ზვიად გამსახურდიას შეხედულება დასავლეთზე და რუსეთზე

საქართველოს პირველი პრეზიდენტის, ბატონ ზვიად  გამსახურდიას შეხედულება დასავლეთზე და რუსეთზე

,,როცა სადღაც აფრიკაში ამხობენ მორიგ დიქტატორს, დაახლოებით ბოკასოს ტიპისას, კაციჭამიობაში მხილებულს, დასავლეთის განვითარებული ქვეყნების მთავრობები ამას განიხილავენ, როგორც ,, ადამიანის ძირითად უფლებათა დარღვევას”. და დიქტატორის საწინააღმდეგოდ გაეროს ჯარებს გზავნიან, მაგრამ, როცა საქართველოში იარაღის ძალით დაამხეს კანონიერი ხელისუფლება, მსოფლიო საზოგადოებრიობის ეს ფაქტი შეაფასა, როგორც ქართველი ხალხის თავისუფალი ნების გამოვლინება. იმის გასარკვევად თუ რით აიხსნება დასავლური დემოკრატიის ესოდენი გულგრილობა სახელმწიფოს კანონიერი ხელისუფლების ბედისადმი, მივმართეთ თავად საქართველოს რესპუბლიკის პრეზიდენტს, ზვიად გამსახურდიას.

მთავრობები, რომელთაც თქვენ დემოკრატიულად მოიხსენიებთ, სინამდვილეში კარგახანია განუდგნენ დემოკრატიას, დემოკრატია იქცა ცარიელ სიტყვად, რომელსაც თავის ნებაზე ატრიალებენ დასავლეთის მთავრობათა ამა თუ იმ პოლიტიკური ინტერესების შესანიღბავად, როცა ამ მთავრობებს სურთ გააძლიერონ თავიანთი გავლენა და სამხედრო ყოფნა რომელიმე რეგიონში, თავდაპირველად ცდილობენ მოისყიდონ ამ ქვეყნის ხელისუფლება, და თუ წინააღმდეგობას წააწყდებიან, უბრალოდ ამხობენ მას, ასეთ შემთხვევაში მათთვის არა აქვს მნიშვნელობა დჟამხობილი რეჟიმის ხასიათს, დემოკრატიულია იგი თუ ავტორიტარული. ეს მტაცებლური მიდგომა სხვა ქვეყნებისადმი დღეს საბოლოოდ დამკვიდრდა ნატოს სახელმწიფოებში. აღსანიშნავია, რომ დასავლეთის ყველაზე მძლავრი სახელმწიფოები უკვე აღარც კი ცდილობენ შენიღბონ თავიანთი ზრახვები და აშკარად და ცინიკურად თრგუნავენ სხვა ხალხთა ნებას, სწორედ ეს მოხდა საქართველოში.

სრულად:  https://iberiana2.wordpress.com/segm/gamsakhurdia-3/

მრავალათასიანი მიტინგები ხაბაროვსკში

2020 წლის 9 ივლისს რუსეთის ფედერაციის უშიშროების ფედერალურმა სამსახურმა [„ფსბ“] საგამოძიებო კომიტეტის თანამშრომლებთან ერთად ხაბაროვსკის მხარის გუბერნატორი, სერგეი ფურგალი მის სახლთან დააკავა, რის შემდეგაც მოსკოვში გადაიყვანა.

გამოძიება მას 2004-2005 წლებში ბიზნესმენების მკვლელობის მომზადებას ედავება. 10 ივლისს მოსკოვის ბასმანის სასამართლომ ფურგალი 9 სექტემბრამდე პატიმრობაში დატოვა. თავად დაკავებული გუბერნატორი ბრალს არ აღიარებს.

11 ივლისსვე ფურგალის დაკავების გამო ხაბაროვსკში საპროტესტო აქციები გაიმართა, რომლებიც დღემდეც გრძელდება. აქციის მონაწილეთა რაოდენობა სხვადასხვა წყაროს განსხვავებულად მოჰყავს [მაგალითად, ერთ-ერთ აქციას, ადგილობრივი შსს-ის ცნობით, 10-12 ათასი ადამიანი ესწრებოდა, მაშინ როცა ზოგიერთი რუსული მედიასაშუალება 30-35 ათასზე წერდა. ხაბაროვსკის მოსახლეობა მთლიანობაში 589 596 ადამიანია]. მიტინგები იყო მხარის სხვა ქალაქებშიც, 25 ივლისს კი ხაბაროვსკელების მხარდასაჭერი აქციები ჩაატარეს რუსეთის სხვა ქალაქებშიც, მათ შორის, მოსკოვშიც, სადაც 40 ადამიანზე მეტი დააკავეს.

სრულად: https://iberiana.wordpress.com/msoflioshi/khabarovsk/

 

სტივ ჰედლი – პირადად ვნახე, ჯორჯ ბუშმა სააკაშვილს მკერდზე თითი მიადო და უთხრა, რუსეთი არ გაეღიზიანებინა

ეროვნული უშიშროების საკითხებში ჯორჯ ბუშის ყოფილი მრჩეველი სტივ ჰედლი 2008 წლის ომს და ომამდე, თეთრ სახლში ჯორჯ ბუშისა და მიხეილ სააკაშვილის შეხვედრა იხსენებს.

სტივ ჰედლი „ამერიკის ხმასთან“ ინტერვიუში აცხადებს, რომ რუსეთი სააკაშვილის პროვოკაციაზე წამოგებას ცდილობდა და ძალიან მნიშვნელოვანი იყო მისი დამშვიდება, რათა ისეთი რამ არ გაეკეთებინა რასაც მოგვიანებით ინანებდა.

მსიივე თქმით, “პრეზიდენტმა ბუშმა ორი რამის გაკეთება სცად – მკაფიოდ გამოეხატა საქართველოსა და მისი პრეზიდენტისადმი პერსონალური მხარდაჭერა, ასევე, ერჩია მისთვის, არ მოეხდინა რუსეთის პროვოცირება, რადგან საქართველო რუსეთის ინტერვენციას თავს ვერ გაართმევდა”.

„ბუშთან ერთად 2005 წელს საქართველოში ვიყავი. დიდებული დღე იყო, შთაგონების მომცემი. მახსოვს ომამდე სააკაშვილის ვიზიტი თეთრ სახლში და ბუშთან შეხვედრა ოვალურ კაბინეტში. შეხვედრის შემდეგ მედიასთან პრეზიდენტმა ბუშმა საქართველოს დამოუკიდებლობისა და სუვერენიტეტის მიმართ მხარდაჭერა გამოთქვა. როცა მედია ოთახიდან გავიდა და შეხვედრა მთავრდებოდა, პრეზიდენტი ბუში სააკაშვილთან მივიდა, მკერდზე თითი მიადო და უთხრა – რუსეთი არ გააღიზიანო, რუსეთს თავს ვერ გაართმევ, მე რუსეთისგან ვერ დაგიცავ გეოგრაფიის გამო”, – აცხადებს სტივ ჰედლი.

ავტორი – ლაშა მიქაძე

27.07.2018

რუსეთის მთავრობა გადადგა!

რუსეთის მთავრობის ხელმძღვანელი, პრემიერმინისტრი  დიმიტრი მედვედევი უშიშროების საბჭოს თავმჯდომარის მოადგილედ დაინიშნება, თვითონ საბჭოს ვლადიმერ პუტინი ხელმძღვანელობს.

რუსეთის მთავრობა გადადგა, განაცხადება ქვეყნის პრემიერ-მინისტრმა, დიმიტრი მედვედევმა გააკეთა.

რუსული მედიის ცნობით, ვლადიმერ პუტინის მიერ დაანონსებული საკონსტიტუციო ცვლილებების ფონზე, დიმიტრი მედვედევი მთავრობის მოქმედი შემადგენლობის გადადგომას სწორად მიიჩნევს. ამის შესახებ მან რუსეთის პრეზიდენტთან, ვლადიმერ პუტინთან შეხვედრისას განაცხადა.

„აღნიშნული ცვლილებები არსებითად შეცვლის არა მხოლოდ კონსტიტუციის მუხლების მთელ რიგს, არამედ მთლიანად აღმასრულებელი, საკანონმდებლო, სასამართლო ხელისუფლების ბალანსს. ამ კონტექსტში აშკარაა, რომ რუსეთის ფედერაციის მთავრობამ უნდა მისცეს ჩვენი ქვეყნის პრეზიდენტს საშუალება, მიიღოს აუცილებელი გადაწყვეტილებები და ამ პირობებში, სწორად მიმაჩნია, რომ რუსეთის ფედერაციის კონსტიტუციის 117-ე მუხლის შესაბამისად, მთავრობა ამჟამინდელი შემადგენლობით გადადგეს“, – განაცხადა მედვედევმა.

 

ზურაბ ხონელიძის სკანდალური განცხადება

“მობილიზებული იყო ტექნიკა საქართველოში შემოსასვლელად”

სოხუმის სახელმწიო უნივერსიტეტში პროექტის პრეზენტაციაზე, სადაც  პროფესორმა თემურ ჩილაჩავამ წარადგინა სოხუმის სახელმწიფო უნივერსიტეტის მათემატიკური და კომპიუტერული მოდელირების სამეცნიერო-კვლევითი ინსტიტუტის პროექტი –  “კონფლიქტების დარეგულირების მათემატიკური მოდელები”, უნივერსიტეტის რექტორმა ზურაბ ხონელიძემ სკანდალური განცხადება გააკეთა. რექტორის თქმით, მას აქვს ინფორმაცია რუსეთის მხრიდან დაგეგმილი აგრესიის, უფრო სწორად სამხედრო თავდასხმის შესახებ. ზურაბ ხონელიძის განცხადებით:

„მოვიდა დრო ჩვენ ჩვენს შეცდომებზე ვისაუბროთ. დავანებოთ თავი, რომ სხვის შეცდომებზე ვერ ვსაწლობთ, ჩვენს შეცდომებზე ვისაუბროთ. აი, ვართ ზღვრამდე, მივედით. არ მინდა ვისაუბრო, მაგრამ დიდი საფრთხის წინაშე იდგა ქვეყანა, წარმოუდგენელი საფრთხის წინაშე, წარმოუდგენელი.

არ დაგიმალავთ და გეტყვით, ეს არ არის ჩემი დაკვირვების და ანალიზის შედეგი, ეს არის ფაქტი – მობილიზებული იყო ტექნიკა საქართველოში შემოსასვლელად, მაგრამ ეს ყველაფერი გადაარჩინა იმ 27-მა გემმა, რაც შავი ზღვის აკვადორიაში შემოვიდა – ამერიკის გემებმა. მე მქონდა საუბარი ერთ ძალიან საინტერესო ადამიანთან, არაქართველთან, რომელსაც შეიძლება ენდო და რომელიც არის  პირველწყარო. მან მითხრა რა საუბარი შედგა ორი ქვეყნის პრეზიდენტს შორის. ის განცხადება, რომელიც გაკეთდა, გააკეთა პუტინმა, ნუ დავყოფთ ამას პირველ და მეორე ნაწილად, იმიტომ რომ პირველი ნაწილი მის ინტერესებს ემსახურებოდა და რა თქმა უნდა, მეორე ნაწილიც მის ინტერესებს ემსახურებოდა, მაგრამ… არ ვიცი, სხვა სიტყვებით როგორ უნდა ვთქვა – ვართ ჩიხში, ჩიხში, ჩიხში. ვაქციოთ ეს ჩიხი ახალი გზის დასაწყისად, ვართ გამოუვალ მდგომარეობაში, არის შენიღბული შესაძლებლობა და რაც უფრო მალე გავიაზრებთ, მით უკეთესი.

ყველაზე დიდი ძალა არის სიმართლე –  სი-მა-რთლე.  ჩვენ ვიცით რომ სიმართლე არის ჩვენს მხარეს და ჩვენს გასაკეთებელს ვერ გააკეთებს და არ გააკეთებს არც ერთი, არც მტერი და არც მეგობარი და პოლიტიკაში მეგობრობა ცოტა განსხვავებული რამ არის, მას აქვს ერთი ფაქტორი –  ეს არის ინტერესი“.

progressnews.ge

ვიქტორ ბარანეცი – ქართველების მიმართ ჩვენ მოვიქეცით როგორც მეძავები

“ქართველების მიმართ ჩვენ მოვიქეცით როგორც მეძავები”

ვიქტორ ბარანეცი (საბჭოთა და რუსეთის სამხედრო ჟურნალისტი) თავის მემუარებში “გენშტაბი საიდუმლოების გარეშე” (1999 წ.) წერს:
– 1996 წ. თებერვალში ე. შევარდნაძემ გამოთქვა უკმაყოფილება ჩვენი პოლიტიკის მიმართ:
“აფხაზეთში, ნახევარი მილიონი მოსახლეობიდან აფხაზები შეადგენდნენ მხოლოდ 17%. ფიზიკურად შეუძლებელი იყო, რომ მათ მოეხდინათ დანარჩენი ნაწილის გენოციდი და ეთნიკური წმენდა. ასე რომ რუსების დახმარება იყო უზარმაზარი – ფინანსური, სამხედრო, და თანამედროვე ტექნიკის მიწოდება”.

ამაზე მოსკოვი არ რეაგირებდა, რადგან არაფერი იყო სათქმელი, ისედაც ყველაფერი ნათელი იყო. როსტოვის და მოსკოვის შტაბების არქივებში დღემდე მოიძებნება დოკუმენტები იმ მძლავრ სამხედრო დახმარებაზე, რომელიც ჩვენ აღმოვუჩინეთ აფხაზებს – ტანკები, თვითმფრინავები, შეიარაღება და ადამიანური რესურსები.

ერთი სიტყვით, ჩვენ როგორც მეძავები ისე ვიქცეოდით.

P.s. ბარანეცი ტიპიური საბჭოური მენტალობის იმპერიალისტია – აქ მის აღიარებას ვაქცევ ყურადღებას რო ეხმარებოდნენ აფსუა სეპარატისტებს.

gmas.ge

 

“ზნეობრივი” რუსეთი

ალექსანდრე სანდუხაძე – “ზნეობრივი” რუსეთი

თავის უმაღლეს, გადამწყვეტ ფაზაშია შესული რუსეთის იმპერიის აგიტაცია-პროპაგანდა. რუსი ველიკოდერჟავნიკული იდეოლოგები, იმპერიის ერთგული არარუსი მსახურნი ყოველ ამქვეყნიურ ცოდვას, უზნეობას, გარყვნილობას ურცხვად, თავხედურად მიაწერენ უცხოეთსა და უცხოელებს, მათი იერიშის უმთავრესი საგანი დასავლეთ ევროპაა.

თურმე ნუ იტყვით, ევროპა ყოფილა მამათმავლობის, ინცესტის, პედოფილიის, ზოოფილიის ბუდე და კერა, რუსეთი და რუსი კი ღვთივკურთხეული და ღვთისრჩეულია… ზნეობრივი, წმინდა რუსეთი, ამოუცნობი რუსული სული…

ახლა კი ფარდა ავხადოთ ამ აშკარა სიცრუეს, მიზანმიმართულ სიყალბესა და ცილისწამებას.

Снохачество სნოხაობა – ტრადიცია რუსულ სოფელში, რომლის დროსაც მამაკაცი – თავკაცი დიდი გლეხური ოჯახისა (მცხოვრები ერთ ქოხში) იმყოფება სქესობრივ კავშირში ოჯახის ახალგაზრდა ქალებთან, ჩვეულებისამებრ თავისი ვაჟის ცოლთან (მამამთილის კავშირს რძალთან ეწოდება სნოხა), ამ ტრადიციამ გავრცელება ჰპოვა  განსაკუთრებით XVII-XIX საუკუნეებში და იარსება XX-საუკუნის დასაწყისამდე. თავდაპირველად ახალგაზრდა გლეხების არმიაში გაწვევის, შემდეგ კი საშოვარზე წასვლის გამო, როცა ახალგაზრდობა მიდიოდა ქალაქად სამუშაოდ და ცოლს ტოვებდა სახლში, სოფლად…

სრულად:  https://iberiana.wordpress.com/ruseti/russia-4/