Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, მესხეთი, ჯავახეთი, ტაო-კლარჯეთი იყო და მუდამ იქნება საქართველო!!!

Posts Tagged ‘ყაზბეგი’

ყაზბეგის რაიონის მოსახლეობა რუსეთისთვის ელექტროგადამცემი ხაზების მშენებლობას აპროტესტებს

Posted by iberiana on April 22, 2016

sno2ყაზბეგის რაიონის მოსახლეობა რუსეთისთვის ელექტროგადამცემი ხაზების მშენებლობას აპროტესტებს

21.04.2016

ყაზბეგის რაიონის კიდევ ერთი ხეობა ენერგეტიკის სამინისტროს წინააღმდეგ – კალაძის უწყებაში უკვე მზად არის 500-ს კილოვოლტიანი ელექტროგადამცემი ხაზის მშენებლობის პროექტი, რომელმაც რუსული ელექტროენერგიის სატრანზიტო ფუნქცია უნდა იტვირთოს. მისი საშუალებით რუსეთი საქართველოს გავლით ელექტროენერგიას სამხრეთის ქვეყნებს მიაწვდის.

ახალმა 500 კილოვოლტიანმა მაღალი ძაბვის ელექტროგადამცემმა ხაზმა რუსეთის საზღვრამდე ნახევარი საქართველო უნდა გაიაროს.

სამუშაოების დასრულების შემდეგ კი, პროექტის მიხედვით რუსულ ელექტროენერგიას სომხეთი, თურქეთი და ირანი მიიღებენ.

სამინისტროს გაფრთხილების მიუხედავად, სნოს ხეობის მოსახლეობა, სადაც მაღალი ძაბვის ელექტროგადამცემმა ხაზებმა უნდა გაიაროს, აცხადებს, რომ მშენებლობის დაწყების უფლებას მთავრობას არ მისცემენ. მათი თქმით, ხეობა ისედაც ვიწროა, ანძების დადგმის შემთხვევაში კი მათ ტერიტორიის დატოვება მოუწევთ. სოფელ კარკუჩაში ამის გამო აქციაც მოეწყო.

ყაზბეგის რაიონში ეს უკვე მეორე ხეობაა, სადაც მაღალი ძაბვის ელექტროგადამცემი ხაზების მშენებლობის გამო აქციები იმართება.

ავტორი: ეკა გაგუა.

http://rustavi2.com/ka/news/44952

Posted in 2016, ენერგეტიკა, საქართველო-Georgia, ყაზბეგი | Tagged: , , | Leave a Comment »