Iberiana – იბერია გუშინ, დღეს, ხვალ

სოჭი, აფხაზეთი, სამაჩაბლო, დვალეთი, ჰერეთი, მესხეთი, ჯავახეთი, ტაო-კლარჯეთი იყო და მუდამ იქნება საქართველო!!!

● ცხოვრების ჯანსაღი წესი

უფულოდ დარჩენილი “კოლორიტი” და შეურაცხყოფილი მაყურებელი: ანუ აქა ამბავი პედერასტთა გატელევიზიებული პარადისა, არსებისა, რომელიც უკვე “ის თამრო” აღარ არის და პატრონსასიკვდილე “ძროხისა”

 

– მაშ, რა საჭიროა გზა, თუ ის ტაძრამდე არ მიგვიყვანს. – უკვირს “მონანიების” მიწურულს დიდებული ვერიკო ანჯაფარიძის გმირს.

მით უფრო, რა საჭიროა არამცთუ ტაძრისკენ, არამედ სოდომ-გომორისკენ მიმავალი გზა, უფრო კონკრეტულად – რომელიმე ტელეკომპანია და, კიდევ უფრო კონკრეტულად – ამ რომელიმე ტელეკომპანიის მავანი “სიმართლის” მსახური გადაცემა თავისი წამყვანიანად, რომელიც სწორედ სოდომ-გომორისკენ თუ არ წალდავს გზას მაყურებელთა გონებაში, ყოველ შემთხვევაში, დაჟინებით მაინც ცდილობს ამის გაკეთებას.

– შენ მოგიკვდა პატრონი, შენ მოუკვდი შენს პატრონს! – უთუოდ გეხსომებათ ფრთიან ფრაზად ქცეული ეს სიტყვები “უდიპლომო სასიძოდან”.

თითქოს ძროხაზე კი არა, აღნიშნულ გადაცემა-წამყვანსა და ამ “შედევრის” ეთერში “გამჟღერებელ” ტელეკომპანია “იმედზე” ეთქვას ეს სიტყვები აკაკი კვანტალიანის გმირს.

ეჰ, სად არის ახლა ის ცხონებული, თავისი ქებული სახრით რომ დაიფრინოს “სიმართლის დროის” თუნდაც გუშინწინდელი გადაცემის “მსახურ-მქადაგებელ-მხარდამჭერნი”!

– ძალიან მაგარი და მართალი კაცი ხართო, – ხოტბას ასხამდა “სიმართლის მაძიებელი” შალვა რამიშვილი (დიახ, სწორედ ის შალვა, რომელმაც, ციხეგამოვლილმა, დაახლოებით ასეთი რამ თქვა, – გმირობას ნუ მომთხოვთ, გმირი არა ვარ, რომ მისი მანტია მოვისხაო, ანუ აწი იქ ვიქნები, სადაც უკეთესი ზურგის ქარი ქრისო და, კიდევ უფრო ანუო, მედეა ჩახავას კინოგმირისა არ იყოს, “ის თამრო აღარა ვარ”, იმ ავადსახსენებელ 50 ათას დოლარამდე რომ ვიყავიო, რაღა!) თავის პირისპირ მაღალ სკამზე წამოყინჩებულ “სიმართლისთვის თვალის გამსწორებელ” ქუთაისელ “კოლორიტს”.

თქვენი ასეთი სიმართლისმოყვარეობა-გულახდილობით და პირადი მაგალითით მაყურებელთათვის იმის თქმა გინდათ, რომ არატრადიციულ ორიენტაციას თქვენთვის კარიერის აწყობაში ხელი არ შეუშლია და არც სხვებს შეუშლის, ხომ. – დასძინა მერე.

– კიო! – თითქოს უფრო განაზდა “კოლორიტი”.

კაცო, გაგონილა. მოგწონს ასეთები, ბემურაზო. თუ მოგწონს, როგორც იტყვიან, ღმერთმა მშვიდობაში მოგახმაროს, თუ გინდა, სახლშიც წაიყვანე! იქ უფრო გულახდილად ისაუბრებთ და უკეთაც გაუგებთ ერთმანეთს! მე, ტელემაყურებელს, ძალად რად მჩრი ამ როგორც თავად აღიარა, პედერასტს.

თუმცა ერთი კია: ამით წამყვანმა ერთგვარად ვალი გადაუხადა “რესპონდენტს”, რომელმაც მანამდე რამიშვილს დაუწყო ქება, რომელი ქებაც თავმდაბალმა შალვამ შეაწყვეტინა, – ჩემი ხოტბა ეკრანს მიღმა იყოსო.

მოკლედ, ზუსტად ისე იყო, გუგული რომ მამალს აქებდა!

მიჭირს და არც არის საჭირო იმ ყველა ამაზრზენი დეტალის გახსენება-გამეორება, “იმედმა” გუშინწინ რომ შემოგვთავაზა. ამიტომ ერთსღა ვიტყვი:

აცი, რომელიც საჯაროდ, ტელევიზიით აღიარებს, ჰომოსექსუალისტი ვარო;

კაცი, რომელიც ტელევიზიით აღიარებს, კომუნისტების დროინდელ სუკთან ვთანამშრომლობდი და იქაურ თანამშრომელ მამაკაცებთან სექსუალური კავშირი მქონდაო;

კაცი, რომელიც სახალხოდ იტყვის (თანაც კარგად დაფიქრების შემდეგ), საფულეს, რომელშიც ათასი დოლარი და მისი დამკარგავის კოორდინატებიც იდება, პატრონს არ დავუბრუნებო;

კაცი, რომელიც სახალხოდ აღიარებს, დისერტაციის დაცვაში ფეესბე (რუსეთის უშიშროების ფედერალური სამსახური) დამეხმარაო;

და რაც მთავარია, კაცი, რომელიც ყოველივე ამის შემდეგ სახალხოდ იტყვის, ყველაფრის თავიდან დაწყების შანსი რომ მომეცეს, ჩემს ცხოვრებაში არაფერს შევცვლიდიო…

ამგვარი “კაცი” (პირდაპირ ვიტყვი, იმის მიუხედავად, პიროვნების ღირსების შეურაცხყოფად ჩამითვლიან თუ არა) რამედ ვარგა და გამოდგება?

ასეთი “კაცის” ლექტორობა ივარგებს (ქუთაისის სამ უმაღლეს სასწავლებელში ვასწავლიო(?!), თუ მეცნიერული “მოღვაწეობა” გამოდგება რამედ.

დიდი ბოდიშის მოხდით, იმ ქუთათურებისაც გამკვირვებია, ასეთ “კაცთან” უნარ-ჩვევების შესასწავლად თავიანთ შვილებს რომ აგზავნიან (თავად თქვა “კოლორიტმა”, უნარ-ჩვევებში ვამზადებ აბიტურიენტებსო).

ვგრძნობ, თავს ვერ ვერევი და ერთგვარად დაუკრეფავშიც გადავედი (ბოდიში რომ წამალი იყოს, მართლაც აფთიაქში გაიყიდებოდა!).

ამიტომ უნდა დავამუხრუჭო და სხვა კუთხითაც შევხედო იმ სისაძაგლეს, რომელსაც გუშინწინდელი “სიმართლის დრო” ჰქვია:

ჩემი ღრმა რწმენით, ეს ყბადაღებული “არატრადიციული ორიენტაციაც” ნორმიდან გადახრა და ერთგვარი ავადმყოფობაა. სენს კი მკურნალობა სჭირდება და არა, თუნდაც, რბილად რომ ვთქვათ, გაკილვა.

ამიტომ დროა, “კოლორიტს” შევეშვა და ტელეკომპანია “იმედს” და მის “სიმართლის დროს” მივუტრიალდე:

  • ვინ მოგცათ ან თუნდაც საკუთარ თავს რად მიეცით ადამიანის ბედით მანიპულირების და მისი გაპამპულების, დაცინვის თუ არა, თუნდაც საყოველთაო განსჯა-გაკილვის საგნად ქცევის უფლება (თუ გგონიათ, რომ “კოლორიტზე” მაყურებელთა აბსოლუტური უმრავლესობა ერთობ უარყოფითი აზრისა არ დარჩა, რომ ხალხს მოსწონს ეს გადაცემა, ძალიან ცდებით! ერთი გენახათ და მოგესმინათ, როგორაც “გამკობდნენ” მის გამო გუშინწინაც და ადრეც).
  • რა უფლებით ექცევით ადამიანებს ისე, როგორც კინოფილმ “ლაზარეში” “შახტი კოტეს” ექცეოდნენ (ადამიანისადმი ამგვარ დამოკიდებულების თქვენი “გენიალური” ფრაზა ვერ გაამართლებს, შალვა ბატონო, – ხომ იცოდა, როგორ გადაცემაშიც მოდიოდაო!).

მე რომ კაცმა მკითხოს, ამ გადაცემას “სიმართლის დრო” კი არა, “ახლა ჩვენი დროა” უნდა ერქვას.

დიახ, სწორედ თქვენი, ბატონებო, ისეთებისა, რომლებიც ცდილობენ, ყველაფერი თავდაყირა დააყენონ, საფუძველი გამოაცალონ ყოველივე ქართულს, ტრადიციულს, ჭეშმარიტად ეროვნულს, ისე შემოგვაპარონ მრავალი უგვანობა, თუნდაც პედერასტობა, როგორც იეღოველობის შემოცოცებას აპირებენ ქრისტიანობა-მართლმადიდებლობის დამცრობა-დაკნინების ხარჯზე!

თუმცა მეც ვარ, რა! რომელ პედერასტობის შემოპარების მცდელობაზეა ლაპარაკი, როდესაც უკვე “ის თამრო” რომ აღარ არის, ისეთმა შალვა რამიშვილმა გუშინწინ პირდაპირ დაახეთქა “კოლორიტისადმი” (რომელმაც ის-ის იყო აღიარა – ჰომოსექსუალისტი ვარო) მიმართვით: დარბაზის რეაქცია და დამსწრეთა ტაში ნიშნავს, რომ ისინი ჰომოსექსუალიზმს მიუღებლად არ მიიჩნევენო!

აი, ასე, მოკლედ და ლაკონურად!

ის მაინც აგვიხსენით, შალვა ბატონო, რომელი არსენა თქვენა ხართ, თქვენი “არშინით” რომ “ზომავთ” და განსაზღვრავთ ხალხის აზრსა და პოზიციას.

ლამის მთელი დარბაზი რა უფლებით გაგვიჰომოსექსუალისტეთ.

თუმცა, მარტო დარბაზი რას მიქვია, როცა, თუ ხალხმა ეს თქვენი “ახლა ჩვენი დროა” დროულად არ დაამთავრა, ამას სრულიად საქართველოს დაუპირებთ!

მაგრამ, საბედნიეროდ, ყველაფერს აქვს დასასრული!

რუსლან რუსია.

პ.ს. მოქმედი კანონმდებლობით, შალვა ნაბექაურელო, ვგონებ, დამნაშავესთან ერთად მისი წამქეზებელიც ისჯება (ეს თქვენ, სასჯელმოხდილს, ჩემზე უკეთ გეცოდინებათ! და კიდევ: სულო ცოდვილო, როგორ ვთქვა, მაგრამ იქნებ თქვენთვისვე ყოფილიყო უკეთესი, რომ კვლავ საკანში მჯდარიყავით, ხალხში სახელი მაინც არ გაგიტყდებოდათ!).

ამას რატომ გეუბნებით, იცით?

რატომ და, იმდენი აქეთ გუშინწინ “კოლორიტი”, მაგარი ვინმე ხართ, ეს დარბაზი და ლამის მთელი საქართველოც თქვენი ჰომოსექსუალურობის გამო მხარს გიჭერენ და მოსწონხართო, მისთვის “საბედისწერო” კითხვაზე პასუხისას – რამეს თუ შეცვლიდით თქვენს ცხოვრებაშიო – “ზადნი” ვერ მისცა და, არაფერს არ შევცვლიდიო, უპასუხა.

არადა, თურმე, როგორც სიცრუის დეტექტორმა დაადგინა, შევცლიდიო, უნდოდა ეთქვა.

თქვენგან წაქეზებულმა კი საპირისპირო რამ თქვა.

ჰოდა, “დაისაჯა” კიდეც – უფულოდაც წავიდა სტუდიიდან!

თქვენც დაისჯებით ოდესმე ამ წაქეზებისთვის, შალვა!

რ. რ.

პ.პ.ს. თავდაპირველად ამ წერილისთვის ასეთი რუბრიკა მინდოდა წამემძღვარებინა – “ჩამორჩენილი” კაცის ფიქრები”. მერე გადავიფიქრე. ანკი რა საჭირო იყო. თანამედროვედ განათლებულნი ხომ ისედაც კარგად მიხვდებიან, რა “გოიმიც” ვარ.

რ. რ.

(C) გაზეთი “საქართველოს რესპუბლიკა”

***

***

რატომ უწევს რეკლამას რუსთავი2 ცხოვრების არაჯანსაღწესს
კერძოდ, სიგარებს

ერთი კვირაა რუსთავი 2 ეწევა სიგარების რეკლამას, მაშინ როდესაც აქტიურად მიმდინარეობს თამბაქოს საწინააღმდეგო კამპანია.

ამას გარდა, დღეს, 19 ოქტომბერს, გადაცემა “ბიზნეს კურიერში” (13:30-14:00) დღისით სიგარის რეკლამასთან ერთად ჩაატარეს ერთგვარი გაკვეთილი, თუ როგორ უნდა მოვიხმაროთ სიგარა. თურმე ნუ იტყვით და სიგარა აუცილებელი ატრიბუტი ყოფილა პრესტიჟისთვის, საქმიანი შეხვედრებისთვის, მოდუნებისთვის და ა.შ.

ეს ყველაფერი აკრძალულია 18.03.2009 დამტკიცებულ “მაუწყებელთა ქცევის კოდექსის” თანახმად

მუხლი 42. ნარკოტიკები, თამბაქო, ალკოჰოლი
1.დაუშვებელია ნარკოტიკების უკანონო გამოყენების, ალკოჰოლის ან
თამბაქოს არაჯეროვანი გამოყენების გადაცემა 23:00 საათამდე ან საბავშვო
პროგრამებში.
2.დაუშვებელია ნარკოტიკების უკანონო გამოყენების, ალკოჰოლისა და
თამბაქოს არაჯეროვანი გამოყენების გამართლება, წახალისება ან მოწონება.
მუხლი 45. სამაუწყებლო პროგრამათა კატეგორიების განმსაზღვრელი
კრიტერიუმები
1. 18 წლამდე არასრულწლოვანებისთვის შეუფერებლად ჩაითვლება
სამაუწყებლო პროგრამა თუ ის შეიცავს:

დ) თამბაქოსა და ალკოჰოლის მოხმარების გამართლებასა და მოწონებას.

19.10.2009

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s