Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, სამცხე, ჯავახეთი, ტაო-კლარჯეთი იყო და მუდამ იქნება საქართველო!!!

Posts Tagged ‘ცოტნე გამსახურდია’

ეს კრიმინალები, იმის ნაცვლად ინანიებდნენ, ათასგვარ სიბინძურეს ავრცელებენ

Posted by iberiana on დეკემბერი 31, 2019

tsotne

ეს კრიმინალები, იმის ნაცვლად ინანიებდნენ, ათასგვარ სიბინძურეს ავრცელებენ

ნეიტრალური მოწმეები ადასტურებენ, რომ ცოტნე ფაქტიურად არ სვამდა და ამ კრიმინალების წასვლიდან კიდევ 20 წუთი იმყოფებოდა სუფრაზე. სახლის კართან ჩაუსაფრდნენ და სწორედ ამ ტატო ღარიბაშვილმა ჯერ ყავარჯენი ჩაარტყა თავში ცოტნეს, მერე ასფალტის ნატეხს ურტყამდა თავში, რომელიც ხელიდან გააგდებინეს და მერე გულმკერდში ჩაარტყა დანა რამდენჯერმე ცოტნეს და შემთხვევის ადგილიდან მიიმალა.

ასევე სრული პასუხისმგებლობით ვამბობ, რომ ბრალდებულები გასამართლებულები არიან საფრანგეთსა და გერმანიაში ქურდობისთვის, მოიხადეს ერთწლიანი საპატიმრო სასჯელები 2013 და 2016 წლებში და დეპორტით გამოაძევეს.

ეს ყველაფერი საქმეში დევს და ვინაიდან მასალები მხოლოდ მათ გადაეცემათ და მე, როგორც დაზარალებულის ადვოკატს, კანონით მარტო გაცნობის უფლება მაქვს, გამოაქვეყნონ ბრალდებულების მხარემ სრულად ნეიტრალური მოწმეების ჩვენებები თუ სიმართლეს არ ვამბობ და არა ისე, შერჩევით, საკუთარი ვერსიის გასამყარებელ საკუთარ ჩვენებებს რომ აწვდიან საზოგადოებას.

ჯერ ფიზიკურად გაუსწორდნენ ცოტნეს და ეხლა რეპუტაციულად უნდათ მისი განადგურება. არ გამოვა ეგ ამბავი. ყველამ იცის ვინ ვინ არის და მოვა დრო, როდესაც თავად ცოტნე გასცემს ყველას სათანადო პასუხს.

ამირან გიგუაშვილი
ცოტნე გამსახურდიას ადვოკატი
31.12.2019

***

roman nadiraZe“ცოტნე გამსახურდიამ ტატო ღარიბაშვილს დაზიანება ყავარჯნით მიაყენა” – ერთ-ერთი ბრალდებულის ადვოკატი

ცოტნე გამსახურდიას დაჭრისთვის, განზრახ მკვლელობის მცდელობის ბრალდებით დაკავებული ტატო ღარიბაშვილის ადვოკატის რომან ნადირაძის განცხადებით, ტატო ღარიბაშვილს ყავარჯნით დაზიანება ცოტნე გამსახურდიამ მიაყენა.

ადვოკატის ინფორმაციით, ბრალდებამ ბრალი გადააკვალიფიცირა.

“მოხდა ჩხუბი, ნასვამ მდგომარეობაში იყვნენ. ფიზიკური შეურაცხყოფა მიაყენეს, როგორც ცოტნე გამსახურდიას, ისე ტატო ღარიბაშვილს. ბრალდებამ ბრალი გადააკვალიფიცირა. ამოღებულია ტატო ღარიბაშვილის ყავარჯენი, მას ამ ყავარჯნით დაზიანება ცოტნე გამსახურდიამ მიაყენა. მოვითხოვეთ ექსპერტიზა და ეს მოთხოვნა დაკმაყოფილდა,” – განაცხადა ადვოკატმა…

შეგახსენებთ, ცოტნე გამსახურდია 19 დეკემბერს, საკუთარ სახლთან, ცივი იარაღით დაჭრეს. საქმეზე გამოძიება ჯგუფურად ჩადენილი განზრახ მკვლელობის მცდელობის მუხლით დაიწყო.

rustavi2.ge

 

Posted in 2019, საქართველო-Georgia | Tagged: , , , | Leave a Comment »

ეროვნული გვარდიის პრესსამსახურის განცხადება

Posted by iberiana on დეკემბერი 20, 2019

zviadi da cotne.jpg

საქართველოს რესპუბლიკის ეროვნული გვარდიის პრესსამსახურის  განცხადება 

ცოტნე გამსახურდიას სიცოცხლის ხელყოფის მცდელობასთან დაკავშირებით

სულით ხორცამდე შეგვძრა, ა. წ. 19 დეკემბერის საღამოს, ბ-ნ ცოტნე გამსახურდიას სიცოცხლის ხელყოფის მცდელობამ.

ვლოცულობთ უფლის წინაშე, რათა გადარჩეს იგი და კვლავ ღირსეულად განაგრძოს თავისი მოღვაწეობა სამშობლოს საკეთილდღეოდ!

სამშობლოს უსაზღვრო სიყვარულით გაჟღენთილი დიდი კონსტანტინე გამსახურდიას ოჯახის ბრძოლას სამშობლოს თავისუფლებისა და აყვავებისთვის, მტერმა დაუპირისპირა არნახული ტერორი, რომელიც დღესაც გრძელდება. მტერთან უთანასწორო ბრძოლაში მათ ყოველთვის გვერდში ედგათ ქართველი ერი! ჩვენ, საქართველოს რესპუბლიკის ეროვნული გვარდიის ვეტერანთა კავშირის წევრები, ყოველთვის მხარში ვედექით საქართველოს რესპუბლიკის პრეზიდენტ, ბ-ნ ზვიად გამსახურდიას და მისი ბრწყინვალე ოჯახის წევრებს!

ახლაც, გამოვხატავთ რა უსაზღვრო ერთგულებას პრეზიდენტის ოჯახისადმი, ხმამაღლა ვაცხადებთ, რომ ეს ფაქტი არაა უბრალო კრიმინალური შემთხვევა და რომ ეს არის მიზანმიმართული პროვოკაცია!

დიახ! ეს არის დე-ფაქტო ხელისუფლებაში თბილად მოკალათებული, ჩვენს ქვეყანაში „კრიმინალური სახელმწიფო გადატრიალების“ მომწყობი მთავარი ორგანიზატორების მიზანმიმართული იდეოლოგიური მუშაობის შედეგი, რათა ამით ხელი შეშლოდა დაწყებული ეროვნულ-გამანთავისუფლებელი მოძრაობის მძლავრი გაერთიანების ჩამოყალიბებას!

მოვითხოვთ, პირუთვნელად იქნას გამოძიებული ზემოაღნიშნული კრიმინალური ფაქტი და გამოვლენილი იქნან შესაძლო ორგანიზატორები!!!

საქართველოს რესპუბლიკის ეროვნული
გვარდიის პრესსამსახური

20.12.2019

Posted in 2019, გამსახურდია, საქართველო-Georgia | Tagged: , | Leave a Comment »

ცოტნე გამსახურდიას ინტერვიუ

Posted by iberiana on ნოემბერი 17, 2019

ცოტნე გამსახურდიას ინტერვიუ ვანიჩკასთან.
მონტაჟის გარეშე

Posted in 2013, გამსახურდია, საქართველო-Georgia | Tagged: , , , | Leave a Comment »

არა ჰომოსექსუალიზმის პროპაგანდას!

Posted by iberiana on ნოემბერი 8, 2019

 

74673259_2554296844666900_2284116363096096768_o
რატომ არ ჩაერთვნენ „სუხიშვილები“ ლგბტ პროპაგანდისტულ ფილმში “და ჩვენ ვიცეკვეთ” :

„ჩემთან იყო ლევან აკინი და მასთან ერთად კიდევ ხუთი ადამიანი, კაბინეტში ვისაუბრეთ. შვედეთის საელჩოდანაც იყვნენ. ლევანს ჩვენი ანსამბლის ბაზაზე უნდოდა ფილმის გადაღება, რაზეც მე ვუთხარი, რომ ეს „სუხიშვილების“ ბაზაზე არ გამოვიდოდა. ჯერ ერთი, დატვირთული გრაფიკი გვაქვს, მეორე – ქართულ ცეკვაში მამაკაცის როლი არის მამაკაცური და აქ მთავარი ტრადიციული დატვირთვაა.

ფილმის სიუჟეტი არაბუნებრივი მომეჩვენა, თორემ არანაირად ჰომოფობიური პოზიცია არ მქონია. ქართულ ცეკვაში განსაკუთრებულად ჩანს მამაკაცის დამოკიდებულება ქალის მიმართ – კდემამოსილება, ტრფობა, პატივისცემა. ქართულ ცეკვათა უმეტესობა საერთოდ ქალის და მამაკაცის ურთიერთობაზეა აგებული. ამიტომ რეჟისორს ვკითხე, რატომ არ გინდათ ქალის და მამაკაცის სიყვარულის ისტორიაზე გადაიღოთ-მეთქი? მან მიპასუხა, მე ვარ გეი და ამიტომ მინდა მამაკაცების სიყვარულზე გადავიღო ფილმიო. ვუპასუხე, გასაგებია, გადაიღეთ, მაგრამ „სუხიშვილების“ ბაზაზე არ გამოვა ამ ფილმის გადაღება-მეთქი. უარი ვუთხარი და დავემშვიდობეთ.

მე ვთვლი, რომ ქართული ცეკვა ეროვნულობის გამომხატველია, სადაც ჩანს თავისუფლების მოყვარე ქართველი ერი, ძლიერი და ტრადიციული. ეს ყველა ცეკვაში და მოძრაობაში ჩანს. მე არ მინდოდა ჩემი ანსამბლი გადაეღოთ ასეთ ფილმში, ეს იქნებოდა ხელოვნურად დადგმული ტყუილი და იმ კულტურის დაცინვა, რაზეც ვდგავართ.“ – ნინო სუხიშვილი.

primetime.ge

***

tsotne.jpgცოტნე გამსახურდია

არ მესმის, რატომ უნდა მოუნდეს ნორმალურ ადამიანს გადახრების გარეშე, ორი პიდარასტის ურთიერთობაზე კინოფილმის ყურება. ეს ლგბტ ლობის ზღაპრები, რომ დახუნძლავენ ყველა უნიჭობას სხვადასხვა ჯილდოებით, მოუმწიფებელ გონებზე და ბავშვებზე ზემოქმედებისთვის, ესეც არახალია. სწორედ ასე აფარებს ათასგვარი უნიჭო მჯღაბნელი და რეჟისორი ამ თემას თავს: გადაიღე, წერე ხურუშიანებზე და ჯილდოები და პრიზები გარანტირებული გაქვს! უზარმაზარი ლობი იბრძოლებს შენი წარმატებისთვის, როცა სხვანაირად – შენი ნიჭითა და ცოდნით თავად უნდა დაიცვა თავი მათგანვე, მათ შორის.

ასევე, სრულიად იაფფასიანი და სასაცილოა, ნაციონალური ქართული სამოსის, ჩოხის ჩართვა ამათი ხნაურის სცენებში. არ ვეთახმები კინოებში კომბლებით მივარდნას, მაგრამ ნამდვილად მეცოდება ის “პრადვინუტი” ბიდლო, ვინც იქ მივა ამ საცოდაობის საყურებლად.

8.11.2019

https://iberiana.wordpress.com/sodom/zneoba/

Posted in 2019, ზნეობა, საქართველო-Georgia | Tagged: , , , , | Leave a Comment »

ცოტნე გამსახურდია გია ჭანტურიას შესახებ

Posted by iberiana on აგვისტო 19, 2019

chanturia.jpg

ცოტნე გამსახურდია: “როდის უჭერდა ჭანტურია დამოუკიდებლობას მხარს, ედეპეს რაზმები რომ ბალტინის ჯარებთან ერთად იბრძოდნენ სამეგრელოში ქართველების წინააღდეგ?!”

გია ჭანტურიაზე იყო სიუჟეტი (ტვ რუსთავი2), სადაც მისი ყოფილი დამქაშები ამბობდნენ, ქვეყნის დამოუკიდებლობისთვის იბრძოდაო, კაცო, და ინსტიტუციების მშენებლობისთვისო…

როდემდე არ უნდა დაილიოს ამ ქვეყანაში იუდების მაქებარი? როდის ზრუნავდა გია ჭანტურია ინსტიტუციებზე და ქვეყნის აღმშენებლობაზე, კიტოვანს და ქვეყნის დამანგრევლებს რუსთაველზე რომ პოლიტიკურ მხარდაჭერას აძლევდა, თუ დაკითხვებზე ხალხს რომ აწამებდა და ფეხებში ესროდა სამშობლოზე შეყვარებულ ადამიანებს, რომელთა ერთადერთი დანაშაული ის იყო, რომ ქვეყნის ნგრევა-ძარცვას და კანონიერი ხელისუფლებისთვის სროლას არ დაუჭირეს მხარი?! თუმც იუდა კაცი იყო ამათთან შედარებით!

როდის უჭერდა ჭანტურია დამოუკიდებლობას მხარს, ედეპეს რაზმები რომ ბალტინის ჯარებთან ერთად იბრძოდნენ სამეგრელოში ქართველების წინააღდეგ?!

მესმის, რომ ყველას ჰყავს შთამომავლები, ნაცნობ-მეგობრები, აგერ, ორი საათის წინ ვიღაც ახალგაზრდები ილია მეორეს ვიდეოზე ამტკიცებდნენ, ჯაბა იოსელიანი “მაგარი კაცი იყო”-ო. მაგრამ როდესაც გაქვს პრეტენზია პასუხისმგებლიან როლზე მედიაში ან პოლიტიკაში, რა უფლებით აპრავებ მოღალატეს, და გმობ, მაგალითად, გორის დეპუტატს ან სხვა ქოცს დღეს, რომელსაც ჭანტურიასნაირის მეათედი არ დაუშავებია ამ ქვეყნისთვის?! როდემდე ასეთი უპრინციპობა, ასეთი ათმაგი სტანდარტები?!

ხალხი, რომელმაც არ იცის მისი წარსული, ვერასდროს ააშენებს მომავალს. და ვხედავთ ყოველდღე, რომ ღალატი აქ არ ტეხავს, არაა სირცხვილი, არავინ შეიკავებს თავს მისგან, თან ცოტა მატერიალური ინტერესიც თუ მოსდევს… სწორედ ამიტომ, რომ მოღალატეს, ქვეყნის დამანგრეველს აქ არც მორალური შეფასება მისცემია და არც სამართლებრივი… ჰოდა, იმის იქეთაც წასულა ასეთი ქვე-ყანა!!!

ჰო, კიდევ, ილია ჭავჭავაძის მოძღვრება გადმოიტანა ჭანტურიამ პოლიტიკაშიო 😄 რომელი მოძღვრება, საქართველო – ქართველებისთვისო, ედეპეს პროგრამაში რომ ეწერათ? დიახ, ძვირფასებო, ნაძირალა ჭანტურია და სარიშვილი ზვიად გამსახურდიას აბრალებდნენ ამ ფრაზის ავტორობას, არადა, საკუთარი პარტიის საპროგრამო დოკუმენტში ეწერათ….

19.08.2019

Posted in 2019, საქართველო-Georgia | Tagged: , | 2 Comments »

ცოტნე გამსახურდია – არ მინდოდა ამ საკითხებზე საუბარი

Posted by iberiana on მაისი 16, 2019

60232304_1242052819291260_4490591670374498304_n1

ცოტნე გამსახურდია – არ მინდოდა ამ საკითხებზე საუბარი

(ზუგდიდის მერის არჩევასთან დაკავშირებული მოვლენების შესახებ)

… არ მინდოდა-მეთქი ამ თემაზე საუბარი, ამ დღეებში ზუგდიდში სუსის მიერ ორგანიზებული მოვლენები რომ არ ყოფილიყო. ჯერ ჯიხაშკარში, უშიშროების სტაჟიანი აგენტის, ვინმე ვახო ზარანდიას ხელით ოპოზიციური კანდიდატის, სანდრა რულოვსის წინააღმდეგ სცადეს რაღაც კომიკური, სამარცხვინო კამპანიის აგორება. მინდა იცოდეთ, ხსენებული ვახო ზარანდია ფიგურირებს ზვიად გამსახურდიას მკვლელობის საქმეში, ფაქტობრივად, როგორც უშიშროების ინფორმატორი, რომელიც თვალის ასახვევად დაკავებული ჰყავდათ და მალევე გაათავისუფლეს გარკვეული ქმედების სანაცვლოდ 1993 წელს. იგივე ვახო ზარანდია სწორედ იგივე სიტუაციაში ფიგურირებს უკვე 1998 წელს, და მას მსგავსი მანერით იყენებენ გოჩა ესებუას წინააღმდეგ შევარდნაძეზე თავდასხმის შემდეგ, ისევ აკავებენ და რამდენიმე დღეში ათავისუფლებენ ზუსტად ისე, როგორც ზვიად გამსახურდიას დევნის ოპერაციის დროს.

შემდგომ უკვე ზუგდიდში, გუშინ, ოპოზიციის მერობის კანდიდატის წინააღმდეგ “ზვიადისტებთან” ერთად ერთვება სუსის კიდევ ერთი მოქმედი პირი, ვინმე გია მხეიძე, რომელიც ასევე მონაწილეობს ზვიად გამსახურდიას დევნისა და მკვლელობის საქმეში, როგორც იმჟამინდელი უშიშროების თანამშრომელი და რომლის მიმართ პროკურატურას წესით მრავალი კითხვა და ბრალდება უნდა ჰქონდეს. სხვათა შორის, ეს გია მხეიძე ჯერ კიდევ 2016 წელს ქართული ოცნების აქტივისტია ზუგდიდში და დაკავებულიც იყო ოპოზიციის დარბევისათვის, თუმც მოკლე ხანში გაათავისუფლეს…

სრულად: https://iberiana2.wordpress.com/segm/ts_gamsakhurdia/

Posted in 2019, არჩევნები, საქართველო-Georgia | Tagged: , , | Leave a Comment »

მას ხომ მართლაც სანატრელი გაუხდა ქართული მიწა… 

Posted by iberiana on აპრილი 3, 2019

Zviadiცოტნე გამსახურდია – მას ხომ მართლაც სანატრელი გაუხდა ქართული მიწა… 

მოგეხსენებათ, ბედის უკუღმართობის გამო მე ბოლო კლასი, რუსული სკოლა მაქვს დამთავრებული ჩეჩნეთში, გროზნოში. ოღონდ მამაჩემის მხრიდან აუცილებელი პირობა გახლდათ, რომ ქართული ენისა და ლიტერატურის პროგრამა ჩვეულებრივად უნდა მცოდნოდა… საქართველოდან კარგმა ადამიანებმა ჩამოგვიტანეს წიგნები, საკითხები და მამა თავად მამზადებდა ამ საგნებში.

ადრეც მითქვამს, რომ მე მასთან ძალიან მოკრძალებული და დისტანცირებული ურთიერთობა მქონდა. ჩვენი თაობის მამა-შვილობაც ცოტა სხვანაირი იყო, ვიდრე დღეს. კარგი იყო ეს თუ ცუდი, მე თავად მქონდა ამ მორიდების შეგრძნება და არა იმიტომ, რომ ის ამას რაიმენაირად ითხოვდა, უფრო – პირიქით…

ერთერთ გაკვეთილზე აკაკის “განთიადს” გავდიოდით, რომელიც მან წამებით მოკლულ დიმიტრი ყიფიანს მიუძღვნა. მახსოვს, ვიჯექი და ვკითხულობდი: მთაწმინდა ჩაფიქრებულა, შეჰყურებს ცისკრის ვარსკვლავსა… მნათობი სხივებს მაღლით სცემს თავდადებულის საფლავსა… მე არ მქონია მისი აღქმა, როგორც გმირის, მისტიური პერსონის, ან რაიმე ასეთისა. ჩემთვის ის უბრალოდ მამა იყო და ამით ყველაფერი იყო ნათქვამი.

სრულიად მოულოდნელად, რაღაც ნებითა თუ განგებით, 17 წლის ბიჭს ცრემლი მომაწვა… ვკითხულობდი და საიდანღაც ვიცოდი, რომ ამ ლექსში მას ვუყურებდი, თითქოს დროის მანქანა ყოფილიყო ჩართული. და რაოდენ გასაოცარი უნდა იყოს, სიტყვასიტყვით ახდა ეს ლექსი: “დედაშვილობამ, ბევრს არ გთხოვ, შენს მიწას მიმაბარეო“… მას ხომ მართლაც სანატრელი გაუხდა ქართული მიწა… და ეს ყველაფერი კიდევ ერთხელ ახდა, როდესაც 15 წლის შემდეგ დაბომბილ, მიწასთან გასწორებულ გროზნოში ვიპოვე მისი საფლავი და სწორედ მთაწმინდაზე დაიდო ბინა… ვიცოდი ეს მაშინაც, 15 წლის უკან და ცრემლები მახრჩობდა. მახსოვს, რომ არ შეემჩნია, რაღაც მოვიმიზეზე, ავდექი და გავედი ოთახიდან…

ამ ყველაფერმა კიდევ ერთხელ გაიღვიძა გუშინწინ, 31 მარტს, 2019 წელს, როდესაც ჩემი თხოვნით ნატო მეტონიძის საოცარი ხმა ისევ აჟღერდა – “მთაწმინდა ჩაფიქრებულა, შეჰყურებს ცისკრის ვარსკვლავსა”…

და როგორც ამ ღონისძიების მოკრძალებული ორგანიზატორი, კმაყოფილი ვარ, რომ ყველაფერმა ასე დიდებულად, ტრაგიკულად და საზეიმოდ ჩაიარა ერთდროულად. მადლობა ყველა გამომსვლელსა და ხელოვანს, და სანამ ვიქნები ამქვეყნად, ეს დღე არ დამავიწყდება. მადლობა კახა კუკავას, რეჟისორ დიმიტრი ღვთისიაშვილს ორგანიზებაში დახმარებისათვის და თბილისის მერიას, კახი კალაძეს, რომელსაც, მიუხედავად ჩვენი განსხვავებული შეხედულებებისა, უკან არაფერზე დაუხევია!

3.04.2019

Posted in 2019, ზვიად გამსახურდია | Tagged: , , | Leave a Comment »

ზვიად გამსახურდია – 80

Posted by iberiana on მარტი 31, 2019

 

Tsotne Gamsakhurdia

გიორგი კეკელიძე და ცოტნე გამსახურდია ეროვნულ ბიბლიოთეკაში გამოფენა – ზვიად გამსახურდია – 80 გახსნაზე

ბევრი შეიძლება ვისაუბროთ ზვიად გამსახურდიას ღვაწლზე, შემოქმედებაზე, მრავალმხრივ საქმიანობაზე, მაგრამ დღეს, აწმყოსა და მომავალი კონტექსტის გათვალისწინებით ერთი ასპექტი მგონია ყველაზე მნიშვნელოვანი, რომელიც მას ახასიათებდა და რომელიც მის შესახებ საუკუნეებს გაუძლებს და გზამკვლევად გამოადგება მომავალ თაობებს:

ბრძოლა გაბატონებული აზრის, დისკურსის წინააღმდეგ, საკუთარი აზრის გამოხატვის სიმამაცე, საკუთარი პოზიციის დაცვისა და მისთვის ბრძოლის უნარი! ქცევის ამ იდეალებს ეფუძნებოდა ჯერ კიდევ ანტიური დემოკრატიები, ეფუძნებოდა ჯონ ლოკისა და ემანუილ კანტის შეხედულებები საზოგადოებრივ ცხოვრებაზე, უფრო გვიანდელ განმანათლებელ მოღვაწეთა ნააზრევი…

დღეს და მომავალში, სახელმწიფოებრივ, საზოგადო და პირად სივრცეებში ჩვენს ქვეყანას, მის განვითარებას, ზვიად გამსახურდიას და სხვათა სისხლით მოტანილი მემკვიდრეობის განმტკიცებას სწორედ ეს სითამამე, აზროვნების თავისუფლება სჭირდება.

დღეს ჩვენ კვლავ საბრძოლველი გვაქვს ერთპარტიულობის ჭაობის, კერპთაყვანისმცემლობის და კორუფციის კომუნისტური სულის წინააღმდეგ, როდესაც მთელმა ერმა, საზოგადოებამ უნდა მოისურვოს და შეძლოს გამოფხიზლება და არ იყოს ერთი მუჭა “ელიტებისა” და საეჭვო რეპუტაციის, ნასუფრალს შეჩერებული ფსევდომოღვაწეების კვალში მოსიარულე მაჩანჩალა…

გილოცავთ დღევანდელ დღეს და ამ გზაზე წარმატებებს გისურვებთ!

ცოტნე გამსახურდია

31.03.2019

 

Posted in 2015, ეროვნული მოძრაობა, ზვიად გამსახურდია, საქართველო-Georgia | Tagged: , | Leave a Comment »

მაფიოზური დაჯგუფებები და კორუმპირებული საზოგადოება

Posted by iberiana on იანვარი 23, 2019

ზვიად გამსახურდია: მაფიოზური დაჯგუფებების ესოდენ დიდი სიმრავლე, პირველ რიგში, კომუნისტური, ტოტალიტარული წყობილების მანკიერებაა

ცოტნე გამსახურდია: კორუმპირებული საზოგადოება სსრკ პროდუქტია, რომელიც ორგანულად შეითვისა ქართულმა სოციალურმა სხეულმა

23.01.2019

tsotne gamsakhurdiaცოტნე გამსახურდია: ამ მოჭიდავეების ფედერაციის ამბებმა გამახსენა მამაჩემის ძველი სიტყვა, რომელიც არა და არ კარგავს აქტუალობას ამ ქვეყანაში. არადა, ჯერ როდის ამბობდა, მაგრამ ვინ მოუსმინა… ეს ყველაფერი დღეს არ დაწყებულა. ეს ატომიზებული, დეზორგანიზებული, კორუმპირებული საზოგადოება სსრკ პროდუქტია, რომელიც ორგანულად შეითვისა ქართულმა სოციალურმა სხეულმა. რატომ – ცალკე საუბრის თემაა, მაგრამ ისევე, როგორც ქურდული მენტალობის განვითარებაში მხოლოდ სსრკ არ იყო დამნაშავე, ისე აქაც – ამ მანკიერებებს ქართველი კაცის გონებაში ნოყიერი ნიადაგი დახვდა.

ყველგან – სპორტში, ხელოვნებაში, მეცნიერებაში, კვლევით ინსტიტუტებში – ჩაბუდებულია ეს ქურდულ-კუტოკური აზროვნება და ამას მხოლოდ ქურდული სამყაროს წინააღმდეგ ბრძოლა ვერ უშველის. ეს არის მიკროსამყაროები, რომელთა უპირველესი მიზანია:
1) დაფარული იყვნენ დღის შუქისაგან
2) ჰქონდეთ საკუთარი სამართალი და სასჯელი
3) მათში განმსაზღვრელი იყოს არა ზოგადადამიანური თუ ზოგადნაციონალური ფაქტორები და პრინციპები, არამედ ფული და გავლენა. ექიმის შეცდომები საექიმო საზოგადოებამ უნდა გაარჩიოს, მასწავლებლების – მასწავლებლებმა, სპორტსმენის – სპორტულმა ოჯახმა, პოლიტიკოსების – ცნობილია ვინც. და მა კანონი და წესრიგი ვიღასთვისაა? საწყლებისთვის და უპატრონოებისთვის.

ასეთი მაკროელემენტებისგან შემდგარი საზოგადოება ვერასდროს ვერაფერზე შეთანხმდება. აქ არასდროს იქნება მშვიდობა, სამართალი, თანასწორობა, ურთიერთპატივისცემა. ყოველთვის იქნება ჯუნგლების კანონი, სიდუხჭირე, ერთი პროცენტი – მჭამელი და 99 – მათხოვარი, რომელიც იმ ერთ პროცენტში მოხვედრაზე ოცნებობს. ვის აწყობს ეს შინ და გარეთ, თავადაც კარგად ხვდებით…

და აი, შეპირებული მამას სიტყვაც:

zviad gamsakhurdiaზვიად გამსახურდია: “მაფიოზური დაჯგუფებების ესოდენ დიდი სიმრავლე, პირველ რიგში, კომუნისტური, ტოტალიტარული წყობილების მანკიერებაა, ვინაიდან მან მოუსპო ადამიანს საშუალება კანონიერი და სამართლიანი გზით შემოსავლის ქონისა, კარგი ცხოვრებისა და წარმატების მიღწევისა მოღვაწეობის ამა თუ იმ სფეროში, ამიტომ მიჰყვეს ხელი უკანონო და დანაშაულებრივ გზას, რითაც გამრავლდნენ მაფიები. ეს არის ფაქტობრივად დანაშაულებრივი დაჯგუფებები, რომლებიც უპირისპირდებიან სიმართლეს, სიკეთეს, ჭეშმარიტებას, კანონიერებას. მათ წინააღმდეგ ბრძოლა დამსჯელი ორგანოების მეშვეობით, რასაკვირველია, უსარგებლოა; ისევ და ისევ საჭიროა იმ სისტემის დანგრევა, რამაც ეს ყოველივე წარმოშვა. ამ სისტემის ლიბერალიზაცია არის საჭირო, მისი მისადაგება ადამიანის ნორმალური მოთხოვნილებისადმი, შემოსავლის გაზრდა, რათა ადამიანმა შემოსავლის ძიებაში არ დაარღვიოს კანონიერება.

ჩვენი სახელმწიფო წყობილების გაჯანსაღება, ეკონომიკური ღონისძიებები გამოიწვევს შემდგომ ამ მაფიების დაშლას, ისინი შეწყვეტენ არსებობას. სანამ კომუნისტური სისტემის რეციდივები გვექნება, მაფია ყოველთვის იარსებებს….’

ზვიად გამსახყრდია: “პატარა სამეფოები, პატარა იმპერიები კულტურასა და მეცნიერებაში უნდა მოისპოს. აქ პატარა ლიდერები – მეფეები და თავადები – არიან, რომლებიც თავის კლანს იკრებენ გარშემო. ეს კლანი შემდეგ იბრძვის თავისი ინტერესებისთვის. თავისი მოგებისთვის და ყველანაირი პირადი კეთილდღეობისთვის. როდესაც უფრო დემოკრატიული გახდება მმართველობა ამ სფეროებში, ეს გამოიწვევს ამ მაფიების არსებობის შეწყვეტას.

საქართველო სამხრეთის ქვეყანაა და აქ ზარმაცთა, მუქთახორათა და უსაქმურთა წინააღმდეგ ბრძოლა ძალიან რთულია.”

Posted in 2019, გამსახურდიები, ზვიად გამსახურდია, იდეოლოგია, საქართველო-Georgia | Tagged: , , , | Leave a Comment »

ცოტნე გამსახურდიამ შიმშილობა შეწყვიტა

Posted by iberiana on დეკემბერი 26, 2018

zbiadi

ცოტნე გამსახურდიამ გენერალურ პროკურორთან შეხვედრის შემდეგ შიმშილობა შეწყვიტა

“დღეს გვქონდა შეხვედრა გენერალურ პროკურორთან, შალვა თადუმაძესთან.

ყველაფერი სწორედ ისე მოხდა, რაც მედიასთან მოვყევი. არაფერი შემილამაზებია ან დამიკლია. მოვუყევი პროკურატურის თანამშრომლების შეუსაბამო დამოკიდებულებასა და იმ უმოქმედობასა და ხარვეზებზე, რაც ახლავს გამოძიებას. ასევე ვუთხარი ჩემი მოსაზრება ამ სისტემის ფუნქციონირებასთან დაკავშირებით ჯერ კიდევ 1921 წლის 25 თებერვლიდან მოყოლებული.

ვისაუბრეთ მომავალ გეგმებზე, საგამოძიებო ჯგუფის შექმნაზე, უცხოელი თუ ქართველი სპეციალისტების, ექსპერტებისა და გამომძიებლების ჩართვაზე საჭიროების შემთხვევაში და შევთანხმდით ამ ყველაფერზე. ერთი კორექტირებაა მხოლოდ: გენერალურმა პროკურორმა გადაწყვიტა თავად აიღოს პასუხისმგებლობა ამ გამოძიებაზე და თავად უხელმძვანელოს საგამოძიებო ჯგუფს! ჩვენ მასთან მუდმივ კომუნიკაციაში ვიქნებით…
პირველი სამუშაო შეხვედრები იანვარში დავგეგმეთ.

მინდა უღრმესი და უდიდესი მადლობა მოგიხადოთ ქართულ საზოგადოებას, მედიის წარმომადგენლებს, თქვენ, ვინც დაინტერესდით და გულთან მიიტანეთ ეს საქმე! მინდა გისურვოთ, თქვენმა შვილებმა გაცილებით უკეთეს, უფრო სამართლიან, წარმატებულ, აყვავებულ ქვეყანაში იცხოვრონ, ვიდრე მე და თქვენ…

დანარჩენს მომავალი გამოაჩენს. ვიცი კიდევ ის, რომ არ არსებობს ამქვეყნად ძალა ან სიმდიდრე, რომელიც ამ ჩემს მცდელობას შეაჩერებს! და იგივეს გირჩევთ ყველას, ვინც აქ სამართალს ეძებთ…

პ.ს. ვინც მობრძანდებით 28 დეკემბერს, 4 საათზე, მოდით. მეც მოვალ და გაგაცნობთ ინფორმაციას შეხვედრის შესახებ, ვისაც დაგაინტერესებთ…”

ცოტნე გამსახურდია
26.12.2018

***
13 დღიანი შიმშილობის შედეგი 

  1. კანონში შევიდა შესწორება და განსაკუთრებით მნიშვნელოვანი საქმეების გამოძიების ხანდაზმულობის ვადა 5 წელით გახანგრძლივდა;

  2. საქართველოს პირველი პრეზიდენტის მკვლელობის საქმის გამოძიებასთან დაკავშირებით, შეიქმნება ახალი საგამოძიებო ჯგუფი, რომელშიც შევლენ გამსახურდიების ოჯახის ნდობით აღჭურვილი პირები. ჯგუფს პირადად გენერალური პროკურორი უხელმძღვანელებს;

  3. საგამოძიებო ჯგუფი მუშაობას მომავალი წლის იანვარში დაიწყებს.

Posted in 2018, ზვიად გამსახურდია, საქართველო-Georgia | Tagged: , , | Leave a Comment »

პოლიტიკური თანამდებობის პირების მკვლელობის გამოძიება

Posted by iberiana on დეკემბერი 23, 2018

ცოტნე გამსახურდია – რით არის ესოდენ მნიშვნელოვანი პოლიტიკური თანამდებობის პირების მკვლელობის გამოძიება?

tsotne2ამ კითხვაზე პასუხისთვის საჭიროა გავიგოთ, რა შედეგს იწვევს ეს და რატომ კლავენ პოლიტიკური თანამდებობის პირებს. მაღალი პოლიტიკური თანამდებობის პირის სიკვდილი, როგორც წესი, ცვლის ქვეყნის განვითარების გეზსა და ვექტორს! ეს განსაკუთრებით აქტუალურია ქვეყანაში, სადაც არ არსებობს ჩამოყალიბებული პოლიტიკური სისტემა და განსაკუთრებით მაშინ, როდესაც ეს თანამდებობის პირი არის მკაფიოდ გამოხატული ლიდერი, რომელზეც დამოკიდებულია ხსენებული გეზის წარმატებულობა.

ვის აწყობს საქართველოს პოლიტიკური გეზის ცვლილება და დამუხრუჭება? მოგეხსენებათ, ახლოს გვყავს ძალზე დიდი და ვერაგი მტერი, რომლის ინტერესებთანაც ეს არის დაკავშირებული.

ამავე დროს, მსგავსი საქმეების გამოძიება/არგამოძიება მნიშვნელოვნად განაპირობებს სამართლისა და კანონის უზენაესობის განვითარებას. როგორც მინიმუმი, ასეთი საქმეების არგამოძიება იწვევს ადამიანებში სრულ სამართლებრივ ნიჰილიზმს: ასეთ ამბავს თუ არ იძიებენ, მე რაის იმედი მქონდესო…

ახლა არ ვსაუბრობ ამ საქმის მორალურ, ისტორიულ ასპექტებზე და პირად ტრაგედიაზე.

მივესალმები პარლამენტის გადაწყვეტილებას დაჩქარებული წესით მიიღოს ცვლილება კანონში ხანდაზმულობის ვადის გაგრძელების შესახებ. მაგრამ აქვე მინდა აღვნიშნო, რომ ჩვენ არ ვიბრძვით ვადის გასაგრძელებლად ვადის გაგრძელებისათვის! ჩვენი პროტესტი და შიმშილობა გაგრძელდება, სანამ არ დავრწმუნდებით, რომ ხელისუფლება აპირებს ზვიად გამსახურდიას მკვლელობის გამოძიებას და საქმე არ დარჩება იგივე კალაპოტში.

მთავარი პროკურატურის მისაღებში შიმშილობის მე-9-ე დღე.

22 დეკემბერი, 2018

Posted in 2018, გამსახურდია, კანონმდებლობა, საქართველო-Georgia | Tagged: , | Leave a Comment »

გამსახურდიების შიმშილობის მე-4 დღე

Posted by iberiana on დეკემბერი 17, 2018

ცოტნე და კონსტანტინე გამსახურდიების შიმშილობის აქციის მე-4 დღე

ტვ რუსთავი 2-ის სიუჟეტი

 

შეგახსენებთ, რომ  2018 წლის 14 დეკემბერს ცოტნე და კონსტანტინე გამსახურდიებმა  დაიწყეს შიმშილობის აქციაა პროკურატურასთან.  ისინი მოთხოვენ ზვიად გამსახურდიას საქმის გამოძიებას და მკვლელის დასჯას.

ზვიად გამსახურდიას მკვლელობის საქმეზე 2018 წლის 31 დეკემბერს გადის 25 წლიანი ხანდაზმულობის ვადა, და რადგან ამ პერიოდის განმავლობაში პროკურატურას ფაქტობრივად ბრალდებული არ ჰყავს, საქმე დაიხურება.

სინამდვილეში, საქმეში არის უამრავი მამხილებელი მასალა, გამოკვეთილია ამ საქმის ორგანიზატორები და მკვლელი, საბჭოთა კაგებეს სტაჟიანი თანამშრომელი.

Posted in 2017, ეროვნული მოძრაობა, ვიდეო, ზვიად გამსახურდია, საქართველო-Georgia | Tagged: , , | Leave a Comment »

კონსტანტინე და ცოტნე გამსახურდიებმა შიმშილობა დაიწყეს

Posted by iberiana on დეკემბერი 14, 2018

gamsakhurdia2

კონსტანტინე და ცოტნე გამსახურდიებმა მთავარი პროკურატურის შენობაში შიმშილობა დაიწყეს 

ცოტნე გამსახურდიადღეს, 14 დეკემბერს, მე და ჩემი უფროსი ძმა, კონსტანტინე, ვიწყებთ შიმშილობას მთავარ პროკურატურასთან, ამ ბოროტების ბუნაგთან, ვითხოვთ ზვიად გამსახურდიას საქმის გამოძიებას და მკვლელის დასჯას.

მოგეხსენებათ, ზვიად გამსახურდიას მკვლელობის საქმეზე 2018 წლის 31 დეკემბერს გადის 25 წლიანი ხანდაზმულობის ვადა, და რადგან ამ პერიოდის განმავლობაში პროკურატურას ფაქტობრივად ბრალდებული არ ჰყავს, საქმე დაიხურება.

სინამდვილეში, საქმეში არის უამრავი მამხილებელი მასალა, გამოკვეთილია ამ საქმის ორგანიზატორები და მკვლელი, საბჭოთა კაგებეს სტაჟიანი თანამშრომელი! მაგრამ პროკურატურა საოცარი პასიურობით და უნიათობით ცდილობს ხსენებული ვადის გაწელვას და მეორე მხრივ, გააფთრებული გვეწინააღმდეგება ზვიად გამსახურდიას ოჯახის წევრებს, ნაცვლად აუცილებელი საგამოძიებო ქმედებების ჩატარებისა!

რატომ არ იძიებენ საქმეს? ლოგიკურია, რომ დამნაშავეებს ხელს აფარებენ! მკვლელის პასუხისგებაში მიცემას, როგორც ბანქოს ამოწევას წყებიდან, წამოჰყვება ფიგურანტების მთელი ბანდა, ქართველი მოღალატეების და რუსული სპეცსამსახურების კვალი და როლი საქართველოს პირველი, დამოუკიდებლობის გამომცხადებელი პრეზიდენტის მკვლელობაში. სწორედ ამას ფარავს აფერისტი ბიძინა ივანიშვილი და მისი ჯიბის პროკურატურა!

დღეს ჩვენს ოჯახს და მე ძალიან გვჭირდება მათი გვერდში დგომა, ვისთვისაც სულერთი არ არის სამართლისა და სიმართლის ბედი ამ ქვეყანაში, მისი დამოუკიდებლობა, მისი სწორი განვითარება, რასაც ვერ ვეღირსეთ სწორედ ამდენი წლის სიმახინჯის გამო. ვერ ვეღირსეთ იმიტომაც, რომ სამართალი აქ მმართველი კლასის მოღალატური პოლიტიკის მძევალია! მადლობა მათ, ვინც თავს შეიწუხებთ. თუმც ხვეწნას ნამდვილად არ ვაპირებ და მარტოც რომ დავრჩე, ბრძოლას გავაგრძელებ, რათა საკუთარ სინდისთან და ამ ქვეყნისთვის დაღუპულთა ღვაწლთან ვიყო მართალი!

14 დეკემბერი, 2018

 

P. S. 18 დეკემბერს 16 საათზე მთავარ პროკურატურასთან (გორგასლის N24) იმართება აქცია მოთხოვნით: 
“გამოძიებულ იქნას საქართველოს პირველი პრეზიდენტის ზვიად გამსახურდიას მკვლელობის საქმე და დაისაჯოს მკვლელი!”

Posted in 2018, ზვიად გამსახურდია, მამულიშვილებს, საქართველო-Georgia | Tagged: , , , | Leave a Comment »

ცოტნე გამსახურდია – არ არის დრო…?

Posted by iberiana on აპრილი 17, 2018

Tsotne Gamsakhurdia

ნეპოტიზმი, არაკომპეტენტურობა და სიბრიყვე, ცალკეული ხელისუფლებასთან დაკავშირებული ბიზნეს-ჯგუფების სიხარბე და კორუფცია ანგრევს ამ ქვეყანაში იმ მცირესაც, რის შექმნაც ამ ორნახევარი ათეული წლის მანძილზე მოვასწარით…

ერთი პროცენტი ჭამს, დანარჩენი – მშიერია და მხოლოდ ქვეყნიდან გაქცევაზე უჭირავს თვალი. ხალხი დაიღალა, დემორალიზებულია ამდენი სისულელით, შეცდომით, იმედგაცრუებით. არადა, რამ დაღალა? ვისი ბრალია, რომ ამდენი და ელემენტარული შეცდომები დაუშვა? ვისი ბრალია, რომ ამ შეცდომების განზოგადება და შესაბამისად – გამოსწორება არ შეუძლია?

შევარდნაძე ძაღლმისაკვდომზე გამწარებულებმა განუსაზღვრელი ნდობის მანდატი მივეცით ნაციონალურ მოძრაობას. აღმშენებლობასა და სასიკეთო ცვლილებებთან ერთად ბოლოს მივიღეთ ის, რაც უნდა მიგვეღო: აბსოლუტური ძალაუფლება რყვნის აბსოლუტურად.

სააკაშვილის ზღვარგადასულობაზე გამწარებულებმა ხარბი და ეგოცენტრული ოლიგარქი მოვიყვანეთ, რომელმაც პირველივე არჩევნებზე თუ ვერა, მეორე ვადისას მაინც “გაკრიფა შუა” ისევ ჩვენი პასიურობის წყალობით, მოსპო ყოველგვარი პლურალიზმი და სააკაშვილზე უარესად მოახდინა ხელისუფლების ყველა შტოს უზურპაცია. და ასე სურს გააგრძელოს უკუნითი უკუნისამდე…

არ არის დრო, რომ ამ შეცდომების გათვალისწინებით დაიწყოს საზოგადოებრივი და პოლიტიკური ძალების კონსოლიდაცია რაიმე, თუნდაც უზოგადეს ფორმატში, მეტ-ნაკლებად ორგანიზებულის, სადაც მეტ საერთოს ვნახავთ ერთმანეთში, ვიდრე განსხვავებას? სადაც მხოლოდ ქვეყნის სიკეთის სურვილი გაგვაერთიანებს… სადაც არავის ექნება გადამწყვეტი ხმების პაკეტი და კოლეგიალური, რაციონალური გადაწყვეტილებების მიღება მოხდება.

თუ ვაძახოთ ცუდი და ვლანძღოთ ერთმანეთი, და ველოდოთ ცალ-ცალკე მონებად როდის გაგვყიდის ეს პატრონძაღლი???

 

Posted in 2018, გამსახურდია, საქართველო-Georgia | Tagged: | Leave a Comment »

ტყვია ქართულ სუნელებში

Posted by iberiana on ივლისი 2, 2017

IMG_7025_5957e7b063268[1]ნიუ-იორკის ჯანდაცვის დეპარტამენტი: ქართულ სუნელებში ტყვიის საგანგაშო დოზა აღმოჩენილია 2017 წელსაც

როგორც ნიუ-იორკის ჯანდაცვის დეპარტამენტი On.ge-სთვის გამოგზავნილ წერილში წერს, ისინი საფრთხის შესახებ რეგულარულად აფრთხილებენ ქართული სუნელების პოტენციურ მომხმარებლებს.

უწყების ინფორმაციით, ისინი უკვე წლებია ამოწმებენ საქართველოში წარმოებულ, სხვადასხვა სახის სუნელს ტყვიის შემცველობაზე და დარღვევებს რეგულარულად პოულობენ. მათ შორის, “საგანგაშო ოდენობის” ტყვია აღმოჩნდა 2017 წელს შემოწმებულ სუნელებშიც. თუმცა, წერილში არ წერია, კონკრეტულად რომელი ბრენდის, ან რა სახით დაფასოებული სუნელებია შემოწმებული და საფრთხის შემცველი. ამის დაზუსტებას ჯანდაცვის დეპარტამენტი უახლოესი დღეებისთვის დაგვპირდა.

ნიუ-იორკის ჯანდაცვის დეპარტამენტის ცნობით, მათ მიერ ერთ-ერთ ნიმუშში აღმოჩენილი ტყვიის საგანგაშო ოდენობა იყო 27 000 ppm (27 000 ერთეული მილიონზე) მაშინ, როცა, მაგალითად, ტკბილეულში ტყვიის დასაშვები, უსაფრთხო ზღვარია 0,1 ppm.

ნიუ-იორკის ჯანდაცვის დეპარტამენტი გარკვევით ამბობს, რომ მათი გაფრთხილება, ქართულ სუნელებში ტყვიის შემცველობაზე, ახლაც ძალაშია. თუმცა, მათ საქართველოს გენერალური საკონსულო ნიუ-იორკში ამის შესახებ ჯერ კიდევ 2011 და 2015 წლებში გააფრთხილეს და ინფორმაცია შემდგომი გამოძიებისთვის გაუგზავნეს ქართულ მხარეს. მათივე თქმით, 2015 წელს გამოქვეყნებული გაფრთხილება კი საქართველოს საკონსულოსთან თანამშრომლობით შეიქმნა, რათა გაეფრთხილებინათ ქართული სუნელების პოტენციური მომხმარებლები…

სურსათის ეროვნული სააგენტოს პასუხი:

“სურსათის ეროვნული სააგენტო სრული პასუხისმგებლობით აცხადებს, რომ ქართულ სუნელზე დღეს არანაირი შეზღუდვა არ მოქმედებს. სააგენტო მუდმივად აწარმოებს მონიტორინგს და ლაბორატორიულ კვლევას.

დღეს ქართულმა მედიასაშუალებებმა გაავრცელეს ნიუ-იორკის ჯანდაცვის დეპარტამენტის განცხადება ქართული წარმოების სანელებლებში ტყვიის მაღალი შემცველობის შესახებ, რაც არის 2015 წლის ინფორმაცია და არავითარი საერთო არ აქვს დღევანდელ რეალობასთან”.

On.ge გააგრძელებს აღნიშნულ საკითხზე მუშაობას და ყველა შესაძლო გზით შეეცდება მოიპოვოს დეტალური ინფორმაცია იმის შესახებ, თუ კონკრეტულად რა სახეობის სუნელს ამოწმებს სურსათის ეროვნული სააგენტო მძიმე მეტალების შემცველობაზე, როგორია შემოწმების სიხშირე და შედეგები, ასევე, ბოლოს როდის ჩატარდა მსგავსი შემოწმება

https://on.ge

***

%e1%83%aa%e1%83%9d%e1%83%a2%e1%83%9c%e1%83%94-%e1%83%92%e1%83%90%e1%83%9b%e1%83%a1%e1%83%90%e1%83%ae%e1%83%a3%e1%83%a0%e1%83%93%e1%83%98%e1%83%90

ცოტნე გამსახურდია

“ბავშვობიდან, არასდროს, არავის პირადი შური არ მქონია…

მშურდა და მშურს უცხოელების, მათი ქვეყნების, საზოგადოების განათლებულობის, განვითარების, ორგანიზებულობის, წესრიგის, პატიოსნების… მშურს ამერიკელების: აღმოაჩინეს ტყვია ქართველი ბავშვების სისხლში, განგაში ატეხეს, მივიდნენ მათ სახლებში, ყველაფერი შეამოწმეს და მიაკვლიეს მოწამლვის წყაროს. არ დაეზარათ, არ დაენანათ რესურსი ერის ჯანმრთელობისათვის! სისტემა საათივით აწყობილია!

… სახეში აფარებ ამ დოკუმენტებს, მოსალოდნელ ზიანს და საფრთხეს, საქართველოს ხელისუფლების დანაშაულებრივ უმოქმედობას, სიბრიყვეს, კორუფციას და მაინც გეუბნებიან – არაო! განა შეიძლება ასე ყოველ ნაბიჯზე ერი თვითგანადგურებისკენ ისწრაფოდეს?!…

“თქვენ გესმით რა ხდება?! საერთოდ დაგრჩათ ტვინში ნეირონები?! ამერიკის ხელისუფლება აფრთხილებს საქართველოს სახელისუფლებო სტრუქტურებს საშინელი საფრთხის, საწამლავის შესახებ ჩვენს პროდუქტებში და ჩვენ ამას გვიმალავენ!

ვინ აგებს ამაზე პასუხს?! ვინ ჩაატარა მოკვლევა ან გამოძიება? ვინ გამოიკვლია უხარისხო საწვავის შემოტანის საკითხი, ან ბიძინეს მეგობრების “არემჯი გოლდი” რომ ნახევარ სამხრეთ საქართველოს ველ-მინდვრებს და მდინარეებს წამლავს? სხვა კომპანიებზე და კატასტროფულ ეკოლოგიურ ვითარებაზე აღარ ვამბობ: აქ ხომ ბიზნესი და ხელისუფლება ერთ მაფიოზურ ქსელშია შეზრდილი!

როდემდე ავიტანოთ ეს ყველაფერი?!”

წერს ცოტნე გამსახურდია სოციალურ ქსელში

02.07.2017

Posted in 2017, ეკოლოგია, საქართველო-Georgia | Tagged: , | Leave a Comment »

ცინიკური პასუხი პროკურატურისგან

Posted by iberiana on აპრილი 5, 2017

%e1%83%aa%e1%83%9d%e1%83%a2%e1%83%9c%e1%83%94-%e1%83%92%e1%83%90%e1%83%9b%e1%83%a1%e1%83%90%e1%83%ae%e1%83%a3%e1%83%a0%e1%83%93%e1%83%98%e1%83%90ცოტნე გამსახურდია – ცინიკური პასუხი პროკურატურისგან

დღეს მივიღეთ მორიგი, უკვე ღიად ცინიკური პასუხი პროკურატურისგან: გამოძიება ამ ეტაპზე ვერ ხედავს მომხდარში დანაშაულის ნიშნებს, ამიტომ გარდაცვლილის უფლებამონაცვლედ ოჯახის წევრებს ვერ გცნობთო.
შესაბამისად, არავითარი უფლებები ამჟამად მამაჩემის მკვლელობის საქმის ძიებისას ოჯახის წევრებს არ გვენიჭება, მათ შორის – არც საქმის მასალებს გაგვაცნობენ!

9 აპრილს, დღის ორ საათზე გთხოვთ მობრძანდეთ პარლამენტის წინ, საპროტესტო აქციაზე. რომელიც შეეხება არამხოლოდ ამ დანაშაულს და მის მიჩმქალვას, არამედ არაფორმალური, მოღალატური მმართველობის პრობლემატიკას! გვეყოლება ძალზე საინტერესო გამომსვლელები, ძალზე საინტერესო მოხსენებებით…

ძალიან მინდა, რომ ეს აქციები არ იყოს მხოლოდ აქციებისთვის, არამედ საზოგადოების გათვითცნობიერებას და პროგრესს შეუწყოს ხელი, რაც ახალი სტილი იქნება დამოუკიდებელი საქართველოს საპროტესტო მოძრაობათა ისტორიაში.

დანარჩენს – ამ დღეებში დავწერ უფრო დეტალურად. გთხოვთ, გვერდში დავუდგეთ ერთმანეთს და ასევე, გაავრცელოთ.

როგორც აქამდე თავად ვიდექი ყოველი თქვენგანის გვერდში მეც და ისიც, ვინც ამ ქვეყანას დამოუკიდებლობა მოუტანა. ნუ ჩამომართმევთ ქედმაღლობაში: მინიმუმ თხუთმეტი წელია ვამბობ, სხვის უფლებების დაცვა საკუთარის დაცვასაც ნიშნავს!

ცოტნე გამსახურდია

5 მარტი, 2017

Posted in 2017, საქართველო-Georgia, ცოტნე გამსახურდია | Tagged: | Leave a Comment »

ცოტნე გამსახურდიას მიმართვა

Posted by iberiana on მარტი 26, 2017

gamsaxurdiebi
ყოველი წლის მარტის ბოლოსა და აპრილის დასაწყისში სული სიმძიმით მევსება… ტრაგიზმის, გამოუვალობის განცდით, რომელიც დამოუკიდებელი საქართველოს შობას დაჰყვა თან – შინაური გარეწრებისა და ბოროტების იმპერიის მეცადინეობით. მოგეხსენებათ, 31 მარტი დამოუკიდებელი საქართველოს გამოცხადების საფუძვლის, დამოუკიდებლობის რეფერენდუმისა და ამავე დროს, ამ დამოუკიდებლობის ძირითადი შემოქმედის, ზვიად გამსახურდიას დაბადების დღეა. ადამიანის, რომელმაც საქართველოს დამოუკიდებლობას მიაჯაჭვა მისი სიცოცხლე და ეს დღეც ორივეს დაბადების დღედ იქცა…

თუმც დამოუკიდებელ საქართველოს დიდხანს არ უცოცხლია, და არც მისი არსებობის მთავარ ინიციატორს. უკვე დაახლოებით 25 წელიწადია საქართველო მოჯადოებულ წრეზე დადის: ცხადად დანახული და დაწერილი ისტორიის, შეცდომებისა და სწორი ნაბიჯების შეფასების გარეშე. ხომ ნათქვამია: თუ გინდა, რომ ერს ღირსება დააკარგინო, მას პატრიოტები და თავდადებულები უნიათო და წარუმატებელ კაცუნებად უნდა დაუსახო, ხოლო მოღალატეები და გამყიდველები – გმირებად! განა ამის შემდეგ გასაკვირია, რომ ამდენი წელი გზა გვაქვს აბნეული?!

ზვიად გამსახურდიას სიკვდილსაც ჩემთვის ორი განზომილება აქვს: პიროვნული და სახელწიფოებრივი ტრაგედიისა.
1994 წელს იანვარში, როდესაც პირველკურსელ ყმაწვილს ჯერ მოკლული მამის ცხედრის ნახვა მქონდა სანატრელი და შემდეგ, როცა რამოდენიმე საფლავის გამოცვლის შემდეგ შევარდნაძის ბანდებმა რუსეთის სპეცსამსახურებთან ერთად როგორც იქნა გადმოგვცეს უკვე დაახლოებით 40 დღის გარდაცვლილი… მახსოვს ის დღეები, როდესაც ვეხებოდი მის სხეულს, როდესაც ვერ წარმომედგინა მიწისთვის როგორ უნდა მიმებარებინა იგი…

სახელმწიფოებრივ ასპექტს რაც შეეხება: არაფერი, რაც მის სიკვდილსა და საქართველოს სახელმწიფოს განადგურებას შეეხება დღემდე არ არის ოფიციალურად დადგენილი. შევარდნაძის დროს, ბუნებრივია, ეს ყველაფერი მიჩქმალული და თაროზე შემოდებული იყო. ქვეყნის პოლიტიკური და ეკონომიკური სისტემის ნგრევა, ათასობით ადამიანის განადგურება, ტერიტორიების დაკარგვა, ქვეყნის ძარცვა და მის ხარჯზე ერთეულების გამდიდრება, რისეთის ჯარის გამოყენება კანონიერ ხელისუფლებასთან ბანდიტურ ბრძოლაში და პრეზიდენტის მკვლელობა არავის აინტერესებდა.

სააკაშვილის მმართველობის დროს ამ მიმართულებით გარკვეული,მაგრამ უმნიშვნელო ნაბიჯები გადაიდგა. შეიქმნა ზვიად გამსახურდიას გარდაცვალების მიზეზთა დამდგენი საპარლამენტო კომისია, თუმც მას არ მისცეს საგამოძიებო ფუნქციები. მიუხედავად ამისა, ამ კომისიამ სერიოზული მასალები და მტკიცებულებები მოიპოვა, რაც დღესაც ამ საქმის ტექსტთა ძირითად კორპუსს შეადგენს.

“ქართული ოცნების” ხელისუფლებამ ეს საქმე მკვლელობის გამოძიების მუხლით გადააკვალიფიცირა და გარკვეული საგამოძიებო ქმედებები ჩაატარა. თუმც მალევე გამოჩნდა, რომ ეს მხოლოდ პოლიტიკურად სასპეკულაციო თემა იყო და სინამდვილეში დღეს პროკურატურა და სუსი გულმოდგინედ მალავენ ზვიად გამსახურდიას მკვლელობის ავტორებსა და შემსრულებლებს! მალავენ საკუთრივ რუსეთის, იმჟამინდელი შევარდნაძის (რომელნიც იგივე მოსკოვიდან იმართებოდნენ) სპეცსამსახურებისა და ბანდების მონაწილეობას და როლს ჩვენი ქვეყნის დაქცევა-განადგურებაში. საქმის მასალებში ცხადად ჩანს მომხდარი, მხოლოდ ეფექტური საგამოძიებო ქმედებებია განსახორციელებელი!მთავარი პროკურატურის ხელმძღვანელობა და მინისტრი ვახტანგ გომელაური შეგნებულად აფარებენ ხელს შევარდნაძის მკვლელებსა და იდეურ მემკვიდრეებს. იმედია გასაგებია, ვისი დავალებით!

ამ ყველაფერზე ხვალ, 27 მარტს უფრო დეტალურად ვისაუბრებთ პრესკონფერენციაზე კონსტანტინე გამსახურდია და მე, ამ სიტყვების ავტორი. ამავე დროს, უახლოეს დღეებში დაგეგმილი მაქვს შეხვედრები საქართველოში აკრედიტებულ მეგობარი ქვეყნების ელჩებთან, რათა გავაცნო ვითარება და იმედი მაქვს დასაბუთებული მხარდაჭერისა.

გთხოვთ გაიაზროთ და გაავრცელოთ:

ყველა ადამიანსა და პოლიტიკურ ძალას, ვინც ადეკვატურად აფასებს პროცესებსა და გული შესტკივა ქვეყანაზე, სამართლიანობაზე, კანონიერებაზე გთხოვთ მობრძანდეთ რუსთაველზე, პარლამენტის წინ 31 მარტს, პარასკევს, დღის 4 საათზე.
ძალა ხალხშია, ერთად დავამთავროთ სიყალბე!

ცოტნე გამსახურდია

26.03.2017

Posted in 2017, გამსახურდია, საქართველო-Georgia | Tagged: | 1 Comment »

სისხლიანი 2 თებერვალი

Posted by iberiana on თებერვალი 2, 2017

გვახსოვდეს დღევანდელი ქართული სახელმწიფოს ისტორიული და სამართლებრივი საფუძვლები

ზუსტად 25 წლის უკან, 1992 წლის 2 თებერვალს რამოდენიმე ასეულმა იარაღიანმა ნაძირალამ სისხლში ჩაახრჩო დაახლოებით ორას ათასიანი მშვიდობიანი დემონსტრაცია. ადამიანები, რომელნიც საკუთარი კანონიერი არჩევანის დაცვას ცდილობდნენ და აპროტესტებდნენ სამხედრო გადატრიალებას. ადამიანები, რომლებიც ცდილობდნენ დაეცვათ ქვეყანა იმ საშინელებისგან, რომელიც მას თურმე უნდა გაევლო… ათასობით სამშობლოზე მოფიქრალი ადამიანი, მოქალაქეები, რომლებიც “ზვიადისტებად” – ერთ ადამიანზე ფანატიკურად შეყვარებულ უგნურებად – შერაცხა მოსკოვის ტელევიზიამ და საკუთარი კეთილდღეობისთვის ყველაფრის მკადრებელმა “სვეტსკი” ბოზბანდამ. ბანდამ, რომელმაც ქვეყანა სისხლში ჩაახრჩო იმიტომ, რომ იმჟამინდელმა პრეზიდენტმა პრივილეგიები გამოაცალა…

იმ დღეს 180-ზე მეტი ადამიანი დაიჭრა და 20-ზე მეტი დაიღუპა. ამ ყველაფრის ავტორებისათვის დღეს არცერთ ხელისუფლებას პასუხი არ მოუთხოვია. მეტიც, არაერთი მათგანი დღემდე უზრუნველად დასეირნობს ამ ქალაქში და ხანდახან ჭკუასაც გვარიგებს ხოლმე…
მარადიული ხსოვნა იყოს…

ცოტნე გამსახურდია

2 თებერვალი, 2017

Posted in 2017, საქართველო-Georgia | Tagged: , | Leave a Comment »

“ვინ მოკლა ზვიად გამსახურდია?!“

Posted by iberiana on აპრილი 1, 2016

“ვინ მოკლა ზვიად გამსახურდია?!“ – მოიკლა თუ არა თავი ზვიად გამსახურდიამ – როგორია ცოტნე გამსახურდიას შეფასებები…

Posted in ზვიად გამსახურდია, საქართველო-Georgia | Tagged: | Leave a Comment »