-ფშაველას გამზირისკენ აიღეს. აქციის მონაწილეები იხსენებდნენ, რომ გზადაგზა ჩასაფრებული შეიარაღებული პირები ე.წ. მოლოტოვის კოქტეილებსაც ესროდნენ, მაგრამ ხალხი არ ეპუებოდა, პირიქით მათ მსვლელობისას თანამოაზრეები ემატებოდნენ და ასე მივიდნენ დელისის მეტრომდე. აქ კი პირდაპირ ნადირობა დაიწყო უიარაღო ადამიანებზე, არ ინდობდნენ არც უცხოელ ჟურნალისტებს, რომელთაც გადაღებული კადრების გასანადგურებლად მისდევდნენ. დაჭრილები რესპუბლიკურ საავადმყოფოში გადაიყვანეს. პუტჩისტებისგან დაშინებული ექიმები დროულად ვერ ბედავდნენ დაჭრილებისათვის სათანადო დახმარების აღმოჩენას. ამის გამო კი მხატვარი ბაადურ მჭედლიშვილი მიყენებული ჭრილობებისგან გარდაიცვალა.

საპროტესტო მსვლელობები კვლავაც გრძელდებოდა და ის უფროდაუფრო მასიურ ხასიათს იღებდა, 1 თებერვალს ვაგზლის მოედნიდან დაძრულმა კოლონამ შეძახილებით გაიარა თამარ მეფის გამზირი, რუსთაველის პროსპექტი და სახელმწიფო კანცელარიასთან დაასრულა მსვლელობა.

მოსახლეობის გააქტიურებამ საგონებელში ჩააგდო პუტჩის ხელმძღვანელობა და მათ გადაწყვიტეს, ე.წ. წესრიგი დაემყარებინათ და ხალხი ჭკუაზე მოეყვანათ.

2 თებერვალს ჩვეულებისამებრ შევიკრიბეთ ვაგზლის მოედანზე, რამდენიმე გამომსვლელს მოვუსმინეთ და ტრანსფარანტებითა და დროშებით ხელში თამარ მეფის გამზირისკენ დავიძარით. აქციაზე თბილისელების გარდა, საქართველოს სხვა ქალაქებიდანაც იყვნენ ჩამოსულები. მსვლელობას თვალყურს ადევნებდა რამდენიმე ჟურნალისტიც, ძირითადად უცხოელები.

https://iberiana2.wordpress.com/segm/1992-2/

 

Posted in 1992, საქართველო-Georgia | Tagged: , , | Leave a Comment »

“თქვენ გასაგონად ბიჭებო”

Posted by iberiana on იანვარი 16, 2020

dumbadze2

თამაზ დუმბაძე – “თქვენ გასაგონად ბიჭებო”

თამაზ დუმბაძე (1936-2016) – გენერალ-ლეიტენანტი, საქართველოს ეროვნული გვარდიის ერთ-ერთი შემქმნელი, საქართველოს შეიარაღებული ძალების მთავარსარდლის მოადგილე, თავდაცვის მინისტრის მოადგილე (1992-1998), თავდაცვის მინისტრის განსაკუთრებულ დავალებათა ჯგუფის უფროსი, ვახტანგ გორგასლის ორდენის სრული კავალერი.

1999 წელს თბილისში გამოიცა გენერალ-მაიორ თამაზ დუმბაძის წიგნი “თქვენ გასაგონად ბიჭებო”

რამდენიმე ამონარიდი წიგნიდან:

“ერთ დღეს ზურაბ ნაირაშვილმა განზე გამიხმო: საინტერესო ჩანაფიქრი და გეგმა მაქვს, მინდა წამომყვე, რომ ყველაფერი თვალნათლივ გაჩვენო და ზოგი რამ აგიხსნაო. მანქანებში ჩავსხედით და ვაკის მიდამოებში ავედით. ავტომობილით ცოტათი გავუყევით ვერის უბნის მხარეს. გავჩერდით ქუჩაში, სადაც გზა გამსახურდიას “კოლხური კოშკისკენ” მიდის. ნაირაშვილს ზედმიწევნით ჰქონდა შესწავლილი ზვიად გამსახურდიას ყოველდღიური მარშრუტი. ზუსტად, თითქმის წამების გათვლით ჰქონდა დადგენილი დრო. საკმაოდ დაწვრილებით ჰქონდა შედგენილი სქემაც. იგი ქუჩის განაპირას, მიწისქვეშა კომუნიკაციების ჭასთან მივიდა, სარქველი ახადა და მანიშნა, მომყევიო. ჩავედით ზვიადის სახლთან მდებარე ჭაში, საიდანაც ხელისგულივით ჩანდა ყველაფერი, ახლომახლო მოძრავი ტრანსპორტი, ცალკეული ადამიანები და საერთოდ, ბრწყინვალე ხედვის არე იყო. ჩვენ ვერავინ გვამჩნევდა, ისე უმნიშვნელოდ და მოფარებულად იყო ეს ჭა.

– წარმოიდგინე თამაზ, აქედან რომ ერთი რიგიანად გავუშვა, როგორ ავაფრენ იმ შენს პრეზიდენტს, თავისი სისულელეებით. ეს თქვა რუსულად, რადგან დიდხანს მსახურობდა საბჭოთა არმიაში და ამ ენაზე აზროვნებდა, სათქმელსაც ასე უფრო კარგად აყალიბებდა.”
“წამოვედით. ყოველ შემთხვევაში, ერთი კონკრეტული ვარიანტი უკვე იყო შემუშავებული, უკიდურესი შემთხვევისათვის.”
(გვერდი: 125-126)

“მოსკოვის გზაზე ჯგუფები და პიროვნებები ერთმანეთს ენაცვლებოდნენ. თენგიზ სიგუასა და თენგიზ კიტოვანს მე და კახა გველესიანი მივყვებოდით ხოლმე. ისინი ესაუბრებოდნენ და ეთათბირებოდნენ ხოლმე ედუარდ შევარდნაძეს.
(გვერდი: 129)

“სამი ქვეითთა საბრძოლო მანქანით (საბრძოლო ჯავშნიანი მანქანა БМП-1 აღჭურვილია გლუვლულიანი 73 მილიმეტრიანი კალიბრის ქვემეხით 2А28″Гром”, 7,62 მილიმეტრიანი კალიბრის კალაშნიკოვის სატანკო ტყვიამფრქვევითა და ტანკსაწინააღმდეგო მართვადი რაკეტით 9М14М”Малютка”. (ეს სამი БМП-1 მათ მიიღეს წითელდროშოვანი ამიერკავკასიის სამხედრო ოლქის 171-ე გვარდიული საოლქო სასწავლო ცენტრიდან). შევარდით მთავრობის სახლის ეზოში და პანიკა დავთესეთ, მანქანებში იყვნენ პაატა დათუაშვილი, მამუკა ჯაჯანიძე და გია გულუა.”

“სასწრაფოდ ჩამოვიდნენ გია ყარყარაშვილი და დევი ჭანკოტაძე. ბრძოლის ხელმძღვანელობა გიას დაევალა. დევიმ ზარბაზანი (100 მილიმეტრიანი კალიბრის საზენიტო ქვემეხი КС-19, შეიარაღებაში ჰქონდა საქართველოს რესპუბლიკის შინაგანი ჯარები-ეროვნულ გვარდიას) სასტუმროს (“თბილისი”) წინ დადგა ჯორჯიაშვილის ქუჩაზე.”
(გვერდი: 133)

“მაშინ ძალიან ბევრს ვშრომობდით, ჯემალ ჭუმბურიძე, მე, გია ყარყარაშვილი, მამუკა ჯაჯანიძე, აკია ბარბაქაძე, პაატა დათუაშვილი, დევი ჭანკოტაძე, გელა გიორგაძე, გია გულუა.

“ერთხანს გაკვირვება გამოიწვია იმან, რომ გია უჩავა, თავგამოდებული გვარდიელი, ზვიად გამსახურდიას ბანაკში გადაბარგდა.”

“მაშინ არავინ იცოდა და არც უნდა სცოდნოდა, რომ ის ჩემი სპეციალური დავალებით წავიდა. ასე ვთქვათ, თავისებური მზვერავი იყო. შეძლებისამებრ მაწვდიდა ინფორმაციას ზვიადის ბანაკში არსებული მდგომარეობის შესახებ.”
(გვერდი: 134)

“ტყვია-წამლით უხვად გვამარაგებდნენ რუსეთის ჯარის წარმომადგენლები (წითელდროშოვანი ამიერკავკასიის სამხედრო ოლქი, სარდალი, გენერალ-პოლკოვნიკი ვალერი პატრიკეევი)”
(გვერდი: 135)

“ახალი წლის ღამე თენგიზ კიტოვანმა და თენგიზ სიგუამ ამიერკავკასიი სამხედრო ოლქის დაჯგუფებაში (წითელდროშოვანი ამიერკავკასიის სამხედრო ოლქი, სარდლის მოადგილე, გენერალ-ლეიტენანტი სუფიან ბეპაევი) გაატარეს…
ორი-სამი დღე დარჩნენ.”
(გვერდი: 150)

“გენერალ-ლეიტენანტი ლევან შარაშენიძე ძირითადი მეკავშირის როლს ასრულებდა რუსებთან (წითელდროშოვანი ამიერკავკასიის სამხედრო ოლქის დაზვერვის უფროსი, გენერალ-მაიორი ვიქტორ ივანენკოვი) ურთიერთობისას, განსაკუთრებით იარაღის მოწოდების დროს.”
(გვერდი: 152)

დავით თევზაძე... მეორე დღისთვის დავიბარე (თბილისის ზღვაზე გასვლის შემდეგ). მივეცი იარაღი და მან ჩამოაყალიბა შეიარაღებული რაზმი “გორდა“.

“თბილისის სისხლიანი მოვლენების დროს “გორდა” და მათი თანამებრძოლები სასტუმრო “ივერიაში” იდგნენ.”
(გვერდი: 195)

მასალა მოამზადა დავით არაბიძემ

Posted in 1991, ეროვნული მთავრობის მტრები, ზვიად გამსახურდია, საქართველო-Georgia, სახელმწიფო გადატრიალება | Tagged: , , , , | 1 Comment »

1992 წლის 6 იანვარი

Posted by iberiana on იანვარი 6, 2020

პრეზიდენიტის მომხრების მძევლად აყვანა

პარლამენტი, 6 იანვარი 1992 წელი

 

Posted in 1992, საქართველო-Georgia, სახელმწიფო გადატრიალება, უზენაესი საბჭო | Tagged: , , , , | Leave a Comment »

საპროტესტო მიტინგის დახვრეტა თბილისში, 1992 წლის 3 იანვარი

Posted by iberiana on იანვარი 3, 2020

საპროტესტო მიტინგის დახვრეტა თბილისში, 1992 წლის 3 იანვარი

1992 წლის -3 იანვარს ციხეებიდან საგანგებოდ გამოუშვეს სამი ათასზე მეტი მძიმე დანაშაულებისათვის გასამართლებული კრიმინალი, რომლებიც შეაიარაღეს და შეერწყენ „მხედრიონის ბანდებს – არაკაცების ამ მასსამ გარკვეულწილად (რუსის დახმარებასთან ერთად) გადაწყვიტა თბილისში შეიარაღებული დაპირისპირების ბედი ხუნტის სასარგებლოდ. ციხიდან საგანგებოდ განთავისუფლებული კრიმინალები ხუნტის მთავარი დასაყრდენი გახდა ….

წინა დღით, ციხიდან ახლადგამოშვებულმა ჯაბა იოსელიანმა, მხედრიონს უბრძანა მშვიდობიანი და უიარაღო მიტინგების დახვრეტა…

მშვიდობიანი მიტინგის დროს დიდუბეს მეტროსთან, პუტჩისტი ჯალათები ვერაგულად ესვრიან ტყვიას ხალხს…

იმ სისხლიან დღეს არაკაცებმა  მოკლეს 5 და დაჭრეს 29 კაცი.

Posted in 1992, საქართველო-Georgia | Tagged: , , , , | Leave a Comment »

პუტჩისტური ტელევიზიის სიუჟეტები. 1991-92

Posted by iberiana on დეკემბერი 29, 2019

პუტჩისტური ტელევიზიის მიერ მომზადებული სიუჟეტები 1991-92 წლების სახელმწიფო გადატრიალების, პუტჩის შესახებ

სიუჟეტში ნახავთ:

1991 წლის 21 დეკემბერის აქციებს;

თბილისის ზღვაზე დაბანაკებულ კიტოვანის “მებრძოლებს”;

მოღალატე ქუთათელაძეს;

სიგუას ულტიმატუმს და ა.შ.

Posted in 1991, საქართველო-Georgia | Tagged: , , , , , , | Leave a Comment »

ჯემალ იონათამიშვილი – პუტჩის დღეები

Posted by iberiana on დეკემბერი 22, 2019

ionatamishvili

ჯემალ იონათამიშვილი: ისევ წარსულის გახსენება – ისევ პუტჩის დღეები!..

რომელი ერთი გავიხსენო!.. პუტჩის ყოველ დღესა და საათს უბედურება, სისხლი, სიკვდილი, ნგრევა-განადგურება ახლდა და მისი სრული სიმართლით აღწერა და ,,დადება“ რომ ისევ ჩვენთვისა და ჩვენი ხვალინდელი დღისთვისაა აუცილებელი, ეს აქსიომაა და დასაბუთებას არ საჭიროებს.

ძალზე მნიშვნელოვანია იმათი მოგონებების გასაჯაროება, ვინც ამ დღეთა მთელი სიმძიმე საკუთარ თავზე იწვნია, თუმცა აქაც სიფრთხილე და ჯეროვანი დაკვირვებაა საჭირო, თორემ ზოგჯერ, ვინ იცის, რა მიზეზით, ისეთ სამწუხარო უზუსტობებსა აქვთ ადგილი, როცა მოწოდებულ ინფორმაციას სინამდვილეში ,,მოგონებებზე“ მეტად – ჩვენს პრეზიდენტს დავესესხები და ვიტყვი, სახელად ,,გამოგონებები“ უფრო მიესადაგება!.. თვითონ მინახავს ინტერნეტში გამოქვეყნებული ,,რამდენიმეკაციანი“ ფოტოები და ამ ფოტოებისადმი განკუთვნილი თბილი კომენტარები! – ამ ადამიანებს პუტჩის დროს უზენაესი საბჭოს შენობიდან ფეხი არ მოუცვლიათო და ა.შ. (კი იცით, ლანძღვის გარდა, ქებაც როგორი ეხერხებათ მტრებსაც და მოყვრეებსაც!..)… ფოტოზე გამოსახულნი ქებას მადლობით(?) პასუხობენ და ამ დროს ვერც მე და ვერც ბევრ ჩემ მეგობარს მათგან ნაწილის ე. წ. ბუნკერში ყოფნა რატომღაც არ გვახსოვს!.. ამაზე ლაპარაკი თითქოს არ ღირს, მაგრამ რა ვქნა, რომ ზოგი ჩემი კოლეგის ასეთი ქცევის მიმართ მთლად გულგრილი ვერა ვარ!.. მათ ფონზე ერთი ჩვენი დეპუტატი მახსენდება – სროლების დაწყებისას იგი გარეთ იყო, მაგრამ უყოყმანოდ წამოვიდა (რუსთაველის მეტროს მხრიდან..), რათა ამ მძიმე დროს უზენაეს საბჭოს შენობაში, კოლეგებთან ერთად, თავის სამუშაო ადგილზე ყოფილიყო… ქუჩაში პუტჩისტებმა იცნეს, დაატყვევეს, შეიყვანეს ე.წ. იმელის შენობაში, დაღლამდე ურტყეს, ერთი, თუ ორი დღე ძალზე დამამცირებელ პირობებში ამყოფეს, შემდეგ გამოუშვეს და დაემუქრნენ – აქ აღარ გამოიარო, თორემ სულს ამოგხდითო!.. ამ ადამიანის ვინაობას არ ვასახელებ, მაგრამ მერწმუნეთ, ჭკუა-გონება, განათლება, აზროვნების უნარი და ე.წ. ცხოვრების ცოდნა სხვაზე ნაკლები არა აქვს, ვაჟკაცობაზეც არაფერს ვიტყვი, მხოლოდ გეტყვით, რომ ეს კაცი საფრთხეს მაინც არ მოერიდა და გამოშვებისთანავე, ისევ შეეცადა ჩვენამდე მოსვლას, რადგან ასეთ დროს მისთვის ყველაზე მთავარი პრეზიდენტისა და კოლეგების გვერდით ყოფნა იყო!.. და პუტჩისტებმა ისევ დაიჭირეს!.. ასეა – ,,კაციც“ არის და კაციც!..

სრულად: https://iberiana2.wordpress.com/segm/ionatamishvili/

 

Posted in 1991, 1992, საქართველო-Georgia, უზენაესი საბჭო | Tagged: , , | 1 Comment »

ქვეყნის დაქცევის დღე, 1991წ. 22 დეკემბერი

Posted by iberiana on დეკემბერი 19, 2019

22 დეკემბერს 15 საათზე პარლამენტის შენობასთან

მოვითხოვთ, დაისაჯონ დამნაშავეები!

შემოგვიერთდით!

28 წლის წინ საქართველოს მტრებმა ოკუპანტების დახმარებით დაამხეს დამოუკიდებელი საქართველოს კანონიერი მთავრობა, გაანადგურეს და გადაწვეს თბილისი, გაძარცვეს სამეგრელო, დახვრიტეს ათობით მშვიდობიანი მომიტინგე, დაააპატიმრეს და აწამეს ეროვნული მოძრაობის ასობით წევრი, ვერაგულად მოკლეს პრეზიდენტი ზვიად გამსახურდია.

არცერთ მომდევნო მთავრობას არ დაუსჯია დამნაშავეები, ბევრი მათგანი კვლავაც სახელმწიფო სტრუქტურებში არიან მოკალათებული. ხუნტის არცერთი მსხვერპლი და დაზარალებული არ არის აღდგენილი კანონიერ უფლებებში.

22 დეკემბერს 15:00 ვიკრიბებით თბილისში, რუსთაველის გამზირზე და მოვითხოვთ – დაისაჯონ მკვლელები!!!

Posted in 2019, საქართველო-Georgia | Tagged: , , , | Leave a Comment »

დახვრეტილი საქართველო

Posted by iberiana on სექტემბერი 9, 2019

გიორგი კალანდიას დოკუმენტური ფილმი

“დახვრეტილი საქართველო”

Posted in 2019, ვიდეო, სამხედრო გადატრიალება, საქართველო-Georgia | Tagged: , , , | Leave a Comment »

საქართველო იმიტომ დავტოვე, რომ სისხლისღვრა შემეჩერებინა

Posted by iberiana on მარტი 30, 2019

საქართველო იმიტომ დავტოვე, რომ სისხლისღვრა შემეჩერებინა – ზვიად გამსახურდიას დღემდე უცნობი ინტერვიუ

1992 წლის დასაწყისში მომხდარი სამხედრო გადატრიალების შემდეგ, საქართველოს პრეზიდენტი ზვიად გამსახურდია იძულებული გახდა სომხეთის გავლით ჩეჩნეთში, გროზნოში გადასულიყო, სადაც გენერალმა ჯოჰარ დუდაევმა თავშესაფარი მისცა. ზვიად გამსახურდიამ, ქვეყნიდან წასვლის შემდეგ, პირველი ინტერვიუ სომხეთის სახელმწიფო სააგენტოს „არმენპრესს“ მისცა.

– ბატონო ზვიად, უცხო ქვეყნების ხელისუფლებისადმი ბოლო მიმართვაში აღიარეთ, რომ არ აპირებთ გადადგომას. რა იმედებს უკავშირებთ ამ განცხადებას?

-ხალხის მიერ არჩეული პრეზიდენტი ადამიანთა, მათ შორის, საკმაოდ საეჭვო რეპუტაციის მქონე გარკვეული ჯგუფების სურვილის მიხედვით არ უნდა გადადგეს. მე მხოლოდ ამომრჩეველთა მოთხოვნის შემდეგ გადავდგები. არ ვაპირებ პოლიტიკური არენიდან წასვლას, თუნდაც ამას ჩემი ოპონენტები მოითხოვდნენ.

მაგრამ როგორ ახსნით თქვენივე ქვეყნიდან, თქვენს დევნილის მდგომარეობას?

– ეს ჩვეულებრივი შეთქმულების შედეგია. დიახ, მე დავტოვე საქართველო, მაგრამ არა იმიტომ, რომ წინააღმდეგობის გაწევა არ შემეძლო, არამედ იმიტომ, რომ სისხლისღვრა შემეჩერებინა.

-ეს უფრო ადრე რატომ არ გააკეთეთ, ბუნტის მეორე ან მესამე დღეს?

– ფიზიკურად არ შემეძლო. ჩემი რეზიდენცია ისე იყო ალყაშემორტყმული, რომ ბლოკადის გარღვევა ვერ მოვახერხეთ. მხოლოდ ორშაბათს, 6 იანვარს, შევძელით ამის გაკეთება.

სრულად: https://iberiana.wordpress.com/zviad-gamsakhurdia/interviu/

Posted in 1992, ეროვნული მთავრობა, ზვიად გამსახურდია | Tagged: , , , , | Leave a Comment »

ხვალ 6 იანვარია

Posted by iberiana on იანვარი 5, 2019

გურამ ლაკია – ხვალ 6 იანვარია!

guram lakia

ხვალ, დილის 4 საათზე შეიარაღებული კრიმინალური ბანდიტები მეტეხის ხიდთან ჩაგვცხრილავენ ავტობუსებში!

მე არაერთხელ მაქვს ვრცლად აღწერილი ხუნტის შეიარაღებული კრიმინალური ბანდების მიერ ჩადენილი ეს სისხლის-სამართლის დანაშაული, ვინაიდან თვითონ ვარ ამ დანაშაულის მსხვერპლი.

მე დღესაც ვატარებ მარჯვენა ფილტვში აკ-74 5,45მმ ავტომატის ტყვიას.
ასეთი ავტომატი ჰქონდა გოგა ხაინდრავას, რომელიც მას უფეშქაშეს ამიერკავკასიის რუსეთის შეიარაღებული ძალების საოლქო შტაბში, გრუ-ს დავალებების შესრულებისათვის.
მეტეხის ხიდთან მე სულ 5 ტყვია მომხვდა:
– ორი სახეში, რის შედეგადაც დავკარგე მხედველობა მარცხენა თვალში.
– ერთმა მარცხენა მკლავი სახსარში გადამიმტვრია, რომელსაც წელიწადნახევარი ვმკურნალობდი, ხუთი ქირურგიული ოპერაცია გადავიტანე, მიუხედავად ამისა მკლავი სახსარში მხოლოდ ნახევრად იმართება.
– ერთი აკ-74-ის 5.45 მმ ტყვია მარჯვენა ფილტვშია, რომელიც მარცხნიდან მომხვდა, ტყვიამ რამოდენიმე მმ-ით აუარა გულს და მარჯვენა ფილტვში დაიდო ბუდე.
– ერთმა ტყვიამ ტყავის ქურთუკი გახია.
გოგა ხაინდრავა გვიმტკიცებს, რომ ის მეტეხის ხიდთან სიბნელეს იღებდა!!!
გოგა ხაინდრავას არაკაცობამ ჯაბა იოსელიანიც გააკვირვა (იხ. “სამი განზომილება”).
დღევანდელ დე-ფაქტო ხელისუფლებას გოგა ხაინდრავა იდეოლოგის რანგში ჰყავს აყვანილი.
ამაზეა ნათქვამი – ძაღლი, ძაღლის ტყავს არ დახევსო!
დე-ფაქტო ხელისუფლებამ, რამდენიც არ უნდა წაისვას სახეზე ფერ-უმარული ის დღესაც რჩება ხუნტის მემკვიდრედ!
ღმერთი ფარავდეს საქართველოს!

2019 წლის 5 იანვარი

Posted in 1992, საქართველო-Georgia, სახელმწიფო გადატრიალება | Tagged: , , , | 1 Comment »

26 წლის წინ

Posted by iberiana on დეკემბერი 22, 2017

25396080_10210852074127007_8914483841119519526_n[1]
ზუსტად 26 წლის წინ თბილისში დამოუკიდებელი საქართველოს კანონიერ ხელისუფლებას ქვემეხები დაუშინეს

1. მიუხედავად იმისა, რომ დღემდე ცდილობენ გააყალბონ ისტორია სხვადასხვა ტერმინებით, როგორიცაა მაგ. „სამოქალაქო ომი“ ან „გამსახურდიას შეცდომებმა ერი შუაზე გაყო“, რეალურად ამბოხებას ქონდა ორი ძირითადი მიზეზი:

– საგარეო (გადამწყვეტი) ფაქტორი: გამსახურდიამ უარი თქვა ელცინის ულტიმატუმზე: 22 დეკემბერს ალმა-ატაში ხელი მოეწერა დსთ-ს დამფუძნებელ ხელშეკრულებაზე. რუსეთის მიერ მართულ პროცესს ჰქონდა სრული, უპირობო და ურცხვი მხარდაჭერა აშშ-სა და ევროპის მხრიდან;

– საშინაო ფაქტორი: გამსახურდია არ აღიარებდა წითელი ელიტის არცერთი პრივილეგირებულ ჯგუფის განსაკუთრებულ უფლებებს თანამდებობებზე, სახელმწიფო ქონებაზე, ბიუჯეტის ფლანგვაზე, „ვოლგებზე“, „პაეზდკებზე“, „დაჩებზე“ და ა.შ. ამ მიზეზით დაუპირისპირდნენ მას რაიკომის მდივნები, წითელი ინტელიგენცია და წითელი დირექტორები, კანონიერი ქურდები და მხედრიონი;

2. სამხედრო გადატრიალების შედეგი იყო არა მხოლოდ გამსახურდიას განდევნა, არამედ ქართული სახელმწიფოს თანმიმდევრული ნგრევა, რაც დღემდე გრძელდება, მ.შ:

– კანონიერების, სამართლიანობის, კონსტიტუციის უზენაესობის როგორც პრინციპის უგულებელყოფა;
– სახელმწიფო სტრუქტურები ხელში ჩაიგდო პრივილეგირებულმა ელიტამ, რომლებიც ინარჩუნებდენ და ინარჩუნებენ გავლენას შევარდნაძის, სააკაშვილის და ივანიშვილის რეჟიმის პირობებში;

– საქართველომ დაკარგა კონტროლი ჯერ ცხინვალის რეგიონში, შემდეგ – აფხაზეთზე;

– ათობით მილიარდის ღირებულების სახელმწიფო ქონება კაპიკებში (კუპონებში) ხელში ჩაიგდო რამოდენიმე ათეულმა ოჯახმა (როგორც ახლა იტყვიან წარმატებულმა ბიზნესმენებმა);

– 1990-91 წლების შემდეგ აღარ ჩატარებულა არჩევნები სადაც გადამწყვეტი არ იქნებოდა ფული და ადმინისტრაციული რესურსები;

– 1992-1995 წლებში ჩატარდა უმაგალითო მასშტაბის მხეცური რეპრესიები, მომიტინგეთა ადგილზე დახვრეტები თბილისში, მთლიანი სოფლების გადაწვა სამეგრელოში, ცოცხალი ადამიანისთვის ხელის მოკვეთა ხობში და ა.შ. (ამ ფაქტების დიდი ნაწილი ფართო საზოგადოებისთვის დღემდე უცნობია);

3. სამხედრო გადატრიალების თემა დღემდე ტაბუირებულია მმართველი ელიტის და ე.წ. „ცენტრალური“ არხების თუ „სამოქალაქო“ სექტორის მიერ;

არ ჩატარებულა სამხედრო გადატრიალების გამოძიება არც შევარდნაძის, არც სააკაშვილის და არც ივანიშვილის რეჟიმის პირობებში (ბოლო 2 მთავრობას/ პროკურატურას მივმართე პირადად, წერილობით, კანონით გათვალისწინებული ფორმალობების დაცვით, შესაბამისად 2007 და 2013 წლებში).

4. იმ პირობებში როდესაც ყველა მოროდიორი, რომელიც ესროდა თბილისს და სამეგრელოს ატარებს „ვეტერანის“ საპატიო მოწმობას, დღემდე არ არის აღიარებული ფიცის ერთგული გვარდიელების სტატუსი: არ არსებობს თბილისის და სამეგრელოს დაცვისას ბრძოლაში დაღუპულთა არცერთი მემორიალი (სოციალურ გარანტიებზე საუბარიც ზედმეტია);

5. მიმაჩნია, რომ როგორც 1921 წლის 25 თებერვლის შეფასების გარეშე შეუძლებელი იქნებოდა 1991 წლის 9 აპრილს დამოუკიდებლობის გამოცხადება, ასევე შეუძლებელია 1991 წლის 22 დეკემბრის სწორი შეფასების გარეშე თანამედროვე, დამოუკიდებელი, ეროვნული სახელმწიფოს ჩამოყალიბება.

კახა კუკავა

22.12.2017

Posted in 1991, პოლიტიკა, სამხედრო გადატრიალება | Tagged: , | Leave a Comment »

კონსტანტინე გამსახურდია: ამბობენ, პრეზიდენტს “პუტჩისტები” უნდა დაედუღებინაო, რა ადვილია, არა?!

Posted by iberiana on სექტემბერი 8, 2017

k. gamsakhurdiaკონსტანტინე გამსახურდია: ამბობენ, პრეზიდენტს “პუტჩისტები” უნდა დაედუღებინაო, რა ადვილია, არა?!

კიდევ ერთხელ უახლეს ისტორიაზე, იმიტომ, რომ მავანს ვერ შევაგნებინე, მავანს კი საერთოდ არ სურს გაიგოს საქმის ნამდვილი ვითარება. წერენ და ამბობენ: “პრეზიდენტი ვარდების სროლაზე ლაპარაკობდა, ჰუმანისტობდა და არ ალაგმა “პუტჩისტები”. უნდა დაედუღებინა, გაენადგურებინა, ამისთვის სრული ავტორიზება ქონდა. მოკლედ იგი პირდაპირ აგებს პასუხს.” გულშემატკივრისაგან განსხვავებით მოწინააღმდეგე ნიშნისმოგებით და ირონიით დაგვჩხავის ამ შინაარსის ტექსტს.

რა ადვილია, არა?

1. უზენაესი საბჭოს დეპუტატი, ბიმურზა აფრასიძე-დადეშქელიანი ადასტურებს, რომ 1991 წლის 21 დეკემბრის ღამეს პრეზიდენტმა ზვიად გამსახურდიამ საპარლამენტო დელეგაცია ბიმურზა აფრასიძე-დადეშქელიანის, ალექსანდრე ქობულაშვილის და აკაკი გასვიანის შემადგენლობით გაგზავნა მანქანების ბარიერის მეორე მხარეს სიგუასთან მოლაპარაკებაზე, მოახლოებული სისხლისზღვის შესაჩერებლად. ოპოზიციის ყველა მთავარ მოთხოვნაზე უნდა დათანხმებულიყვნენ (ახალი საპარლამენტო არჩევნების დანიშვნა, კოალიციური მთავრობის შექმნა და ა.შ.) სიგუამ ისინი ალოდინა საათები, ბოლოს დაღლილობა მოიმიზეზა და არ შეხვდა.

2. საქართველოს უბრალოდ არ ყავდა ორგანიზებული შეიარაღებული ძალა, რომელიც პუტჩისტებს ალაგმავდა. სსრკ-ს პირობებში, თუნდაც გორბაჩოვის დროს ამ ამოცანის გადაჭრა, ანუ რეალური არმიის შექმნა უმძიმესი იყო. არადა ეროვნულ ხელისუფლებას არმიის ნამდვილი მშენებლობისთვის ხელები ახლაღა ეხსნებოდა. მოხალისე ახალგაზრდები ბევრნი მოვიდნენ მთავრობის სასახლეში 22 დეკემბერს, როგორც კი დაიწყო სროლა, მოგვეცით იარაღიო. სამწუხაროდ, არც იარაღი იყო. მეორე მხარე კი რუსული იარაღით და ინტრუქტორებით იყო მომარაგებული. მათვე ეხმარებოდათ სპეცნაზი “ღამურა”. ააფეთქებდნენ ჩვენები “ბეტეერს” და მის სანაცვლოდ 2-3 ახალი ბეტეერი და ტანკი ჩნდებოდა. პრაქტიკულად ყველა სამხედრო ხელმძღვანელი გაეთიშა ბრძოლას:

– გვარდიის მთავარი სამმართველოს უფროსმა, ლოთი ქობალიამ ფეხში დავიჭერი, ვერ ვიომებო.
– შს მინისტრის პირველმა მოადგილემ, რომან გვენცაძემ დუნდულში დავიჭერი, ვერაფერს გავაწყობო.
– შს მინისტრმა დილარ ხაბულიანმა “დეზოდორი” შეისხა თვალებში და გაიშოტა, ჩემზე ქიმიური თავდასხმა განხორციელდაო; (ეს იგივე ხაბულიანია, ნაციონალურ მოძრაობაში რომ შევიდა მოგვიანებით.)
გია უჩავა, სამთავრობო შტაბის უფროსი პუტჩისტებს ყოველდღიურად ამარაგებდა ინფოებით.
ვანო ჭელიძემ, შინაგანი ჯარების სარდალმა დაშალა ჯარი და გაიქცა;
ბესო ქუთათელაძემ ტელეანძა გადასცა პუტჩისტებს და მათ მხარეზე გადავიდა.
ნოდარ გიორგაძე, ავღანელთა კავშირის ლიდერი თავიდან პრეზიდენტს შეხვდა, მერე კი საერთოდ გაერიდა ბრძოლას თავის შეიარაღებულ ჯგუფთან ერთად.
– პოლკოვნიკი თენგიზ ეპიტაშვილი პირდებოდა პრეზიდენტს, ჩემი ტანკებით ცხინვალის შემოგარენიდან დავიძრებიო, მაგრამ ეს ყველაფერი დაპირებად დარჩა. სულ რაღაც ორიოდე თვეში კი ეპიტაშვილი კადრებზე ჩანს, შევარდნაძეს რომ ხვდება თბილისის აეროპორტში.
– დარჩა თავდაცვის მინისტრი ჯონი ფირცხალაიშვილი, რომლის მთელი ამოცანა შემცირდა უზენაესის ეზოში მეგაფონით სიარულზე, რათა გაეფრთხილებინა იქ მყოფნი, ერთ ადგილას ნუ შეჯგუფდებითო. აი ესაა იმდროინდელი მოვლენების უმძიმესი სურათი. მაშ ვინღა ალაგმავდა გადამტრიალებლებს?

3. თავდაცვის სამინისტროს მოსკოვის პუტჩამდე არავინ არ ჩამოგაყალიბებინებდა, ეგრევე დაგვარტყამდნენ. ის კი არა, პუტჩის დროს პრეზიდენტს მტკიცება მოუწია გეკაჩეპე-ს წარმომადგენელთან, რომ ეს გვარდია კი არის, შინაგანი ჯარია. საუბარია იმ ჩანასახოვან ნაწილზე, რომელიც კიტოვანმა რკონში წაიყვანა. გენერალი შურავლიოვი კი დაბომბვით იმუქრებოდა. როგორც კი იტყოდი აგვისტომდე, რომ გვყავს არმია და სამინისტრო, ცენტრი ომს დაიწყებდა. და გინდაც 1991 წლის აპრილში გეთქვა, რომ გყავს არმია – იგივენაირად დაგარტყამდნენ. ან ვინმეს გონია, რომ ლანდსბერგისს ყავდა არმია მაგ დროს? მაშინ რა საჭირო იყო ხალხის მორიგეობა მთავრობის სასახლესთან ვილნიუსში?

ხელისუფლებამ ისევე დააფიქსირა პუტჩი, როგორც პირველი დამოუკიდებელი რესპუბლიკის ხელმძღანელობამ ოკუპაცია. არის ეს მსგავსება მათ შორის.

ამიტომაც არ მიიღება ეგ საყვედური თუ ბრალდება.

8.09.2017

Posted in 1991, 2017 | Tagged: , , | Leave a Comment »

“ოცნებების სასაკლაო”

Posted by iberiana on ოქტომბერი 7, 2016

“ოცნებების სასაკლაო” – მეტეხის ხიდზე მომხდარი დანაშაულის მოწმეები დუმილს არღვევენ

სოციალურ ქსელში გავრცელდა ეკა წამალაშვილის ჟურნალისტური კვლევა-ფილმი “ოცნებების სასაკლაო”, რომელიც 1992 წლის 6 იანვარს მომხდარი ერთი ტრაგიკული ეპიზოდის შესახებ გვიყვება. ამ კონკრეტულ ამბავს 14 ადამიანის სიცოცხლე შეეწირა.

“1992 წლის იანვარში, თბილისში, კრიმინალები დემოკრატიულად არჩეულ ხელისუფლებას ამხობდნენ. 6 იანვარს, გამთენიისას, პრეზიდენტმა გამსახურდიამ პარლამენტის ალყაშემორტმული შენობის დატოვება გადაწყვიტა. იმ ტრაგიკულ დილას პრეზიდენტს და მის კოლონას რამდენიმე ადგილას გაუხსნეს ცეცხლი. უმძიმესი იყო პრეზიდენტის კოლონაში შემავალი ავტობუსის დაცხრილვის ფაქტი მეტეხის ხიდზე. იქ მოკლულების შესახებ ცნობები დამალეს. ადამიანთა მცირე ჯგუფი თბილისის საავადმყოფოებსა და მორგებში ცდილობდა დაჭრილებისა და მოკლულების მიგნებას” – მოგვითხორობს ეკა წამალაშვილი ფილმში.

როგორც ეკა წამალაშვილმა INFONET-ს უთხრა, სწორედ იმ ტრაგიკულ დილას გადაუმოწმებელი ინფორმაციით, 1992 წლის 6 იანვარს მეტეხის ხიდზე მოკლულებში იყვნენ: 36 წლის თამაზ კაკულია, 43 წლის კოტე კურდღელია, 25 წლის ემზარ ლომთაძე, 32 წლის სერგი ინასარიძე, 40 წლის ნოდარ პაპიაშვილი, გელა გელაშვილი, ვახტანგ თორდია, ვალიკო ყავლაშვილი და კიდევ 4 უცნობი პირი.

გავიდა ლამის 25 წელი, ეკა წამალაშვილს ფილმში „ოცნებების სასაკლაო“ მეტეხის ხიდზე დახვრეტილი ავტობუსის მძღოლი, მისი მგზავრები და პრეზიდენტის კოლონის გამცილებელი – საჯაროდ პირველად ყვებიან ყველაფერს..

თუ გაინტერესებთ ვინ ესროლა ავტობუსს, რომლითაც დეპუტატები და ზვიად გამსახურდიას სხვა მომხრეები თბილისს ტოვებდნენ, უყურეთ ამ ძალიან საინტერესო ფილმს, რომლის წარდგენასაც ავტორის განმარტებით დავასრულებთ:

„ამ ფილმით მე მინდოდა ჩემი წილი ბოდიში მეთქვა 1992 წლის 6 იანვარს მეტეხის ხიდზე დახვრეტილი ავტობუსის სოხუმელი მძღოლისთვის იური გაგუასთვის, 24 ნატყვიარს რომ ატარებს, ერთი ფილტვით რომ დარჩა და არც ერთი ხელისუფლებისგან დახმარება არ მიუღია! უზენაესი საბჭოს დეპუტატებისთვის, ასევე სოხუმელებისთვის : რეზო კემულარიასთვის და ვლადიმერ მირცხულავასთვის, მათთან ერთად ნემო ბურჭულაძისთვის და სხვებისთვის… იქ მოკლულ თამაზ კაკულიასთვის (ისიც სოხუმიდან იყო), სერგი ინასარიძისთვის და სხვებისთვის. იქ დაჭრილებისთვის, იმ დახვრეტილი ავტობუსის გამცილებლისა და დამცველისთვის, პრეზიდენტ გამსახურდიას კომენდანტ გოჩა ბახიასთვის (ასევე სოხუმიდან) და კიდევ ბევრისთვის…

ბოდიში, რომ არ მოვიკითხეთ და დავივიწყეთ დიდი დანაშაული, რომლის მსხვერპლიც ყველა ვართ. პირველ რიგში და განსაკუთრებით კი თქვენ.

ბოდიში, რომ ჩვენ ვუშვებთ ამის ჩამდენებმა “ღირსებაზე” და “სამართლიანობაზე” გველაპარაკონ და “ჰეროკრატია” გვიჩვენონ.“

http://infonet.ge/?lang=geo&read=2105

Posted in 1992, 2016, ეროვნული მთავრობა, სამხედრო გადატრიალება | Tagged: , | Leave a Comment »

გია ჟორჟოლიანის “ღირსების საქმე”

Posted by iberiana on მაისი 14, 2016

გია ჟორჟოლიანიგია ჟორჟოლიანის “ღირსების საქმე” და “სულის ამბოხი” 1991-92-ში

გია ჟორჟოლიანი – საქართველოს პარლამენტის წევრი (კოალიცია ქართული ოცნება)

იყო საქართველოს პარლამენტის წევრი 1992-95 წლებში.იყო „საქართველოს მოქალაქეთა კავშირის“ ერთ-ერთი ორგანიზატორი და ლიდერი.  ასევე იყო  პოლიტიკური გაერთიანება „მრეწველობა გადაარჩენს საქართველოს“ დაფუძნების ინიციატორი. 2012 წელს დააფუძნა პოლიტიკური ორგანიზაცია „სოციალ-დემოკრატები საქართველოს განვითარებისთვის“

გია ჟორჟოლიანი პოლიტიკური აქტივობით 90-იანი წლებიდან გამოირჩეოდა. მაშინ ის  „ქართველი ინტელიგენციის“ იმ ნაწილს წარმოადგენდა, რომელმაც 1991-92 წლებში  ზვიად გამსახურდიას ხელისუფლების შეიარაღებული გზით დამხობა „ღირსების საქმედ“ მონათლა, გამსახურდიას ხელისუფლების დასამხობად ძმათამკვლელი ომი „ქართული სულის ამბოხად“ – ღირსების და ქართული ეთიკის  გადასარჩენად.

1992 წელს გაზეთში“დრონი“ გია ჟორჟოლიანმა გამოაქვეყნა  სტატია სათაურით „რამ დაამარცხა გამსახურდიას რეჟიმი?“  ამ სტატიაში  საქართველოს დღევანდელი  საპარლამენტო უმრავლესობის წევრი  ამართლებს საქართველოს კანონიერი ხელისუფლების დამხობას სხვადასხვა მიზეზებით…

სრულად: https://iberiana2.wordpress.com/georgia/g_zhorzholiani/

Posted in ოპოზიცია, პოლიტიკა, საქართველო-Georgia, სახელმწიფო გადატრიალება | Tagged: , | Leave a Comment »

შადიმანებო, კაენის ცოდვა არ მოგასვენებთ!

Posted by iberiana on იანვარი 26, 2016

majlajunebi

შადიმანებო, კაენის ცოდვა არ მოგასვენებთ!

ჯაბა იოსელიანი: ”სამი განზომილება” გვ.360 – ”ზვიად გამსახურდიასთან ბრძოლისთვის შექმნილ “საგანგებო კომიტეტის” შემადგენლობისთვის რასაკვირველია გამოვრიცხე საბჭოთა ნომენკლატურული მოდელი. წევრებად შევიყვანე: გია ჭანტურია, გოგა ხაინდრავა, გია ჟორჟოლიანი, მთავრობის სახლთან დახეიბრებული ინტელექტუალი, ყოფილი გვარდეილი კახა გველესიანი, დავით მაღრაძე, ძალოვანი სტრუქტურის მინისტრები: გია ყარყარაშვილი, ავთნდილ იოსელიანი, ირაკლი ბათიაშვილი, შევარდნაძის აპარატის ხელმძღვანელი ვაჟა ლორთქიფანიძე. თბილისში გამოვაცხადეთ კომენდანტის საათი. კომენდანტად დავნიშნე ზაზა ჩაჩუა……
– მიხარია, რომ ბიჭები აქტიურობენ. გია ჭანტურია კისრულობს ედპ–ს 200 კაციანი რაზმის შეკრება და დასავლეთ საქართველოში გაგზავნას, ოღონდ იარაღს თხოულობს გია ჭანტურია კითხავს ზვიადისტებს, არის ფეხებში სროლა და დაჭრებიც…
– ინტელიგენციაში ფულს აგროვებს იარაღისა და სხვა დანიშნულებისათვის დავით მაღრაძე.
– სამაჩაბლოს გმირებს –მინდიაშვილებს თბილისში რესტორან “ქალაქურში” დამაძინებელს უყრიან ჭიქაში და შემდეგ მათ ცხინვალთან ოსები ხეზე მიბმულებს წვავენ… გოგა ხაინდრავა მიდის, უღებს სურათებს, (ოსებმა როგორ მიუშვეს?!) აგზავნის საზღვარგარეთ თითქოს ქართველებმა ოსები ცოცხლად დაწვეს… შემდეგ გია ჭანტურია, ბუკოვსკი, აირიკიანი, სარიშვილი ,გუდავები.….. პრაღის დისიდენტთა კონფერენციაზე მოსკოვის კგბს, შევარდნაძის დავალებით რეზოლუციაში აწერინებენ: “ქართველები გენოციდს უწყობენ ოსებს, ავიწროებენ ეროვნულ უმცირესობებს”.
– სამაჩაბლოს გმირს- გოგია გაბროშვილს (მასზე ოსებს 6კგ. ოქრო და 1 მლ.რუბლი ჰქონდათ გამოყოფილი!) ხაინდრავას “დევიატკა” მეტეხთან ხვრეტს (ჯაბა იოსელიანი -“სამი განზომილება” გვ.361).

და სახელმწიფო დამნაშავეს, ქართველთა მკვლელს- ტ.კულუმბეგოვს ციხიდან ათავისუფლებენ პუტჩისტები! ცოდვა არ მოგასვენებთ!

წმ. ილია მართალის მკვლელი- ორჯონიკიძე-მახარაძე-ბერბიჭაშვილი..

პრეზიდენტ ზვიადი გამსახურდიას მკვლელი- შევარდნაძე-ელცინი-“ალფა”..

გოგია-გოგიას მკვლელი-” ……? ”..

სიგმუნდ ვოლტეტერი

26 იანვარი, 2016

***

***

***

xaindrava.jpg

“გოგა ხაინდრავა პირადად იყო ჩართული მოსახლეობის ძარცვასა და ნაძარცვის აფხაზეთიდან გაზიდვაში” – ოფიცერი მზადაა სასამართლოში დაამტკიცოს

დეკემბერი 30, 2019
უკრაინაში მებრძოლი ქართველი ოფიცერი, დავით მარტიაშვილი მზადაა სასამართლოში დაამტკიცოს, რომ აფხაზეთში მაღალ თანამდებობაზე ყოფნისას, ყოფილი სახელმწიფო მინისტრი გოგა ხაინდრავა პირადად იყო ჩართული მოსახლეობის ძარცვასა და ნაძარცვის აფხაზეთიდან გაზიდვაში…

დავით მარტიაშვილი: … აფხაზეთის ომის დროს გვარდიის მეშვიდე ბატალიონის მეთაურად ვმსახურობდი. დანამდვილებით ვიცი, რომ აფხაზეთში ნაყაჩაღარის 30% გოგა ხაინდრავასი იყო. საცოდაობაა, რომ საქართველოში დემოკრატია იმის სასწავლებელი გახდა, ვინც შეთავსებით ხან რეჟისორია, ხან მძარცველი, ხან სახელმწიფო მინისტრი. თუმცა, მე მზად ვარ ხაინდრავას მისი საქმიანობა შევახსენო 1992 წელს – აფხაზეთში, რაც ძალიან კარგად მახსოვს. ეს საქმიანობა მიმართული იყო სოხუმის ჩაბარებისკენ.

წყარო: gmtv.ge

Posted in 1992, სამხედრო გადატრიალება, საქართველო-Georgia | Tagged: , , , , | 2 Comments »

24 წლის წინ

Posted by iberiana on დეკემბერი 21, 2015

12359849_1031085340268159_7897036167347057839_n[1]

24 წლის წინ, დღევანდელ დღეს, 1991 წლის 21 დეკემბერს რუსთაველზე, მთავრობის სახლის წინ სასიკვდილოდ გამზადებულ საქართველოს ვუთევდით ღამეს…
გათენდა ავადსახსენებელი 22 დეკემბერი, ავის და უბედურების მომასწავებელი წინათგრძნობა მქონდა და აქჰა, დაიქუხა ზარბაზანმა ქაშუეთის ეზოდან, გულში სასიკვდილოდ დაჭრეს იმ დილით საქართველო… ხელდასმაც ჰქონდათ და კურთხევაც საქართველოს მკვლელებს…

მეტის გახსენება აღარ ძალმიძს!

თბილისის ელიტარული სასაფლაოები – პანთეონები უნდა გაიწმინდოს პუტჩისტების ნარჩენებისაგან, სულ ერთია ვინ იქნება, მსახიობი, მეცნიერი, მწერალი თუ მოძღვარი…

თუ ეს არ მოხდა, მაშინ უზნეობა და უსამართლობა დაალპობს ისედაც საიკვდილო სარეცელზე შეგდებულ საქართველოს…

ძნელია ტკივილის გარეშე წაიკითხო ეს სიტყვები და ასჯერ უფრო მძიმე, როდესაც თვითშეესწარი ყოველივე ამას!
იმ ხანებში იმდენჯერ მოგვკლეს, რამდენჯერაც ჭურვები თუ ტყვიები ეხლებოდა მთავრობის სასახლეს…
ყველა იქ ეროვნული ხელისუფლების ჭირისუფლად მდგომი გმირია, გარდაცვლილები კი წმინდა ზვარაკი სამშობლოს საკურთხეველზე თავისი ნებით ასულნი!

განისვენეთ დებო და ძმებო, ჩვენ აქ ცოცხლდ დარჩენილები თქვენს ხვედრს შემოვნატრით, რამეთუ არ უცქერთ სამშობლოს განადგურებას ამ 23 წლის მანძილზედ!

სიგმუნდ ვოლტეტერი

დიუსელდორფი,  გერმანია. 2015 წლის 21 დეკემბერი.

Posted in 2015, ეროვნული მოძრაობა, სამხედრო გადატრიალება | Tagged: | Leave a Comment »

აბზიანიძე – გადატრიალება

Posted by iberiana on ნოემბერი 27, 2011

https://i2.wp.com/bpg.sytes.net/Didgori/userfiles/image/Que_Gallery/799_putchi-uz.sab..jpgშუქრი აბზიანიძე – “ჩაუშესკუ – ჩაუშესკუ”

(გადატრიალებების ტექნოლოგია საქართველოში)

ალბათ ყველას ახსოვს, 1991 წლის ბოლოს, ხელისუფლებისადმი ოპოზიციურად განწყობილი მასა “ჩაუშესკუ – ჩაუშესკუს” სკანდირებით როგორ უტევდა უზენაესი საბჭოს შენობას. ოპოზიცია მზად იყო დაემხო ხელისუფლება და ყველანაირად იკაფავდა გზას შენობისკენაც და ხელისუფლებისკენაც. ამ დრამატულ და ვნებათაღელვით აღსავსე დროს ცოტა თუ დაფიქრებულა – რატომ მაინცა და მაინც “ჩაუშესკუ”? დავუშვათ ზვიად გამსახურდია დიქტატორი იყო, განა ცოტა დიქტატორებს იცნობდა მსოფლიო? როგორც ისტორიიდან, ისე მის თანამედროვეებს? რატომ არა, ვთქვათ “ჰიტლერი”, “სტალინი”, “პინოჩეტი” ან ბოლოს და ბოლოს “სადამი”? არა, მხოლოდ “ჩაუშესკუ”. რატომ?

ამ კითხვაზე პასუხის გაცემა არც ისე ადვილია, როგორც ეს შეიძლება ერთი შეხედვით ჩანდეს. ეს არაა “დიქტატურის” უღელქვეშ სულის მღაფავი ხალხის ამოძახილი. ეს სულ სხვა რამ არის. ეს მოქმედების გეგმაა, პაროლია, მთავარი სიტყვაა, რომლითაც წინასწარ ხდება თანამოაზრეთა და სეირის მაყურებელთა შემზადება დიდი ბატალიებისათვის, დიდი სისხლის ღვრისთვის და რაც მთავარია – ტრაგიკული ფინალისათვის…

http://iberiana2.wordpress.com/segm/putch/

Posted in გამსახურდია, ეროვნული მოძრაობა, ისტორია-History, პოლიტიკა | Tagged: , , | 1 Comment »